70 ವರ್ಷದ ವೃದ್ಧೆಯೊಬ್ಬರು ಗರ್ಭ ಧರಿಸಿ ಮಗುವಿಗೆ ಜನ್ಮ ನೀಡಿದ ಆಶ್ಚರ್ಯಕರ ಘಟನೆಯೊಂದು ಗುಜರಾತ್ನಲ್ಲಿ ನಡೆದಿದೆ. ವಿವಾಹವಾಗಿ ಬರೋಬ್ಬರಿ 45 ವರ್ಷಗಳ ಬಳಿಕ ಈ ದಂಪತಿ ಪೋಷಕರಾಗಿ ಬಡ್ತಿ ಪಡೆದಿದ್ದಾರೆ.
ಈ ಮೂಲಕ ಈ ವೃದ್ಧೆಯು ವಿಶ್ವದಲ್ಲೇ ಅತ್ಯಂತ ಹಿರಿಯ ವಯಸ್ಸಿನಲ್ಲಿ ಮಗುವಿಗೆ ಜನ್ಮ ನೀಡಿದ ಮಹಿಳೆ ಎನಿಸಿದ್ದಾರೆ. ಜೀವೂಬೆನ್ ಎಂಬ ಹೆಸರಿನ ವೃದ್ಧೆ ಮದುವೆಯಾಗಿ 45 ವರ್ಷಗಳ ಬಳಿಕ ಮಗುವಿಗೆ ಜನ್ಮ ನೀಡಿದ್ದಾರೆ. ಜೀವೂಬೆನ್ಗೆ 70 ವರ್ಷ ವಯಸ್ಸಾಗಿದ್ದರೆ ಈಕೆಯ ಪತಿ ಮಾಲಧಾರಿ 75 ವರ್ಷದವರಾಗಿದ್ದಾರೆ.
ಇಳಿ ವಯಸ್ಸಿನಲ್ಲಿ ಮಗುವಿಗೆ ಜನ್ಮ ನೀಡಿದ ಕಾರಣಕ್ಕಾಗಿ ಈ ದಂಪತಿ ಭಾರೀ ಮಟ್ಟದಲ್ಲಿ ಸುದ್ದಿಯಾಗ್ತಿದ್ದಾರೆ. ಜೀವೂಬೆನ್ ಐವಿಎಫ್ ತಂತ್ರಜ್ಞಾನದ ಮೂಲಕ ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. ಜೀವೂಬೆನ್ ಹಾಗೂ ಮಾಲಾಧಾರಿ ದಂಪತಿ ಗುಜರಾತ್ನ ಸಣ್ಣ ಗ್ರಾಮವಾದ ಮೋರಾದ ನಿವಾಸಿಯಾಗಿದ್ದಾರೆ.
ಮದುವೆಯಾಗಿ ಇಷ್ಟು ವರ್ಷಗಳ ಬಳಿಕ ಮಗು ಜನಿಸಿರುವ ಬಗ್ಗೆ ಈ ದಂಪತಿ ಹರ್ಷ ವ್ಯಕ್ತಪಡಿಸ್ತಾ ಇದ್ದಾರೆ. ತಾಯಿ ಹಾಗೂ ಮಗುವಿನ ಆರೋಗ್ಯ ಸ್ಥಿರವಾಗಿದೆ ಎಂದು ವೈದ್ಯರು ಮಾಹಿತಿ ನೀಡಿದ್ದಾರೆ.
45 ವರ್ಷಗಳ ಹಿಂದೆ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದ ಜೀವೂಬೆನ್ ಹಾಗೂ ಮಾಲಾಧಾರಿಗೆ ಮಕ್ಕಳ ಭಾಗ್ಯ ದೊರಕಿರಲಿಲ್ಲ. ಐವಿಎಫ್ ತಂತ್ರಜ್ಞಾನದ ಮೂಲಕ ಡಾ. ನರೇಶ್ ಭಾನುಶಾಲಿ ಈ ದಂಪತಿಗೆ ಇಳಿವಯಸ್ಸಿನಲ್ಲಿ ಪೋಷಕರಾಗುವ ಭಾಗ್ಯ ನೀಡಿದ್ದಾರೆ.
ಈ ಮೂಲಕ ಜೀವೂಬೆನ್ ಅತ್ಯಂತ ಹಿರಿಯ ವಯಸ್ಸಿಗೆ ಮಗುವಿಗೆ ಜನ್ಮ ನೀಡಿದ ಮಹಿಳೆಯ ಎನಿಸಿದ್ದಾರೆ.
2009ರಲ್ಲಿ ಅತಿ ಹಿರಿಯ ವಯಸ್ಸಿಗೆ ಮಗುವಿಗೆ ಜನ್ಮ ನೀಡಿದ ಮಹಿಳೆ ಎಂಬ ಕೀರ್ತಿಗೆ ಯುರೋಪ್ನ ಎಲಿಜಬೆತ್ ಎಡಿನಿ ಎಂಬವರು ಪಾತ್ರರಾಗಿದ್ದರು. ಇವರು 50ನೇ ವಯಸ್ಸಿಗೆ ಮಗುವಿಗೆ ಜನ್ಮ ನೀಡಿದ್ದರು. ಇದೀಗ ಈ ದಾಖಲೆಯನ್ನು ಜೀವೂಬೆನ್ ಮುರಿದಿದ್ದಾರೆ.
Loading ...