ಮಾನವ ಬಳಕೆಗೆ ಯೋಗ್ಯವಲ್ಲದ ಅಕ್ಕಿಗೂ ಶೇ.5ರಷ್ಟು ಜಿಎಸ್​ಟಿ

ಛತ್ತೀಸ್‌ಗಢ: ತಿರಸ್ಕರಿಸಿದ ಅಥವಾ ಹಾನಿಗೊಳಗಾದ ಅಕ್ಕಿ ಕೂಡ 5 ಪ್ರತಿಶತ ಜಿಎಸ್‌ಟಿಗೆ ಅರ್ಹ ಎಂದು ಛತ್ತೀಸ್‌ಗಢ ಅಥಾರಿಟಿ ಫಾರ್ ಅಡ್ವಾನ್ಸ್ಡ್ ರೂಲಿಂಗ್ಸ್ (ಎಎಆರ್) ಆದೇಶಿಸಿದೆ.

ಇದರರ್ಥ ಮಾನವ ಬಳಕೆಗೆ ಯೋಗ್ಯವಲ್ಲದ ಮತ್ತು ಮಾನವ ಬಳಕೆಯನ್ನು ಹೊರತುಪಡಿಸಿ ಯಾವುದೇ ಉದ್ದೇಶಕ್ಕಾಗಿ ಬಳಸಲಾಗುವ ಅಕ್ಕಿಯನ್ನು ಸರಕು ಮತ್ತು ಸೇವಾ ತೆರಿಗೆಯಿಂದ (ಜಿಎಸ್‌ಟಿ) ವಿನಾಯಿತಿ ನೀಡಲಾಗುವುದಿಲ್ಲ ಎನ್ನುವುದು. ಮಾನವ ಬಳಕೆಗೆ ಯೋಗ್ಯವಲ್ಲದ ತಿರಸ್ಕರಿಸಿದ ಭತ್ತದ ಬೀಜವು 100610 ನೇ ಅಧ್ಯಾಯದ ಅಡಿಯಲ್ಲಿ ವರ್ಗೀಕರಣಕ್ಕೆ ಅರ್ಹವಾಗಿದೆ ಎಂದು ಎಎಆರ್​ ಹೇಳಿದೆ, ಇದು ಐದು ಶೇಕಡಾ ಜಿಎಸ್​ಟಿಯನ್ನು ಒಳಗೊಂಡಿರುತ್ತದೆ.

ಅಕ್ಕಿ ಗಿರಣಿ ನಡೆಸುತ್ತಿರುವ ಶ್ರದ್ಧಾ ಟ್ರೇಡರ್ಸ್, ತಿರಸ್ಕೃತ ಭತ್ತದ ಬೀಜಗಳ ಮಾರಾಟದ ಮೇಲೆ ವರ್ಗೀಕರಣ ಮತ್ತು ಜಿಎಸ್‌ಟಿಯ ಅನ್ವಯದ ಬಗ್ಗೆ ಸ್ಪಷ್ಟತೆ ಕೋರಿದ ನಂತರ ಈ ತೀರ್ಪು ಬಂದಿದೆ. ಇದು ಮಾನವ ಬಳಕೆಗೆ ಅನರ್ಹವಾಗಿದೆ, ಆದರೆ ದನಗಳ ಆಹಾರ ಉತ್ಪಾದನೆ ಮತ್ತು ಗೊಬ್ಬರ ಉತ್ಪಾದನೆಯಂತಹ ಕೈಗಾರಿಕಾ ಉದ್ದೇಶಗಳಿಗಾಗಿ ಬಳಸಬಹುದಾಗಿದೆ. ಈ ಹಿನ್ನೆಲೆಯಲ್ಲಿ ಜಿಎಸ್​ಟಿಗೆ ಒಳಪಡುತ್ತದೆ ಎನ್ನಲಾಗಿದೆ.

ಕೇಂದ್ರ ಹಣಕಾಸು ಸಚಿವರ ನೇತೃತ್ವದ ಜಿಎಸ್‌ಟಿ ಕೌನ್ಸಿಲ್, ಎಲ್ಲಾ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳ ಪ್ರತಿನಿಧಿಗಳನ್ನು ಒಳಗೊಂಡಂತೆ ಕಳೆದ ವಾರ ಸಭೆ ನಡೆದಿತ್ತು. ಇದರಲ್ಲಿ ನಿರ್ಧರಿಸಿರುವಂತೆ ಈಗ ಜಿಎಸ್​ಟಿ ವಿಧಿಸಲಾಗುತ್ತಿದೆ ಎಂದು ಹೇಳಲಾಗಿದೆ.