ಸಾಹಸ ದೃಶ್ಯದೊಂದಿಗೆ ʼಜೀವನ ಸಂದೇಶʼ ನೀಡಿದೆ ಈ ವಿಡಿಯೋ

ಕೆಲವರು ಹಿಂದೆಂದೂ ಕೇಳರಿಯದಂಥ ರೀತಿಯಲ್ಲಿ ವಿಸ್ಮಯವಾದಂಥ ಕೆಲಸಗಳನ್ನು, ತಂತ್ರಗಳನ್ನು ಮಾಡುವುದಿದೆ. ಸಾಹಸಮಯ ದೃಶ್ಯಕ್ಕೆ ಮೈ ನವಿರೇಳುವುದೂ ಉಂಟು. ಅಂಥದ್ದೇ ಒಂದು ವಿಡಿಯೋ ಈಗ ವೈರಲ್​ ಆಗಿದೆ. ಹಿಂದೆಂದೂ ನೋಡಿರದ ತಂತ್ರವನ್ನು ಬಳಸಿಕೊಂಡು ಆರು ಮಂದಿಯ ಗುಂಪು 30 ಸೆಕೆಂಡ್‌ಗಳಲ್ಲಿ ಗೋಡೆಯನ್ನು ಏರುವ ವಿಡಿಯೋ ಇದಾಗಿದೆ.

“ತನ್ಸು ಯೆಗೆನ್” ಎನ್ನುವವರು ಈ ವಿಡಿಯೋ ಶೇರ್​ ಮಾಡಿದ್ದಾರೆ. “ನೀವು ನಿಮ್ಮನ್ನು ಮೇಲಕ್ಕೆತ್ತಲು ಬಯಸಿದರೆ, ಮೊದಲು ಬೇರೆಯವರನ್ನು ಮೇಲಕ್ಕೆತ್ತಿ” ಎಂಬ ಅರ್ಥಪೂರ್ಣ ಶೀರ್ಷಿಕೆ ನೀಡಿದ್ದು ಈ ವಿಡಿಯೋ ಶೇರ್​ ಮಾಡಿದ್ದಾರೆ. ಈ ವಿಡಿಯೋದಲ್ಲಿ ಆರು ಜನರ ಗುಂಪು ಕೌಶಲ್ಯದಿಂದ ಗೋಡೆ ಹತ್ತುತ್ತಿರುವುದನ್ನು ನೋಡಬಹುದಾಗಿದೆ. ಒಬ್ಬರ ಮೇಲೊಬ್ಬರು ಹತ್ತಿ ಕೇವಲ ಅರ್ಧ ನಿಮಿಷದಲ್ಲಿ ಈ ಗೋಡೆಯನ್ನು ಹತ್ತಿದ್ದಾರೆ.

ವಿಡಿಯೋ ಕೇವಲ 9 ದಿನಗಳಲ್ಲಿ 15 ಲಕ್ಷಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಕಂಡಿದ್ದು, 35 ಸಾವಿರಕ್ಕೂ ಅಧಿಕ ಮಂದಿ ಲೈಕ್ಸ್​ ಮಾಡಿದ್ದಾರೆ. ಇದು ಕೇವಲ ವಿಡಿಯೋ ಅಲ್ಲ, ಬದಲಿಗೆ ಜೀವನ ಸಂದೇಶ ಕೂಡ ಎಂದಿದ್ದಾರೆ ಹಲವು ಕಮೆಂಟಿಗರು.