SHOCKING: ಕೆರೆಯಲ್ಲಿ ಮುಳುಗಿ ಮೃತಪಟ್ಟ ಮಕ್ಕಳ ಸಮಾಧಿ ಅಗೆದ ಅಪರಿಚಿತರು

ಹಾಸನ: ಕೆರೆಗೆ ಈಜಲು ಹೋಗಿ ಒಂದೇ ಕುಟುಂಬದ ಮೂವರು ಮಕ್ಕಳು ಮೃತಪಟ್ಟಿದ್ದು, ಅವರ ಸಮಾಧಿಯನ್ನು ಅಪರಿಚಿತರು ಎರಡು ಅಡಿಗಳಷ್ಟು ಅಗೆದ ಘಟನೆ ಶನಿವಾರ ನಡೆದಿದೆ.

ಹಾಸನ ಜಿಲ್ಲೆ ಬೇಲೂರು ತಾಲೂಕಿನ ಹಳೇಬೀಡು ಹೋಬಳಿಯ ನರಸೀಪುರ ಗ್ರಾಮದಲ್ಲಿ ಮೇ 30ರಂದು ಕೆರೆಗೆ ಈಜಲು ಹೋದ ಒಂದೇ ಕುಟುಂಬದ ಮಕ್ಕಳಾದ ದೀಕ್ಷಾ(10), ನಿತ್ಯಾ(12), ಕುಸುಮಾ(8) ಮೃತಪಟ್ಟಿದ್ದು, ಅವರ ಅಂತ್ಯಕ್ರಿಯೆ ನೆರವೇರಿಸಲಾಗಿತ್ತು. ನಿತ್ಯಾ ಎಂಬ ಬಾಲಕಿಯ ಶವ ಹೂಳಲಾಗಿದ್ದ ಸಮಾಧಿಯನ್ನು ಅಪರಿಚಿತರು ಎರಡು ಅಡಿಯಷ್ಟು ಬಗೆದಿದ್ದಾರೆ. ಇದನ್ನು ಗಮನಿಸಿದ ಪೋಷಕರು ಪೊಲೀಸರಿಗೆ ದೂರು ನೀಡಿದ್ದು, ಸ್ಥಳಕ್ಕೆ ಬೇಲೂರು ತಹಶೀಲ್ದಾರ್ ಮತ್ತು ಪೊಲೀಸ್ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.