ಐಡಿಬಿಐ ಬ್ಯಾಂಕ್‌ ಮಾರಾಟಕ್ಕೆ ಮುಂದಾದ ಕೇಂದ್ರ ಸರ್ಕಾರ…?

2022ರ ಆರ್ಥಿಕ ವರ್ಷದಲ್ಲಿ ಐಡಿಬಿಐ ಬ್ಯಾಂಕ್​ ಖಾಸಗೀಕರಣಗೊಳಿಸಲು ಮುಂದಾಗಿರುವ ಕೇಂದ್ರ ಸರ್ಕಾರವು ಈ ಬಗ್ಗೆ ಪ್ರಸ್ತಾವನೆ ಸಲ್ಲಿಸುವ ಮುನ್ನ ಆರ್.ಬಿ.ಐ. ಜೊತೆ ಸಾಧಕ ಬಾಧಕಗಳ ಬಗ್ಗೆ ಚರ್ಚೆಗೆ ಮುಂದಾಗಿದೆ ಎನ್ನಲಾಗಿದೆ.

ಕಳೆದ ವರ್ಷ ನವೆಂಬರ್​ ತಿಂಗಳಲ್ಲಿ ಆರ್​ಬಿಐನ ಇಂಟರ್ನಲ್​ ವರ್ಕಿಂಗ್​ ಗ್ರೂಪ್​​ ಬ್ಯಾಂಕಿಂಗ್​ ವಲಯದಲ್ಲಿ ವ್ಯಾಪಕ ಬದಲಾವಣೆಗಳನ್ನು ಮಾಡಬಲ್ಲ ಕೆಲಸ ಸುಲಭ ನಿಯಮಗಳನ್ನು ಸೂಚಿಸಿತ್ತು.

ಈ ಮಹತ್ವದ ಬದಲಾವಣೆಯ ಅಡಿಯಲ್ಲಿ 1949ರ IWG ಬ್ಯಾಂಕಿಂಗ್​ ನಿಯಂತ್ರಣ ಕಾಯ್ದೆಯಲ್ಲಿ ಬದಲಾವಣೆ ಮಾಡುವಂತೆ ಹೇಳಲಾಗಿತ್ತು. ಈ ಬದಲಾವಣೆಯ ಮೂಲಕ ದೊಡ್ಡ ಕಾರ್ಪೋರೇಟ್​ ಸಂಸ್ಥೆಗಳು ಹಾಗೂ ಕೈಗಾರಿಕಾ ಸಂಸ್ಥೆಗಳು ಬ್ಯಾಂಕ್​ ಮಾಲೀಕತ್ವ ಹೊಂದಲು ಅವಕಾಶ ನೀಡುವುದಾಗಿತ್ತು.

ಕೇಂದ್ರ ಸರ್ಕಾರವು ಐಡಿಬಿಐ ಬ್ಯಾಂಕ್​​ನ 45.48 ಪ್ರತಿಶತ ಷೇರುಗಳನ್ನ ಮಾರಾಟ ಮಾಡಲು ಮುಂದಾಗಿದೆ. 49.24 ಪ್ರತಿಶತ ಮಾಲೀಕತ್ವ ಹೊಂದಿರುವ ಎಲ್​ಐಸಿ ಹೊಸ ಖರೀದಿದಾರರಿಗೆ ಆಡಳಿತ ನಿಯಂತ್ರಣ ವರ್ಗಾವಣೆ ಮಾಡಲು ಉತ್ಸುಕವಾಗಿದೆ.

ಹೊಸ ಖರೀದಿದಾರರು ಐಡಿಬಿಐ ಬ್ಯಾಂಕಿನ ಮಾಲೀಕತ್ವ ಪಡೆದ ಬಳಿಕ ಷೇರು ಹಿಡುವಳಿಗಳನ್ನು ಕಡಿಮೆ ಮಾಡಲು ನಾವು ಅವಕಾಶ ನೀಡಬೇಕಿದೆ ಎಂದು ಅಧಿಕಾರಿಯೊಬ್ಬರು ಹೇಳಿದ್ದಾರೆ.

ಆರ್​ಬಿಐನ ಮಾರ್ಗಸೂಚಿಯ ಪ್ರಕಾರ ಖಾಸಗಿ ಬ್ಯಾಂಕ್​ ಪ್ರಮೋಟರ್​ಗಳು, ಪರವಾನಗಿ ಪಡೆದ ಬಳಿಕ ತಮ್ಮ ಷೇರು ಹಿಡುವಳಿಗಳನ್ನು ಮೂರು ವರ್ಷಗಳಲ್ಲಿ 40 ಪ್ರತಿಶತ, 10 ವರ್ಷದೊಳಗಾಗಿ 20 ಪ್ರತಿಶತ ಹಾಗೂ 15 ವರ್ಷಗಳಲ್ಲಿ 15 ಪ್ರತಿಶತ ತಗ್ಗಿಸಬೇಕು ಎಂದು ಹೇಳುತ್ತದೆ.