ಐಟಿ ಸಚಿವರೊಂದಿಗಿನ ಮಾತುಕತೆ ನಂತರ Shaadi.com, Bharat Matrimony ಸೇರಿ ಭಾರತೀಯ ಅಪ್ಲಿಕೇಶನ್ ಗಳ ಮರು ಸ್ಥಾಪನೆಗೆ ಗೂಗಲ್ ಒಪ್ಪಿಗೆ

ನವದೆಹಲಿ: ಐಟಿ ಸಚಿವರೊಂದಿಗಿನ ಸಕಾರಾತ್ಮಕ ಮಾತುಕತೆಯ ನಂತರ ಡಿಲಿಸ್ಟ್ ಮಾಡಲಾದ ಭಾರತೀಯ ಅಪ್ಲಿಕೇಶನ್‌ಗಳನ್ನು ಮರುಸ್ಥಾಪಿಸಲು ಗೂಗಲ್ ಒಪ್ಪಿಕೊಂಡಿದೆ.

ತಂತ್ರಜ್ಞಾನ ಸಮೂಹ ಸಂಸ್ಥೆ ಗೂಗಲ್ ತನ್ನ ಆಪ್ ಮಾರುಕಟ್ಟೆಯಾದ ಪ್ಲೇ ಸ್ಟೋರ್‌ನಿಂದ ಇತ್ತೀಚೆಗೆ ಪಟ್ಟಿ ಮಾಡಲಾದ ಎಲ್ಲಾ ಭಾರತೀಯ ಅಪ್ಲಿಕೇಶನ್‌ಗಳನ್ನು ಮರುಸ್ಥಾಪಿಸಲು ಒಪ್ಪಿಕೊಂಡಿದೆ.

ಮಾಹಿತಿ ತಂತ್ರಜ್ಞಾನ ಸಚಿವ ಅಶ್ವಿನಿ ವೈಷ್ಣವ್ ಅವರು ಈ ವಿಷಯದ ಕುರಿತು ಗೂಗಲ್ ಮತ್ತು ಪೀಡಿತ ಅಪ್ಲಿಕೇಶನ್ ಡೆವಲಪರ್‌ ಗಳ ಪ್ರತಿನಿಧಿಗಳೊಂದಿಗೆ ಸಭೆ ನಡೆಸಿದ ನಂತರ ನವದೆಹಲಿಯಲ್ಲಿ ಮಾಧ್ಯಮಗಳೊಂದಿಗೆ ಮಾತನಾಡಿ ಈ ವಿಷಯ ತಿಳಿಸಿದ್ದಾರೆ.

ಬಹಳ ರಚನಾತ್ಮಕ ಚರ್ಚೆಗಳ ನಂತರ, ಎರಡೂ ಪಕ್ಷಗಳು ಅಪ್ಲಿಕೇಶನ್‌ ಗಳನ್ನು ಮರು-ಸ್ಥಾಪಿಸಲು ಒಪ್ಪಿಕೊಂಡಿವೆ. ಮುಂಬರುವ ತಿಂಗಳುಗಳಲ್ಲಿ ಗೂಗಲ್ ಮತ್ತು ಸ್ಟಾರ್ಟ್ ಅಪ್ ಕಂಪನಿಗಳು ದೀರ್ಘಾವಧಿಯ ನಿರ್ಣಯಕ್ಕೆ ಬರಲಿವೆ ಎಂದು ಅವರು ಭರವಸೆ ನೀಡಿದರು.

ಇತ್ತೀಚೆಗೆ, Shaadi.com, Bharat Matrimony ಮತ್ತು Info Edge ಸೇರಿದಂತೆ ಪ್ರಮುಖ ಭಾರತೀಯ ಟೆಕ್ ಕಂಪನಿಗಳಿಂದ Google ನೂರಕ್ಕೂ ಹೆಚ್ಚು ಅಪ್ಲಿಕೇಶನ್‌ಗಳನ್ನು ಪಟ್ಟಿಯಿಂದ ತೆಗೆದುಹಾಕಿದೆ. ಯುಎಸ್ ಮೂಲದ ಸಂಘಟಿತ ಸಂಸ್ಥೆಯು ತನ್ನ ಅಪ್ಲಿಕೇಶನ್ ಬಿಲ್ಲಿಂಗ್ ನೀತಿಯನ್ನು ದೀರ್ಘಕಾಲದವರೆಗೆ ಅನುಸರಿಸದ ಕಾರಣಕ್ಕಾಗಿ ಪ್ಲೇ ಸ್ಟೋರ್‌ನಿಂದ ಅಪ್ಲಿಕೇಶನ್‌ಗಳನ್ನು ತೆಗೆದುಹಾಕಿದೆ ಎಂದು ಹೇಳಿದೆ.