ಆಂಬುಲೆನ್ಸ್​​ ದರದಲ್ಲಿ 88 ಸಾವಿರ ರೂ. ಇಳಿಕೆ ಮಾಡಿದ ಮಾರುತಿ ಸುಜುಕಿ

ಮಾರುತಿ ಸುಜುಕಿ ಇಂಡಿಯಾ ವ್ಯಾನ್​ ಇಕೋದ ಆಂಬುಲೆನ್ಸ್ ಆವೃತ್ತಿಯ ಬೆಲೆಯಲ್ಲಿ 88 ಸಾವಿರ ರೂಪಾಯಿ ಕಡಿತಗೊಳಿಸಿದ ಬಳಿಕ 6,16,875 ರೂಪಾಯಿಗಳಿಗೆ ಇಳಿಕೆಯಾಗಿದೆ ಎಂದು ಹೇಳಿದೆ.

ಇಕೋ ಆಂಬುಲೆನ್ಸ್​​ಗೆ ಈ ಹಿಂದೆ ಇದ್ದ 28 ಪ್ರತಿಶತ ಜಿಎಸ್​ಟಿ ದರವು 12 ಪ್ರತಿಶತಕ್ಕೆ ಇಳಿಕೆಯಾದ ಪರಿಣಾಮ ಬೆಲೆಯಲ್ಲಿ ಈ ಬದಲಾವಣೆ ಆಗಿದೆ ಎನ್ನಲಾಗಿದೆ. ಅಂದಹಾಗೆ ಇಕೊ ಆಂಬುಲೆನ್ಸ್​​ನ ಎಕ್ಸ್​ ಶೋ ರೂಂ ಬೆಲೆಯಲ್ಲಿ ಯಾವುದೇ ಇಳಿಕೆ ಕಂಡು ಬಂದಿಲ್ಲ. ದೆಹಲಿಯಲ್ಲಿ ನವೀಕೃತ ಬೆಲೆಯು 6,18,875 ರೂಪಾಯಿ ಆಗಿದೆ ಎಂದು ಮಾರುತಿ ಸುಜುಕಿ ಕಂಪನಿಯು ಮಾಹಿತಿ ನೀಡಿದೆ.

ಕೇಂದ್ರ ಹಣಕಾಸು ಸಚಿವಾಲಯ ಕೋವಿಡ್​​ ಸಂಬಂಧಿ ಸಲಕರಣೆಗಳಾದ ಹ್ಯಾಂಡ್​ ಸ್ಯಾನಿಟೈಸರ್, ಆಕ್ಸಿಮೀಟರ್​, ಬಿಪಾಪ್​ ಮಷಿನ್​, ಟೆಸ್ಟಿಂಗ್​ ಕಿಟ್​, ಆಂಬುಲೆನ್ಸ್​ ಸೇರಿದಂತೆ ವಿವಿಧ ವೈದ್ಯಕೀಯ ಸಲಕರಣೆಗಳ ಜಿಎಸ್​ಟಿ ಪ್ರಮಾಣವನ್ನ ಇಳಿಕೆ ಮಾಡಿದ ಬಳಿಕ ಆಂಬುಲೆನ್ಸ್​ ದರ ಇಳಿಕೆಯಾಗಿದೆ.