ವಿದ್ಯಾರ್ಥಿಗಳಿಗೆ ಗುಡ್ ನ್ಯೂಸ್ : ರಾಜ್ಯದ 9 ವಿಶ್ವವಿದ್ಯಾಲಯಗಳಲ್ಲಿ `ಆನ್ ಲೈನ್ ಕೋರ್ಸ್’ ಗೆ `UGC’ ಅನುಮತಿ

ನವದೆಹಲಿ : ವಿಶ್ವವಿದ್ಯಾಲಯ ಅನುದಾನ ಆಯೋಗ (UGC) ಇತ್ತೀಚೆಗೆ ಉನ್ನತ ಶ್ರೇಣಿಯ ಭಾರತೀಯ ವಿಶ್ವವಿದ್ಯಾಲಯಗಳಿಗೆ ಉನ್ನತ ಕೋರ್ಸ್ಗಳನ್ನು ಆನ್ಲೈನ್ನಲ್ಲಿ ನೀಡಲು ಅನುಮತಿ ನೀಡಿದೆ. ಈ ಮೂಲಕ ವಿದ್ಯಾರ್ಥಿಗಳು ದೇಶಾದ್ಯಂತದ ಅತ್ಯುತ್ತಮ ವಿಶ್ವವಿದ್ಯಾಲಯಗಳು ರಚಿಸಿದ ಯುಜಿಸಿ ಅನುಮೋದಿತ ಆನ್ಲೈನ್ ಕೋರ್ಸ್ಗಳಿಗೆ ಪ್ರವೇಶವನ್ನು ಪಡೆಯಬಹುದಾಗಿದೆ.

ಯುಜಿಸಿ ಕರ್ನಾಟಕದ 9 ವಿಶ್ವವಿದ್ಯಾಲಯಗಳಿಗೆ ಆನ್ ಲೈನ್ ಕೋರ್ಸ್ ಆರಂಭಿಸಲು ಅನುಮತಿ ನೀಡಿದೆ. ಬೆಂಗಳೂರು, ಮೈಸೂರು ವಿವಿ ಸೇರಿದಂತೆ ರಾಜ್ಯದ ಐದು ವಿವಿಗಳು ಹಾಗೂ 4 ಡೀಮ್ಡ್ ವಿವಿಗಳು ಆನ್ ಲೈನ್ ಶಿಕ್ಷಣ ಆರಂಭಿಸಬಹುದಾಗಿದೆ. ಇದೇ ಮೊದಲ ಬಾರಿಗೆ ತಾಂತ್ರಿಕ ಸಂಸ್ಥೆಯಾದ ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯಕ್ಕೂ ಅನುಮತಿ ಸಿಕ್ಕಿದ್ದು, ಈ ವರ್ಷದಿಂದಲೇ ಕೋರ್ಸ್ ಆರಂಭಿಸಲಿದೆ.

ಈ ಆನ್ಲೈನ್ ಕೋರ್ಸ್ಗಳು ಮತ್ತು ಯುಜಿಸಿ ಅನುಮೋದಿಸಿದ ಆನ್ಲೈನ್ ವಿಶ್ವವಿದ್ಯಾಲಯ ಕೋರ್ಸ್ಗಳು ಮತ್ತು ಪ್ರಮಾಣೀಕರಣಗಳು ಪೂರ್ಣಗೊಳ್ಳಲು ಕನಿಷ್ಠ 6 ತಿಂಗಳವರೆಗೆ ತೆಗೆದುಕೊಳ್ಳುತ್ತದೆ ಎಂದು ಅಭ್ಯರ್ಥಿಗಳು ತಿಳಿದಿರಬೇಕು. ಡಿಪ್ಲೊಮಾ ಕೋರ್ಸ್ ಅವಧಿ 1 ವರ್ಷ ಮತ್ತು ಬ್ಯಾಚುಲರ್ ಪದವಿಗೆ 3 ವರ್ಷಗಳು. ಸ್ನಾತಕೋತ್ತರ ಪದವಿ ಪೂರ್ಣಗೊಳ್ಳಲು 2 ವರ್ಷಗಳವರೆಗೆ ತೆಗೆದುಕೊಳ್ಳುತ್ತದೆ.

ಆನ್ ಲೈನ್ ಶಿಕ್ಷಣಕ್ಕೆ ಯಾವೆಲ್ಲಾ ವಿವಿಗಳಿಗೆ ಯುಜಿಸಿ ಅನುಮತಿ ನೀಡಿದೆ? ಇಲ್ಲಿದೆ ಮಾಹಿತಿ

ವಿಶ್ವಶ್ವರಯ್ಯ ತಾಂತ್ರಿಕ ವಿವಿ

ಬೆಂಗಳೂರು ವಿವಿ

ಮೈಸೂರು ವಿವಿ

ಕುವೆಂಪು ವಿವಿ

ಜೈನ್ ವಿವಿ

ಯುನೆಪೋಯೆ ವಿವಿ

ಕರ್ನಾಟಕ ರಾಜ್ಯ ಮುಕ್ತ ವಿವಿ

ಜೆಎಸ್ಎಸ್ ಅಕಾಡೆಮಿ ಆಫ್ ಎಜುಕೇಷನ್ ಆ್ಯಂಡ್ ರೀಸರ್ಚ್

ಮಣಿಪಾಲ್ ಅಕಾಡೆಮಿ ಆಫ್ ಹೈಯರ್ ಎಜುಕೇಷನ್ ವಿವಿಗಳಿಗೆ ಅನುಮತಿ ನೀಡಿದೆ.