ಅತಿ ಕಡಿಮೆ ದರದ ಪ್ರೀಪೇಯ್ಡ್ ಪ್ಲಾನ್​​ ಪರಿಚಯಿಸಿದ ರಿಲಯನ್ಸ್ ಜಿಯೋ

ಗ್ರಾಹಕರನ್ನ ಸೆಳೆಯುವ ಉದ್ದೇಶದಿಂದ ಟೆಲಿಕಾಂ ಕಂಪನಿಗಳು ಒಂದಿಲ್ಲೊಂದು ಆಫರ್​​ಗಳನ್ನ ನೀಡುತ್ತಲೇ ಇರುತ್ತವೆ. ಕಡಿಮೆ ದರದಲ್ಲಿ ಅತಿ ಹೆಚ್ಚು ಸೌಲಭ್ಯಗಳನ್ನ ನೀಡುವ ಮೂಲಕ ಗ್ರಾಹಕರ ಸಂಖ್ಯೆಯನ್ನ ಹೆಚ್ಚಿಸಿಕೊಳ್ಳಲು ಟೆಲಿಕಾಂ ಕಂಪನಿಗಳು ಪ್ರಯತ್ನ ಪಡ್ತಿವೆ. ಈ ನಡುವೆ ರಿಲಯನ್ಸ್​ ಜಿಯೋ ಗ್ರಾಹಕರಿಗೆ ಅತಿ ಕಡಿಮೆ ದರಕ್ಕೆ 84 ದಿನಗಳ ವ್ಯಾಲಿಡಿಟಿ ರೀಚಾರ್ಜ್​ ಪ್ಲಾನ್​ನ್ನು ಪರಿಚಯಿಸಿದೆ.

ಅಂದಹಾಗೆ ಈ ಪ್ಲಾನ್​​ನ ದರ ಕೇವಲ 329 ರೂಪಾಯಿ ಆಗಿದೆ. ಈ ಪ್ಲಾನ್​ನಲ್ಲಿ ನಿಮಗೆ 1000 ಉಚಿತ ಎಸ್ಎಂಎಸ್, 6 ಜಿಬಿ ಡೇಟಾ, ಅನಿಯಮಿತ ಕರೆ ಹಾಗೂ 6 ಜಿಬಿ ಡೇಟಾ ಜೊತೆಗೆ 64 ಕೆಬಿಪಿಎಸ್​ ಹೆಚ್ಚುವರಿ ಡೇಟಾ ಕೂಡ ಸಿಗಲಿದೆ. ಇಷ್ಟು ಮಾತ್ರವಲ್ಲದೇ ಜಿಯೋ ಅಪ್ಲಿಕೇಶನ್​ಗೆ ಉಚಿತ ಚಂದಾದಾರಿಕೆ ಸಿಗಲಿದೆ.

ಇದೇ ವಿಭಾಗದಲ್ಲಿ 129 ರೂಪಾಯಿ ಹಾಗೂ 1299 ರೂಪಾಯಿಯ ರೀಚಾರ್ಜ್​ ಪ್ಲಾನ್​ನ್ನೂ ಜಿಯೋ ತನ್ನ ವೆಬ್​ಸೈಟ್​ನಲ್ಲಿ ಪರಿಚಯಿಸಿದೆ.

129 ರೂಪಾಯಿ ಪ್ಲಾನ್​​ 28 ದಿನಗಳ ವ್ಯಾಲಿಡಿಟಿ ಹೊಂದಿದ್ದು ಇದರಲ್ಲಿ 2ಜಿಬಿ ಡೇಟಾ ಹಾಗೂ ಅನಿಯಮಿತ ಕರೆ, 300 ಉಚಿತ ಎಸ್​ಎಂಎಸ್​ ಸೌಕರ್ಯ ಸಿಗಲಿದೆ. ಇದರ ಜೊತೆಯಲ್ಲಿ ಜಿಯೋ ಟಿವಿ, ಜಿಯೊ ಸಿನಿಮಾ, ಜಿಯೋ ಮೂವಿಸ್​ ಕೂಡ ಉಚಿತವಾಗಿ ಸಿಗಲಿದೆ.

1299 ರೂಪಾಯಿ ಪ್ಲಾನ್​​ 336 ದಿನಗಳ ವ್ಯಾಲಿಡಿಟಿ ಹೊಂದಿದೆ. ಇದರಲ್ಲಿ 24 ಜಿಬಿ ಡೇಟಾ, ಅನಿಯಮಿತ ಕರೆ ಹಾಗೂ 3600 ಉಚಿತ ಎಸ್​ಎಂಎಸ್​ ಸಿಗಲಿದೆ. ಇದರ ಜೊತೆಯಲ್ಲಿ ಜಿಯೋ ಟಿವಿ, ಜಿಯೋ ಸಿನಿಮಾ ಹಾಗೂ ಜಿಯೋ ಮೂವಿಸ್​ ಉಚಿತವಾಗಿ ಸಿಗಲಿದೆ.