ಕೇರಳದ ಹೆದ್ದಾರಿಯೊಂದರಲ್ಲಿರುವ ಬ್ಯಾಂಕಿಗೆ ನುಗ್ಗಿದ ವ್ಯಕ್ತಿಯೊಬ್ಬ ಸಿಬ್ಬಂದಿಯನ್ನು ಚಾಕುವಿನಿಂದ ಬೆದರಿಸಿ ವಾಶ್‌ರೂಮ್‌ನಲ್ಲಿ ಕೂಡಿಹಾಕಿ ಕೇವಲ ಎರಡೂವರೆ ನಿಮಿಷಗಳಲ್ಲಿ 15 ಲಕ್ಷ ರೂಪಾಯಿ ನಗದು ದೋಚಿ ಪರಾರಿಯಾಗಿದ್ದಾನೆ.
ಶುಕ್ರವಾರ ಪೊಲೀಸರು ದರೋಡೆಕೋರನ ಹುಡುಕಾಟ ಆರಂಭಿಸಿದ್ದಾರೆ, ಆದರೆ ಇನ್ನೂ ಅವನನ್ನು ಪತ್ತೆಹಚ್ಚಲು ಸಾಧ್ಯವಾಗಿಲ್ಲ. ಕಳ್ಳನಿಗೆ ಬ್ಯಾಂಕ್‌ನ ಆವರಣದ ಬಗ್ಗೆ ತಿಳಿದಿರುವಂತೆ ಕಂಡುಬಂದಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಪೊಲೀಸರ ಪ್ರಕಾರ, ಸಿಸಿ ಟಿವಿ ದೃಶ್ಯಾವಳಿಗಳಲ್ಲಿ ಹೆಚ್ಚಿನ ಸಿಬ್ಬಂದಿ ಊಟದ ವಿರಾಮದಲ್ಲಿದ್ದಾಗ ಬ್ಯಾಕ್‌ ಪ್ಯಾಕ್‌ ನೊಂದಿಗೆ ಬಂದ ವ್ಯಕ್ತಿಯು ತ್ರಿಶೂರ್ ಜಿಲ್ಲೆಯ ಪೊಟ್ಟಾದಲ್ಲಿರುವ ಫೆಡರಲ್ ಬ್ಯಾಂಕ್ ಶಾಖೆಯ ಹೊರಗೆ ನಿಲ್ಲುತ್ತಿರುವುದು ಕಂಡುಬಂದಿದೆ.
ದೃಶ್ಯಾವಳಿಗಳಲ್ಲಿ ವ್ಯಕ್ತಿಯು ಇಬ್ಬರು ಸಿಬ್ಬಂದಿಯನ್ನು ಚಾಕುವಿನಿಂದ ಬೆದರಿಸಿ ವಾಶ್‌ರೂಮ್‌ನಲ್ಲಿ ಕೂಡಿಹಾಕುತ್ತಿರುವುದು ಕಂಡುಬರುತ್ತದೆ. ನಂತರ ಅವನು ಕುರ್ಚಿಯನ್ನು ಬಳಸಿ ನಗದು ಕೌಂಟರ್‌ನ ಗಾಜಿನ ಕೋಣೆಯನ್ನು ಒಡೆದು ಹಣದೊಂದಿಗೆ ಪರಾರಿಯಾಗುತ್ತಾನೆ. ಇಡೀ ಘಟನೆ ಕೇವಲ ಎರಡೂವರೆ ನಿಮಿಷಗಳಲ್ಲಿ ನಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
Loading ...