ಆಭರ‍ಣ‌ ಪ್ರಿಯರಿಗೆ ಗುಡ್‌ ನ್ಯೂಸ್…! ಚಿನ್ನ ಖರೀದಿಗೆ ಈಗ ಒಳ್ಳೆ ಸಮಯ

ಚಿನ್ನ ಪ್ರಿಯರಿಗೆ ಸಂತೋಷದ ಸುದ್ದಿಯೊಂದಿದೆ. ಬಂಗಾರ ಖರೀದಿಸಲು ಇದು ಒಳ್ಳೆ ಸಮಯ ಎನ್ನಬಹುದು. ಕೆಲ ದಿನಗಳಿಂದ ಏರಿಳಿತ ಕಾಣ್ತಿರುವ ಬಂಗಾರದ ಬೆಲೆ ಶುಕ್ರವಾರ ಇಳಿಕೆ ಕಂಡಿದೆ. ಬಂಗಾರದ ಬೆಲೆ 10 ಗ್ರಾಂಗೆ 47,410 ರೂಪಾಯಿಗಳಿಂದ 47,350 ರೂಪಾಯಿಗೆ ಇಳಿಕೆ ಕಂಡಿದೆ.

ಇನ್ನು ಪ್ರತಿ ಕೆ.ಜಿ. ಬೆಳ್ಳಿ ಬೆಲೆ ಕೂಡ 70,300 ರೂಪಾಯಿಯಾಗಿದೆ. 24 ಕ್ಯಾರೆಟ್ ಚಿನ್ನದ ಬೆಲೆ ಶುಕ್ರವಾರ 10 ಗ್ರಾಂಗೆ 60 ರೂಪಾಯಿ ಇಳಿಕೆ ಕಂಡಿದ್ದು 48,350 ರೂಪಾಯಿಯಾಗಿದೆ. ಹಿಂದಿನ ವಹಿವಾಟಿನಲ್ಲಿ 24 ಕ್ಯಾರೆಟ್ ಚಿನ್ನದ ಬೆಲೆ 10 ಗ್ರಾಂಗೆ 48,410 ರೂಪಾಯಿಯಾಗಿತ್ತು. ಚಿನ್ನದ ಬೆಲೆ ದಾಖಲೆ ಗರಿಷ್ಠ ಮಟ್ಟದಿಂದ 9,000 ರೂಪಾಯಿ ಇಳಿದಿದೆ. ಕಳೆದ ವರ್ಷ ಆಗಸ್ಟ್ ನಲ್ಲಿ ಚಿನ್ನದ ಬೆಲೆ 10 ಗ್ರಾಂಗೆ 56,000 ರೂಪಾಯಿಗಿಂತ ಹೆಚ್ಚಿತ್ತು.

ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ 22 ಕ್ಯಾರೆಟ್ ಚಿನ್ನದ ಬೆಲೆ 10 ಗ್ರಾಂಗೆ 47,000 ರೂಪಾಯಿಯಾಗಿದೆ. ಬೆಳ್ಳಿ ಬೆಲೆ ಶುಕ್ರವಾರ 2600 ರೂಪಾಯಿ ಇಳಿಕೆ ಕಂಡಿದ್ದು, ದೆಹಲಿಯಲ್ಲಿ ಕೆ.ಜಿ. ಬೆಳ್ಳಿ ಬೆಲೆ 67,700 ರೂಪಾಯಿಯಾಗಿದೆ. ಚಿನ್ನ-ಬೆಳ್ಳಿ ಬೆಲೆಗಳು ಬೇರೆ ಬೇರೆ ನಗರದಲ್ಲಿ ಬೇರೆ ಬೇರೆಯಿರುತ್ತವೆ.