ಶ್ರೀಮಂತರನ್ನೇ ಟಾರ್ಗೆಟ್​ ಮಾಡಿ ಹನಿಟ್ರಾಪ್​​ ಮಾಡುತ್ತಿದ್ದ ದಂಪತಿ ಅಂದರ್..​..!

ಉದ್ಯಮಿಗಳನ್ನೇ ಟಾರ್ಗೆಟ್​ ಮಾಡಿಕೊಂಡು ಅವರೊಂದಿಗೆ ಸೆಕ್ಸ್​ ಚಾಟ್​ ಮಾಡಿ ಬಳಿಕ ಬ್ಲಾಕ್​ಮೇಲ್​ ಮಾಡುತ್ತಿದ್ದ ದಂಪತಿಯನ್ನು ಘಾಜಿಯಾಬಾದ್​ನಲ್ಲಿ ಬಂಧಿಸಲಾಗಿದೆ.

ಹನಿಟ್ರ್ಯಾಪ್​ ಮೂಲಕ ಈ ದಂಪತಿ ಸಾಕಷ್ಟು ಉದ್ಯಮಿಗಳಿಂದ ಹಣ ಲೂಟಿ ಮಾಡಿದ್ದರು ಎಂದು ತಿಳಿದು ಬಂದಿದೆ.

ಬಂಧಿತರನ್ನು ಯೋಗೇಶ್​ ಹಾಗೂ ಸಪ್ನಾ ಗೌತಮ್​ ಎಂದು ಗುರುತಿಸಲಾಗಿದೆ. ಒಂದು ವರ್ಷದ ಈ ಜೋರಿ 300 ಮಂದಿಗೆ ಹನಿಟ್ರ್ಯಾಪ್​ ಮಾಡಿದ್ದರು 20 ಕೋಟಿ ರೂಪಾಯಿ ಹಣ ದೋಚಿದ್ದಾರೆ ಎಂದು ತಿಳಿದು ಬಂದಿದೆ.

ಉದ್ಯಮಿಗಳು, ಉನ್ನತ ಹುದ್ದೆಯಲ್ಲಿ ಇರುವವರು ಸೇರಿದಂತೆ ವಿವಿಧ ಶ್ರೀಮಂತರನ್ನೇ ಟಾರ್ಗೆಟ್​ ಮಾಡುತ್ತಿದ್ದ ಈ ದಂಪತಿ ಸೆಕ್ಸ್​ ಚಾಟ್ ಮಾಡಿ ಬಳಿಕ ಬ್ಲಾಕ್​ಮೇಲ್​ ಮಾಡುವ ಮೂಲಕ ಹಣಕ್ಕೆ ಬೇಡಿಕೆ ಇಡುತ್ತಿದ್ದರು. ಹನಿಟ್ರ್ಯಾಪ್​ ಮಾಡಲು ಈ ದಂಪತಿ 30 ಮಂದಿ ಮಹಿಳೆಯರನ್ನು ಹೊಂದಿದ್ದರು ಎನ್ನಲಾಗಿದೆ.
ಇನ್ನು ಈ ವಿಚಾರವಾಗಿ ಮಾತನಾಡಿದ ಘಾಜಿಯಾಬಾದ್​ ಪೊಲೀಸ್​ ಅಧಿಕಾರಿ, ಸಪ್ನಾ ಹಾಗೂ ಆಕೆಯ ಪತಿ ಹೊಸ ಹೊಸ ಐಡಿಯ ಮೂಲಕ ವೆಬ್​ಸೈಟ್​ ಖಾತೆ ರಚಿಸುತ್ತಿದ್ದರು. ಇದಾದ ಬಳಿಕ ಶ್ರೀಮಂತರನ್ನು ಟಾರ್ಗೆಟ್​ ಮಾಡಿ ಅವರೊಂದಿಗೆ ಸೆಕ್ಸ್​ ಚಾಟ್​ ಮಾಡುತ್ತಿದ್ದರು. ಈ ಕೆಲಸಕ್ಕೆಂದೇ 30 ಮಹಿಳೆಯರನ್ನು ಇಟ್ಟುಕೊಂಡಿದ್ದ ಈ ಸಪ್ನಾ ಅವರಿಗೆ ತರಬೇತಿಯನ್ನೂ ನೀಡಿದ್ದಳು. ಲೋಕೇಶ್​ ವ್ಯಕ್ತಿಗಳ ಲೊಕೇಷನ್​, ಬ್ಯಾಂಕ್​ ಖಾತೆ ಹಾಗೂ ಮೊಬೈಲ್​ ಸಂಖ್ಯೆಗಳ ಮೇಲೆ ಕಣ್ಣಿಡುತ್ತಿದ್ದ ಎಂದು ಹೇಳಿದ್ದಾರೆ.

ಸ್ಟ್ರಿಪ್​ಚಾಟ್​ ಎಂಬ ವೈಬ್​ಸೈಟ್​ನಲ್ಲಿ ಪ್ರತಿ ನಿಮಿಷಕ್ಕೆ 234 ರೂಪಾಯಿ ಶುಲ್ಕ ವಿಧಿಸಲಾಗುತ್ತಿತ್ತು. ಅರ್ಧ ಹಣ ವೆಬ್​ಸೈಟ್​ ಮಾಲೀಕರಿಗೆ ಹಾಗೂ ಉಳಿದ ಹಣ ದಂಪತಿಗೆ ಸಿಗುತ್ತಿತ್ತು. ಇಲ್ಲಿ ಸೆಕ್ಸ್​ ಚಾಟ್​ ಮಾಡಲಾಗ್ತಿತ್ತು ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.

ಈ ವೆಬ್​ಸೈಟ್​ಗೆ ಬರುವ ಶ್ರೀಮಂತರ ಬಳಿ ಮೊಬೈಲ್ ನಂಬರ್​ ನೀಡುವಂತೆ ಕೇಳಲಾಗ್ತಾ ಇತ್ತು. ಇದಾದ ಬಳಿಕ ಅವರಿಗೆ ವಾಟ್ಸಾಪ್​ನಲ್ಲಿ ವಿಡಿಯೋ ಕಾಲ್​ ಮಾಡಿ ಲೈಂಗಿಕ ಚಟುವಟಿಕೆ ನಡೆಸಲಾಗ್ತಿತ್ತು. ಬಳಿಕ ಇದೇ ವಿಡಿಯೋವನ್ನು ಇಟ್ಟುಕೊಂಡು ಶ್ರೀಮಂತರ ಬಳಿ ಹಣ ವಸೂಲಿ ಮಾಡುತ್ತಿದ್ದರು ಎಂದು ಪೊಲೀಸರು ಹೇಳಿದ್ದಾರೆ.