ನಿಮ್ಮ ಮನೆಯ ಗೇಟ್ಗೆ ಅಡ್ಡಲಾಗಿ ಯಾರಾದರೂ ಕಾರನ್ನ ನಿಲ್ಲಿಸಿದ್ರೆ ಏನು ಮಾಡ್ತೀರಾ..? ಒಂದೋ ವಾಹನ ಮಾಲೀಕರಿಗೆ ಗಾಡಿ ತೆಗೆಯುವಂತೆ ಹೇಳುತ್ತೀರಾ. ಇಲ್ಲವೇ ನೀವೇ ಮನಸ್ಸಲ್ಲಿ ಗೊಣಗಿಕೊಂಡು ಸುಮ್ಮನಾಗಿ ಬಿಡ್ತೀರಾ.
ಆದರೆ ಇಲ್ಲೊಬ್ಬ ಆಕ್ರೋಶಗೊಂಡ ರೈತ ತನ್ನ ಜಮೀನಿನ ಪ್ರವೇಶ ದ್ವಾರದಲ್ಲಿ ನಿಲ್ಲಿಸಿದ್ದ ಕಾರಿಗೆ ಗತಿ ಕಾಣಿಸಿದ ಪರಿಯನ್ನ ಕಂಡರೆ ನೀವೇ ಶಾಕ್ ಆಗೋದು ಗ್ಯಾರಂಟಿ…!
ಸಿನಿಮೀಯ ದೃಶ್ಯಾವಳಿಯೊಂದರಲ್ಲಿ ರೈತ ಜೆಸಿಬಿಯನ್ನ ಬಳಸಿ ತನ್ನ ಜಮೀನಿನ ಗೇಟಿಗೆ ಅಡ್ಡಲಾಗಿ ನಿಂತಿದ್ದ ಕಾರನ್ನ ದೂಡಿ ಅದು ರಸ್ತೆ ಮೇಲೆ ಪಲ್ಟಿಯಾಗಿ ಬೀಳುವಂತೆ ಮಾಡಿದ್ದಾನೆ. ರೈತ ಈ ರೀತಿ ಮಾಡುತ್ತಿರುವ ವೇಳೆ ಶರ್ಟ್ ಹಾಕಿಕೊಳ್ಳದ ವ್ಯಕ್ತಿಯೊಬ್ಬ ಈ ದೃಶ್ಯಾವಳಿಯನ್ನ ಚಿತ್ರಿಕರಿಸುತ್ತಿರೋದು ಮಾತ್ರವಲ್ಲದೇ ರೈತನ ಗಾಡಿಗೆ ಒದೆಯುತ್ತಿರೋದನ್ನೂ ನೀವು ಕಾಣಬಹುದಾಗಿದೆ.
ಅಂದಹಾಗೆ ಈ ಘಟನೆ ನಡೆದಿದ್ದು ಕೌಂಟಿ ಡರ್ಹಾಮ್ ಎಂಬಲ್ಲಿ. ಈ ವಿಡಿಯೋವನ್ನ ಎಲಿಯೋಟ್ ಜಾನ್ಸನ್ ಎಂಬಾತ ಸ್ನಾಪ್ಚಾಟ್ನಲ್ಲಿ ಶೇರ್ ಮಾಡಿದ್ದಾನೆ. ಆದರೆ ಈತನೇ ಆ ಶರ್ಟ್ ಹಾಕಿಕೊಳ್ಳದ ವ್ಯಕ್ತಿಯಾ ಅನ್ನೋದರ ಬಗ್ಗೆ ಇನ್ನೂ ಸ್ಪಷ್ಟನೆ ದೊರೆತಿಲ್ಲ.
Loading ...