ಭಾರತದ 73ನೇ ಚೆಸ್ ಗ್ರಾಂಡ್ ಮಾಸ್ಟರ್ ಆದ ಹದಿನಾಲ್ಕು ವರ್ಷದ ಭರತ್ ಸುಬ್ರಮಣ್ಯಂ..!

ಹದಿನಾಲ್ಕು ವರ್ಷದ ಭರತ್ ಸುಬ್ರಮಣ್ಯಂ ಅವರು ಭಾನುವಾರ ಇಟಲಿಯಲ್ಲಿ ನಡೆದ ವರ್ಗಾನಿ ಕಪ್ ಓಪನ್‌ನಲ್ಲಿ ಗ್ರ್ಯಾಂಡ್ ಮಾಸ್ಟರ್ ಆಗಿ ಹೊರ ಹೊಮ್ಮಿದ್ದಾರೆ.‌ ತಮ್ಮ ಮೂರನೇ ಮತ್ತು ಅಂತಿಮ ಜಿಎಂ ರೂಢಿಯನ್ನು ಪೂರ್ಣಗೊಳಿಸಿದ ನಂತರ ಭರತ್, ಭಾರತದ 73 ನೇ ಚೆಸ್ ಗ್ರ್ಯಾಂಡ್‌ ಮಾಸ್ಟರ್ ಆಗಿದ್ದಾರೆ.

ಭರತ್ ಅವರು ಒಂಭತ್ತು ಸುತ್ತುಗಳಲ್ಲಿ 6.5 ಅಂಕಗಳನ್ನು ಗಳಿಸಿ ಒಟ್ಟಾರೆಯಾಗಿ ವರ್ಗಾನಿ ಕಪ್ ಕಾರ್ಯಕ್ರಮದಲ್ಲಿ ಏಳನೇ ಸ್ಥಾನ ಪಡೆದಿದ್ದಾರೆ. ಇತರೆ ನಾಲ್ವರೊಂದಿಗೆ ಭರತ್ ತಮ್ಮ ಮೂರನೇ ಜಿಎಂ ನಾರ್ಮ್ ಅನ್ನು ಪಡೆದುಕೊಂಡರು ಮತ್ತು ಅಗತ್ಯವಿರುವ 2,500 (Elo) ಮಾರ್ಕ್ ಅನ್ನು ಸಹ ಮುಟ್ಟಿದರು. ಚೆಸ್ ನ ಗ್ರ್ಯಾಂಡ್ ಮಾಸ್ಟರ್ ಆಗಲು, ಆಟಗಾರನು ಮೂರು ಜಿಎಂ ರೂಢಿಗಳನ್ನು ಪಡೆದುಕೊಳ್ಳಬೇಕು ಮತ್ತು 2,500 Elo ಪಾಯಿಂಟ್‌ಗಳ ಲೈವ್ ರೇಟಿಂಗ್ ಅನ್ನು ದಾಟಬೇಕು.

Breaking; ಆಸ್ಟ್ರೇಲಿಯನ್ ಓಪನ್ ಟೂರ್ನಿಯಲ್ಲಿ ಆಡಲು ನೊವಾಕ್ ಜೊಕೊವಿಕ್ ಗೆ ಅವಕಾಶ ನೀಡಿದ ಫೆಡರಲ್ ಕೋರ್ಟ್..!

ಅಖಿಲ ಭಾರತ ಚೆಸ್ ಫೆಡರೇಶನ್ (ಎಐಸಿಎಫ್) ಕೂಡ ಭರತ್ ಸಾಧನೆಗೆ ಅಭಿನಂದಿಸಿದೆ. ಹದಿನಾಲ್ಕು ವರ್ಷದ ಭರತ್ ಸುಬ್ರಮಣ್ಯಂ ಅವರು ತಮ್ಮ ಅಂತಿಮ ಜಿಎಂ ನಾರ್ಮ್ ಅನ್ನು ಪೂರ್ಣಗೊಳಿಸಿದ ನಂತರ ಮತ್ತು ಇಟಲಿಯಲ್ಲಿ ನಡೆದ ವರ್ಗಾನಿ ಕಪ್ ಓಪನ್‌ನಲ್ಲಿ 2500 ರೇಟಿಂಗ್ ಅನ್ನು ದಾಟಿ ದೇಶದ 73 ನೇ ಗ್ರ್ಯಾಂಡ್ ಮಾಸ್ಟರ್ ಆಗಿದ್ದಾರೆ ಎಂದು ಎಐಸಿಎಫ್ ತನ್ನ ವೆಬ್‌ಸೈಟ್‌ನಲ್ಲಿ ಬರೆದಿದೆ.

ಇದೆ ಆಟದಲ್ಲಿ, ಭಾರತದ ಮತ್ತೋರ್ವ ಗ್ರ್ಯಾಂಡ್ ಮಾಸ್ಟರ್ ಎಂಆರ್ ಲಲಿತ್ ಬಾಬು ಕೂಡ ವರ್ಗಾನಿ ಕಪ್ ಓಪನ್ ನಲ್ಲಿ ಭಾಗವಹಿಸಿ ಇಟಲಿಯಲ್ಲಿ ಭಾನುವಾರ ಪ್ರಶಸ್ತಿ ಗೆದ್ದರು. ಲಲಿತ್ ಪಂದ್ಯಾವಳಿಯಲ್ಲಿ 9 ನೇ ಶ್ರೇಯಾಂಕವನ್ನು ಪಡೆದಿದ್ದಾರೆ.