ಸಂಸ್ಕೃತದಲ್ಲಿ ‘ಚರಕ ಶಪಥ್’ ಪ್ರಮಾಣ ಸ್ವೀಕರಿಸಿದ MBBS ವಿದ್ಯಾರ್ಥಿಗಳು, ಡೀನ್ ಗೆ ಗೇಟ್ ಪಾಸ್

ತಮಿಳುನಾಡಿನ ಮಧುರೈ ವೈದ್ಯಕೀಯ ಕಾಲೇಜಿನ ಪ್ರಥಮ ವರ್ಷದ ವಿದ್ಯಾರ್ಥಿಗಳ ಸೇರ್ಪಡೆ ಸಮಾರಂಭ ಶನಿವಾರ ವಿವಾದಾತ್ಮಕ ತಿರುವು ಪಡೆದುಕೊಂಡಿದೆ.

ಮೊದಲ ವರ್ಷದ MBBS ವಿದ್ಯಾರ್ಥಿಗಳು, ಚರಕ್ ಪ್ರಮಾಣ ಮಾಡಿದ್ದಾರೆ. ಹಿಪೊಕ್ರೆಟಿಕ್ ಪ್ರಮಾಣ ವಚನಕ್ಕೆ ಬದಲಾಗಿ ಮಾರ್ಪಡಿಸಿದ ‘ಮಹರ್ಷಿ ಚರಕ್ ಶಪಥ್’ ಪ್ರಮಾಣ ವಚನ ಸ್ವೀಕರಿಸಿದ್ದಾರೆ. ಪ್ರಕರಣಕ್ಕೆ ಸಂಬಂಧಿಸಿದಂತೆ ಡೀನ್ ತೆಗೆದುಹಾಕಲಾಗಿದೆ.

ಡೀನ್ ಡಾ.ರತಿನವೇಲ್ ಅವರನ್ನು ಹುದ್ದೆಯಿಂದ ವಜಾಗೊಳಿಸಲಾಗಿದ್ದು, ಇಲಾಖಾ ವಿಚಾರಣೆಗಾಗಿ ಸೂಚಿಸಲಾಗಿದೆ. ಪ್ರಮಾಣವಚನ ಸಿದ್ಧಪಡಿಸಿದ ವಿದ್ಯಾರ್ಥಿ ಕ್ಯಾಬಿನೆಟ್ ಕಾರ್ಯದರ್ಶಿ ಹಿಪೊಕ್ರೆಟಿಕ್ ಪ್ರಮಾಣವಚನದ ಬದಲಿಗೆ ಮಹರ್ಷಿ ಚರಕ್ ಪ್ರಮಾಣವನ್ನು ತಪ್ಪಾಗಿ ಡೌನ್‌ ಲೋಡ್ ಮಾಡಿದ್ದಾರೆ ಎಂದು ಅವರು ಹೇಳಿದ್ದಾರೆ.

ಕಾರ್ಯಕ್ರಮದಲ್ಲಿ ತಮಿಳುನಾಡಿನ ಹಣಕಾಸು ಸಚಿವ ಪಿ.ಟಿ.ಆರ್. ಪಳನಿವೇಲ್ ತ್ಯಾಗರಾಜನ್ ಮತ್ತು ಕಂದಾಯ ಸಚಿವ ಪಿ. ಮೂರ್ತಿ ಉಪಸ್ಥಿತರಿದ್ದರು. ವಿದ್ಯಾರ್ಥಿಗಳು ಚರಕ ಶಪಥವನ್ನು ಪಠಿಸಿದಾಗ ನನಗೆ ಆಘಾತವಾಯಿತು ಎಂದು ತ್ಯಾಗರಾಜನ್ ಹೇಳಿದ್ದಾರೆ.

ನಾನು ಹೊಸ ಪ್ರಮಾಣವನ್ನು ಕೇಳಿದಾಗ ತುಂಬಾ ಆಘಾತಕ್ಕೊಳಗಾಗಿದ್ದೆ. ವೈದ್ಯರು ಹಿಪೊಕ್ರೆಟಿಕ್ ಪ್ರಮಾಣವಚನ ಸ್ವೀಕರಿಸುತ್ತಾರೆ ಎಂದು ಭಾವಿಸಿದ್ದೆ. ವಾಸ್ತವವಾಗಿ, ನಾನು ರಾಜಕಾರಣಿಗಳಿಗೆ ಅದೇ ಪ್ರಮಾಣ ವಚನ ಸ್ವೀಕರಿಸಲು ಶಿಫಾರಸು ಮಾಡುತ್ತಿದ್ದೇನೆ ಎಂದು ಅವರು ಹೇಳಿದ್ದಾರೆ.