ಎರಡು ಡೋಸ್ ಲಸಿಕೆ ಪಡೆದ ನಂತ್ರವೂ ಫರಾ ಖಾನ್ ಗೆ ಕೊರೊನಾ

ಬಾಲಿವುಡ್ ಹಿರಿಯ ಚಲನಚಿತ್ರ ನಿರ್ಮಾಪಕಿ ಮತ್ತು ಪ್ರಸಿದ್ಧ ನೃತ್ಯ ನಿರ್ದೇಶಕಿ ಫರಾ ಖಾನ್ ಗೆ ಕೊರೊನಾ ಕಾಣಿಸಿಕೊಂಡಿದೆ. ಸಾಮಾಜಿಕ ಜಾಲತಾಣದಲ್ಲಿ ಫರಾ ಈ ವಿಷ್ಯ ದೃಢಪಡಿಸಿದ್ದಾರೆ. ಫರಾ ಖಾನ್ ಗೆ ಕೊರೊನಾದ ಎರಡೂ ಲಸಿಕೆಯಾಗಿದೆ.

ಬೇಗ ಗುಣಮುಖಳಾಗುವ ಭರವಸೆ ವ್ಯಕ್ತಪಡಿಸಿರುವ ಫರಾ,ಇನ್ಸ್ಟಾದಲ್ಲಿ ಈ ವಿಷ್ಯವನ್ನು ಹಂಚಿಕೊಂಡಿದ್ದಾರೆ. ಕೊರೊನಾದ ಎರಡೂ ಲಸಿಕೆ ಹಾಕಿಸಿಕೊಂಡಿದ್ದು, ಡಬಲ್ ಲಸಿಕೆ ಪಡೆದವರ ಜೊತೆ ಕೆಲಸ ಮಾಡಿದ್ರೂ ಕೊರೊನಾ ಕಾಣಿಸಿಕೊಂಡಿರುವುದು ಆಶ್ಚರ್ಯ ತಂದಿದೆ ಎಂದು ಫರಾ ಬರೆದಿದ್ದಾರೆ.

ಕೊರೊನಾ ಪರೀಕ್ಷಾ ವರದಿ ಪಾಸಿಟಿವ್ ಬಂದಿದೆ. ನನ್ನ ಸಂಪರ್ಕಕ್ಕೆ ಬಂದವರಿಗೆ ಹೇಳಿದ್ದೇನೆ. ಒಂದು ವೇಳೆ ನನ್ನ ಸಂಪರ್ಕಕ್ಕೆ ಬಂದವರಿಗೆ ಹೇಳಲು ಮರೆತಿದ್ದರೆ, ಈಗ ಹೇಳ್ತಿದ್ದೇನೆ. ದಯವಿಟ್ಟು ಪರೀಕ್ಷೆ ಮಾಡಿಸಿಕೊಳ್ಳಿ ಎಂದು ಫರಾ ಬರೆದಿದ್ದಾರೆ.

ಫರಾ ಖಾನ್ ರಿಯಾಲಿಟಿ ಟಿವಿ ಶೋ ‘ಸೂಪರ್ ಡ್ಯಾನ್ಸರ್’ ನಲ್ಲಿ ನಟಿ ಶಿಲ್ಪಾ ಶೆಟ್ಟಿ ಕುಂದ್ರಾ ಜೊತೆ ಕಾಣಿಸಿಕೊಂಡಿದ್ದಾರೆ. ಇಬ್ಬರೂ ಒಟ್ಟಿಗೆ ವೇದಿಕೆಯಲ್ಲಿ ನೃತ್ಯವನ್ನೂ ಪ್ರದರ್ಶಿಸಿದರು. ಇದಲ್ಲದೇ, ಫರಾ ಖಾನ್ ಇತ್ತೀಚೆಗೆ ಸೂಪರ್ ಸ್ಟಾರ್ ಶಾರುಖ್ ಖಾನ್ ಜೊತೆಗಿನ ಒಂದು ವಿಡಿಯೋವನ್ನು ಹಂಚಿಕೊಂಡಿದ್ದು,  ಈ ವೀಡಿಯೋದಲ್ಲಿ ಫರಾ ಶಾರುಖ್ ಕೆನ್ನೆಗೆ  ಮುತ್ತು ನೀಡಿದ್ದಾರೆ.