ಬಾಲಿವುಡ್ ಸೆಲೆಬ್ರಿಟಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಲಂಡನ್ ನಲ್ಲಿದ್ದಾರೆ ಅಥವಾ ಇತ್ತೀಚಿನ ದಿನಗಳಲ್ಲಿ ಆ ನಗರಕ್ಕೆ ಹೇಗೆ ಭೇಟಿ ನೀಡಿದ್ದಾರೆ ಎಂಬುದನ್ನು ನಟಿ ಶಬಾನಾ ಅಜ್ಮಿ ಗಮನಿಸಿದ್ದಾರೆ.
ಕಳೆದ ಕೆಲವು ದಿನಗಳಿಂದ ಲಂಡನ್ನಲ್ಲಿರುವ ಶಬಾನಾ, ನಗರದಲ್ಲಿರುವ ಎಲ್ಲಾ ಬಾಲಿವುಡ್ ಸೆಲೆಬ್ರಿಟಿಗಳ ಪಟ್ಟಿ ಮಾಡಿದ್ದಾರೆ. ಲಂಡನ್ನಿಂದ ಹೆಚ್ಚು ಹೆಚ್ಚು ಸೆಲೆಬ್ರಿಟಿಗಳು ಫೋಟೋಗಳನ್ನು ಹಂಚಿಕೊಂಡಿದ್ದು, ಅಭಿಮಾನಿಗಳು ಈ ಅಸಾಮಾನ್ಯ ಕಾಕತಾಳೀಯತೆಯ ಬಗ್ಗೆ ಪ್ರಶ್ನೆಗಳನ್ನು ಕೇಳಲು ಪ್ರಾರಂಭಿಸಿದ್ದಾರೆ.
ಲಂಡನ್ನಲ್ಲಿರುವ ನ್ಯಾಷನಲ್ ಗ್ಯಾಲರಿಯ ಚಿತ್ರವನ್ನು ಹಂಚಿಕೊಳ್ಳಲು ಮುಂದಾದ ವೇಳೆ ಶಬಾನಾ ಸೋಮವಾರ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಈ ಅಂಶ ಹೊರಗೆಡಹಿದರು, ಲಂಡನ್ನಲ್ಲಿ ಬೆಳೆಯುತ್ತಿರುವ ಬಾಲಿವುಡ್ ಸೆಲೆಬ್ರಿಟಿಗಳ ಪಟ್ಟಿಯಲ್ಲಿ ತಾನು ಮತ್ತು ತನ್ನ ಪತಿ ಜಾವೇದ್ ಅಖ್ತರ್ ಸಹ ಭಾಗವಾಗಿದ್ದನ್ನು ಅವರು ಗಮನಿಸಿದ್ದಾರೆ. ಜಾವೇದ್ ಅವರ ಪುತ್ರ ಫರ್ಹಾನ್ ಅಖ್ತರ್ ಕೂಡ ತಮ್ಮ ಪತ್ನಿ ಶಿಬಾನಿ ದಾಂಡೇಕರ್ ಅವರೊಂದಿಗೆ ಅಲ್ಲಿದ್ದಾರೆ.
ಹಿಂದೂ ದೇವತೆಗಳ ಫೋಟೋ ಇರುವ ಪೇಪರ್ನಲ್ಲಿ ಕೋಳಿ ಮಾಂಸ ಮಾರಾಟ; ವಿಚಾರಣೆಗೆ ಹೋದ ಪೊಲೀಸರ ಮೇಲೆ ಹಲ್ಲೆ
ಮುಂಬೈಯೆಲ್ಲ ಲಂಡನ್ಗೆ ಬಂದಿಳಿದಿದೆ ! ಎಂಬ ಶಿಷಿರ್ಕೆ ನೀಡಿರುವ ಅವರು ಮನೀಶ್ ಮಲ್ಹೋತ್ರಾ, ರಾಮ್ ಮತ್ತು ಅಮಿತಾ ಮಾಧ್ವಾನಿ, ಶಾಹಿದ್ ಕಪೂರ್, ಶಿಬಾನಿ ಮತ್ತು ಫರ್ಹಾನ್ ಅಖ್ತರ್, ದೀಪಕ್ ಪರೇಖ್, ಅನುರಾಗ್ ಕಶ್ಯಪ್, ತಾಪ್ಸಿ ಪನ್ನು, ನಂದಿತಾ ದಾಸ್, ಕೊಂಕಣ ಸೇನ್, ಮತ್ತು ಅಪರ್ಣಾ ಸೇನ್ ಮತ್ತು ಜಾವೇದ್ ಅಖ್ತರ್ ! ಅಲ್ಲಿಗೆ ಬಂದಿರುವ ಸಂಗತಿ ಹಂಚಿಕೊಂಡಿದ್ದಾರೆ.
ಕಾಮೆಂಟ್ ವಿಭಾಗದಲ್ಲಿ ಅಭಿಮಾನಿಗಳು ಶಬಾನಾ ಅವರ ಪಟ್ಟಿಗೆ ಇನ್ನಷ್ಟು ಸೆಲೆಬ್ರಿಟಿಗಳನ್ನು ಸೇರಿಸಿದ್ದಾರೆ. ಶಿಲ್ಪಾ ಶೆಟ್ಟಿ, ಕರೀನಾ, ಸೈಫ್, ತೈಮೂರ್, ಜೆಹ್, ಕರಿಷ್ಮಾ, ಸಂಜಯ್ ಮತ್ತು ಮಹೀಪ್ ಕಪೂರ್ ಹೆಸರು ಬರೆದಿದ್ದಾರೆ. ಇನ್ನೊಬ್ಬರು ಯುಕೆಗೆ ಸ್ವಾಗತ ಎಂದು ಆಹ್ವಾನಿಸಿದ್ದಾರೆ.
Loading ...