ಕೇವಲ 7.5 ಲಕ್ಷ ಪಾವತಿಸಿದರೆ ಮನೆಗೆ ಬರಲಿದೆ 50 ಲಕ್ಷ ರೂ. ಮೌಲ್ಯದ ಈ ಕಾರು; ʼಡೌನ್ ಪೇಮೆಂಟ್ʼ ಕೂಡ ಶೂನ್ಯ…!

ಐಷಾರಾಮಿ ದುಬಾರಿ ಕಾರುಗಳನ್ನು ಹೊಂದಲು ಎಲ್ಲರೂ ಬಯಸುತ್ತಾರೆ. ಆದರೆ ಅಂತಿಮವಾಗಿ ತಮ್ಮ ಬಜೆಟ್‌ ಕಾರಣಕ್ಕಾಗಿ ಅದಕ್ಕೆ ತಕ್ಕಂತೆ ವಾಹನ ಖರೀದಿಸುತ್ತಾರೆ. ನಿಮ್ಮ ಜೇಬಿನಿಂದ ಒಮ್ಮೆಲೆ ಹೆಚ್ಚು ಹಣ ಖರ್ಚು ಮಾಡದೆ ಐಷಾರಾಮಿ ಕಾರಿನಲ್ಲಿ ಪ್ರಯಾಣಿಸಲು ಬಯಸುವಿರಾ ? ಹಾಗಾದ್ರೆ ನೀವು BMW ಮಾಲೀಕತ್ವದ ಮಿನಿ ಬ್ರಾಂಡ್‌ನ ಕೂಪರ್ ಕಾರಿನ ಕೊಡುಗೆಯನ್ನು ನೋಡಬೇಕು. ಸುಮಾರು 50 ಲಕ್ಷ ರೂ.ಗಳ ಆನ್ ರೋಡ್ ಬೆಲೆಯ ಈ ಕಾರನ್ನು ಕೇವಲ 7.5 ಲಕ್ಷ ರೂ.ಗಳಲ್ಲಿ ನಿಮ್ಮ ಮನೆಗೆ ತರಬಹುದಾಗಿದೆ.

ಅಂದ ಹಾಗೆ ಇದು ಕಾರಿನ ಬುಕಿಂಗ್ ಮೊತ್ತವಲ್ಲ, ಬದಲಿಗೆ ಮಿನಿ ಕೂಪರ್ ಎಸ್ ಅನ್ನು ಮನೆಗೆ ತರಲು ನೀವು ಯಾವುದೇ ಡೌನ್ ಪೇಮೆಂಟ್ (ಝೀರೋ ಡೌನ್ ಪೇಮೆಂಟ್) ಮಾಡಬೇಕಾಗಿಲ್ಲ. ಈ ಚಿಕ್ಕದಾದ ಆದರೆ ಐಷಾರಾಮಿ ಕಾರಿನ ಎಕ್ಸ್ ಶೋ ರೂಂ ಬೆಲೆ 44.90 ಲಕ್ಷ ರೂಪಾಯಿಗಳಿಂದ ಆರಂಭವಾಗುತ್ತದೆ.

ಆಫರ್ ನವೆಂಬರ್ 30 ರವರೆಗೆ ಮಾತ್ರ ಮಾನ್ಯ

ಕಂಪನಿಯು ಮಿನಿ ಕೂಪರ್ ಎಸ್‌ ನಲ್ಲಿ ಉತ್ತಮ ಹಣಕಾಸು ಯೋಜನೆಯನ್ನು ನೀಡಿದೆ. ಇದರಲ್ಲಿ, ವರ್ಷಕ್ಕೆ 7.5 ಲಕ್ಷ ವೆಚ್ಚದಲ್ಲಿ ಮಿನಿ ಕೂಪರ್ ಎಸ್ ಖರೀದಿಸುವ ಅವಕಾಶವನ್ನು ಪಡೆಯಬಹುದಾಗಿದೆ. ಕಂಪನಿಯ ಪ್ಲಾಟ್‌ಫಾರ್ಮ್‌ನಲ್ಲಿ ಟೆಸ್ಟ್ ಡ್ರೈವ್ ಅನ್ನು ಬುಕ್ ಮಾಡುವ ಮೂಲಕ ನೀವು ಅದರ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ಸಂಗ್ರಹಿಸಬಹುದು. ಈ ಹಣಕಾಸು ಕಾರ್ಯಕ್ರಮವು ಸುಮಾರು 7 ವರ್ಷಗಳವರೆಗೆ ನಡೆಯುವ ನಿರೀಕ್ಷೆಯಿದೆ.

ಕಂಪನಿಯ ಈ ಆಫರ್ 30 ನವೆಂಬರ್ 2024 ರವರೆಗೆ ಮಾನ್ಯವಾಗಿರುತ್ತದೆ. ನೀವು ಕಾರಿಗೆ ಯಾವುದೇ ರೀತಿಯ ಡೌನ್ ಪೇಮೆಂಟ್ ಮಾಡಬೇಕಾಗಿಲ್ಲ ಎಂಬುದು ಈ ಆಫರ್‌ನಲ್ಲಿ ಸ್ಪಷ್ಟವಾಗಿದೆ.

ಇನ್ನು ಈ ಕಾರಿನ ಅದ್ಭುತ ವೈಶಿಷ್ಟ್ಯಗಳ ಹೇಳಬೇಕೆಂದರೆ

ಮೊದಲನೆಯದಾಗಿ, ನಿಮ್ಮ ಅಗತ್ಯಗಳಿಗೆ ಅನುಗುಣವಾಗಿ ನೀವು ಈ ಕಾರನ್ನು ಕಸ್ಟಮೈಸ್ ಮಾಡಬಹುದು. ಇದರಲ್ಲಿ ನೀವು 2 ಸೀಟ್, 3 ಸೀಟ್ ಮತ್ತು 4 ಸೀಟ್ ಆಯ್ಕೆಗಳನ್ನು ಪಡೆಯುತ್ತೀರಿ. 4 ಸೀಟ್ ಮಾದರಿಯಲ್ಲೂ 210 ಲೀಟರ್ ಬೂಟ್ ಸ್ಪೇಸ್ ಸಿಗಲಿದೆ.

ಈ ಕಾರಿನ ಎಂಜಿನ್ 204 ಬಿಎಚ್‌ಪಿ ಪವರ್ ಉತ್ಪಾದಿಸುತ್ತದೆ. ಇದು ಕೇವಲ 6.6 ಸೆಕೆಂಡುಗಳಲ್ಲಿ ಗಂಟೆಗೆ 100 ಕಿ.ಮೀ ವೇಗವನ್ನು ಪಡೆಯುತ್ತದೆ. ಇದರಲ್ಲಿ ನೀವು ದೊಡ್ಡ ಇನ್ಫೋಟೈನ್‌ಮೆಂಟ್ ಸ್ಕ್ರೀನ್, ವೆಂಟಿಲೇಟೆಡ್ ಸೀಟ್‌ಗಳು ಮತ್ತು ಐಷಾರಾಮಿ ಸಜ್ಜುಗಳನ್ನು ಪಡೆಯುತ್ತೀರಿ.