ನಿಮ್ಮ ಎದೆ ನಡುಗಿಸುತ್ತೆ ಚಲಿಸುತ್ತಿರುವ ರೈಲು ಏರಲೆತ್ನಿಸಿದ ಮಹಿಳೆ ವಿಡಿಯೋ

ಚಲಿಸುತ್ತಿರುವ ರೈಲು ಹತ್ತಲು ಪ್ರಯತ್ನಿಸಿದ 71 ವರ್ಷದ ಮಹಿಳೆಯೊಬ್ಬರು ಜಾರಿಬಿದ್ದು ಪ್ಲಾಟ್‌ಫಾರ್ಮ್ ಹಾಗೂ ಚಲಿಸುತ್ತಿರುವ ರೈಲಿನ ನಡುವೆ ಸಿಲುಕಿಕೊಂಡ ಭಯಾನಕ ಘಟನೆ ಮುಂಬೈನ ವಸೈ ರೈಲು ನಿಲ್ದಾಣದಲ್ಲಿ ನಡೆದಿದೆ.

ತೆಲಂಗಾಣದ ಹೈದರಾಬಾದ್ ನಿವಾಸಿಯಾಗಿರುವ ಮಹಿಳೆ ಚಲಿಸುತ್ತಿದ್ದ ಭಾವನಗರ-ಕಾಕಿನಾಡ ವಿಶೇಷ ರೈಲು ಹತ್ತಲು ಪ್ರಯತ್ನಿಸಿದ್ದಾರೆ. ಈ ವೇಳೆ ಆಕೆ ಕಾಲು ಜಾರಿ ಕೆಳಗೆ ಬಿದ್ದು ಪ್ಲಾಟ್ ಫಾರ್ಮ್ ಅಂತರದಲ್ಲಿ ಸಿಕ್ಕಿಬಿದ್ದಿದ್ದಾರೆ. ಘಟನೆಯ ದೃಶ್ಯ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಮಹಿಳೆಯ ಪತಿ ಸೇರಿದಂತೆ ಅಲ್ಲಿದ್ದವರು ಆಕೆಯನ್ನು ರಕ್ಷಿಸಿದ್ದಾರೆ.

BIG BREAKING: ರಾಜ್ಯಕ್ಕೆ ಗುಡ್ ನ್ಯೂಸ್, ಕೊರೋನಾ ಮತ್ತಷ್ಟು ಇಳಿಕೆ –ಇಲ್ಲಿದೆ ಡಿಟೇಲ್ಸ್

ಮಹಿಳೆಯನ್ನು ಸುರಕ್ಷಿತವಾಗಿ ಎಳೆದ ಕೆಲವು ಸೆಕೆಂಡುಗಳ ನಂತರ ರೈಲು ನಿಂತಿದೆ. ಕೂಡಲೇ ಪೊಲೀಸ್ ಸಿಬ್ಬಂದಿ ಮತ್ತು ನಿಲ್ದಾಣದಲ್ಲಿದ್ದ ಜನರು ಸ್ಥಳಕ್ಕೆ ದೌಡಾಯಿಸಿದ್ದಾರೆ. ಮಹಿಳೆಯನ್ನು ರೈಲಿನ ಕೆಳಗೆ ಬೀಳದಂತೆ ರಕ್ಷಿಸಲಾಯಿತು.

ಸದ್ಯ ಈ ವಿಡಿಯೋ ವೈರಲ್ ಆಗಿದ್ದು, ಮಹಿಳೆ ಮಾಡಿರುವುದು ತಪ್ಪು ಎಂದು ಅನೇಕರು ಟೀಕಿಸಿದ್ದಾರೆ. ರೈಲು ನಿಂತಿರುವಾಗ ಮಾತ್ರ ಹತ್ತಲು ಅಥವಾ ಇಳಿಯಲು ಪ್ರಯತ್ನಿಸಿ ಅಂತೆಲ್ಲಾ ಪ್ರತಿಕ್ರಿಯಿಸಿದ್ದಾರೆ.