ವೃದ್ಧರೊಬ್ಬರು ಜನಪ್ರಿಯವಾದ ಹಿಂದಿ ಧಾರಾವಾಹಿ ’ಮಹಾಭಾರತ’ದ ಟೈಟಲ್ ಸಾಂಗ್ ಅನ್ನು ರಾಗವಾಗಿ ಹಾಡುತ್ತಿರುವುದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಮುಸ್ಲಿಂ ಸಮುದಾಯದ ವೃದ್ಧರಾಗಿರುವ ಇವರ ನೆಚ್ಚಿನ ಗೀತೆ ಇದಾಗಿದೆ ಅನಿಸುತ್ತದೆ. ಲಯಬದ್ಧವಾಗಿ ಖುಷಿಯಿಂದ ಸಂಭ್ರಮಿಸಿ ಹಾಡುವುದು ವಿಡಿಯೋದಲ್ಲಿ ಕಾಣಿಸುತ್ತದೆ. ಹಾಗೆಯೇ ಅವರನ್ನು ಸುತ್ತುವರಿದ ಜನರ ನಡುವೆ, ತಮ್ಮ ಕುಟುಂಬಸ್ಥರ ಎದುರು ಧಾರಾವಾಹಿಯ ಆ ಟೈಟಲ್ ಸಾಂಗ್ ಹಾಡಿ ರಂಜಿಸಿದ್ದಾರೆ.
ಈ ವಿಡಿಯೊವನ್ನು ಭಾರತ ಚುನಾವಣಾ ಆಯೋಗದ ಮಾಜಿ ಆಯುಕ್ತರಾದ ಡಾ. ಎಸ್.ವೈ. ಖುರೇಷಿ ಅವರು ಟ್ವಿಟರ್‌ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.
ಉದ್ಯೋಗದ ನಿರೀಕ್ಷೆಯಲ್ಲಿದ್ದವರಿಗೆ ಗುಡ್‌ ನ್ಯೂಸ್: ಭಾರತೀಯ ನೌಕಾಪಡೆಯ ವಿವಿಧ ಹುದ್ದೆಗಳಿಗೆ ಅರ್ಜಿ ಅಹ್ವಾನ
‘ಎಲ್ಲ ಕಟ್ಟುಪಾಡುಗಳು, ಸಂಪ್ರದಾಯಗಳನ್ನು ಮುರಿಯುವುದು ಎಂದರೆ ಇದೇನಾ !’ ಎಂದು ಖುರೇಷಿ ಅವರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಭಾರತದ ಸಂಸ್ಕೃತಿ ವೈವಿಧ್ಯತೆ, ಕೋಮುಸೌಹಾರ್ದತೆಗೆ ನಿದರ್ಶನದಂತೆ ಇರುವ ಈ ವಿಡಿಯೋವನ್ನು ಹಲವಾರು ಮಂದಿ ಹಂಚಿಕೊಂಡು ಮುಕ್ತ ಕಂಠದಿಂದ ಶ್ಲಾಘಿಸಿದ್ದಾರೆ ಕೂಡ.
ದೂರದರ್ಶನದಲ್ಲಿ ಪ್ರಸಾರವಾಗಿ ಜನಪ್ರಿಯಗೊಂಡ ’ಮಹಾಭಾರತ’ ಧಾರಾವಾಹಿಯ ಈ ಟೈಟಲ್ ಗೀತೆಯನ್ನು ಹಾಡಿದವರು ಮಹೇಂದ್ರ ಕಪೂರ್‌. ಇದನ್ನು ಸಂಯೋಜನೆ ಮಾಡಿದವರು ರಾಜ್‌ಕಮಲ್‌. ಭಗವದ್ಗೀತೆಯ ಪ್ರಮುಖವಾದ ಎರಡು ಶ್ಲೋಕಗಳನ್ನು ಹಾಡಿನಲ್ಲಿ ಬಳಸಲಾಗಿದೆ. ಒಟ್ಟು 94 ಸಂಚಿಕೆಗಳ ಧಾರಾವಾಹಿಯನ್ನು 1988ರ ಅ.2 ರಂದು ಮೊದಲ ಬಾರಿಗೆ ಪ್ರಸಾರ ಮಾಡಲಾಯಿತು.
Loading ...