ಶುಂಠಿ ಬಹಳ ರುಚಿಯನ್ನು ಹೊಂದಿರುವ ಮಸಾಲೆ, ಒಂದು ತುಂಡು ಶುಂಠಿ ಇಡೀ ಆಹಾರದ ಫ್ಲೇವರನ್ನೆ ಬದಲಾಯಿಸುತ್ತೆ. ಶುಂಠಿಯು ತುಂಬಾ ಟೇಸ್ಟಿ ಮಾತ್ರವಲ್ಲ, ಸಾಕಷ್ಟು ಉತ್ತಮ ಗುಣಗಳನ್ನು ಹೊಂದಿದೆ.
ಶುಂಠಿಯ ಜಿಂಜರಾಲ್, ಶೋಗೋಲ್, ಜಿಂಗೈಬೆರೆನ್ ಜೊತೆಗೆ ಜೀವಸತ್ವಗಳು ಮತ್ತು ಖನಿಜಗಳನ್ನು ಹೊಂದಿದೆ. ಆದ್ದರಿಂದ ಶುಂಠಿಯನ್ನ ಬಹಳ ಹಿಂದಿನಿಂದಲು ಔಷಧಿಯಾಗಿ ಬಳಸಲಾಗುತ್ತಿದೆ. ಶತಮಾನಗಳ ಹಿಂದೆ, ಶುಂಠಿಯನ್ನು ಎಲ್ಲಾ ರೀತಿಯ ಕಾಯಿಲೆಗಳನ್ನು ಗುಣಪಡಿಸಲು ಬಳಸಲಾಗುತ್ತಿತ್ತು. ಇಂತಾ ಗುಣಗಳಿರೊ ಶುಂಠಿಯನ್ನ ನಿಯಮಿತವಾಗಿ ತಿನ್ನುವುದು ನಿಮ್ಮ ದೇಹದ ಆರೋಗ್ಯಕ್ಕೆ ಸಹಾಯಕವಾಗಿದೆ.
ಪ್ರತಿದಿನ ಶುಂಠಿ ತಿನ್ನುವುದರಿಂದ ಅನೇಕ ಆರೋಗ್ಯ ಪ್ರಯೋಜನಗಳಿವೆ. ಹಸಿ ಶುಂಠಿಯನ್ನೆ ತಿನ್ನಬೇಕಿಂದಿಲ್ಲ, ಚಹಾದೊಂದಿಗೆ, ಆಹಾರ ಪದಾರ್ಥಗಳಲ್ಲಿ, ಫರ್ಮೆಂಟೆಡ್ ಶುಂಠಿ ರೂಪದಲ್ಲು ಸೇವಿಸಬಹುದು. ಆದರೆ ಹಸಿಶುಂಠಿ ಹೆಚ್ಚು ಪ್ರಭಾವಿತವಾಗಿರುತ್ತದೆ.
ಶುಂಠಿ ಬಳಸುವುದರಿಂದಾಗುವ ಪ್ರಯೋಜನಗಳು
1. ಉರಿಯೂತ ನಿವಾರಕ: ಶುಂಠಿ ದೇಹದಲ್ಲಿ ಉಂಟಾಗುವ ಉರಿ, ಊತವನ್ನ ಕಡಿಮೆ ಮಾಡುತ್ತದೆ. ಇದರಲ್ಲಿರುವ ಔಷದೀಯ ಗುಣಗಳು ವೇಗವಾಗಿ ಕಾರ್ಯ ನಿರ್ವಹಿಸುತ್ತವೆ.
2. ವಾಕರಿಕೆ ಕಣ್ಮರೆಯಾಗುತ್ತದೆ: ನಿಮಗೆ ಆಗಾಗ ವಾಕರಿಕೆ ಅನುಭವವಾಗುತ್ತದೆಯಾ..? ಪ್ರತಿದಿನ ಶುಂಠಿ ತಿನ್ನುವುದು ನಿಮಗೆ ಸಹಾಯ ಮಾಡುತ್ತದೆ. ಪ್ರತಿದಿನ ಶುಂಠಿ ಬಳಸುವುದರಿಂದ ವಾಕರಿಕೆ ಬೇಗ ಕಡಿಮೆಯಾಗುತ್ತದೆ. ವಿಶೇಷವಾಗಿ ಗರ್ಭಿಣಿಯರು ಮತ್ತು ಕೀಮೋಥೆರಪಿಗೆ ಒಳಗಾಗುವ ಜನರು ಇದರಿಂದ ಪ್ರಯೋಜನ ಪಡೆಯಬಹುದು.
3. ಸ್ನಾಯು ನೋವು ಕಡಿತ: ಶುಂಠಿ ತಿನ್ನುವುದು ಇದರ ಮೇಲೆ ಉತ್ತಮ ಪರಿಣಾಮ ಬೀರುತ್ತದೆ. ಪ್ರತಿದಿನ ಶುಂಠಿಯನ್ನು ಸೇವಿಸುವುದರಿಂದ ಸ್ನಾಯು ನೋವು ಕ್ರಮೇಣ ಕಡಿಮೆಯಾಗುತ್ತದೆ.
4. ಕರುಳಿನ ಆರೋಗ್ಯ ಉತ್ತೇಜಿಸಿ, ಪಚನ ಕ್ರಿಯೆಗೆ ಸಹಕರಿಸುತ್ತದೆ: ಪ್ರತಿದಿನವೂ ಶುಂಠಿಯನ್ನು ತಿನ್ನುವುದು ನಿಮ್ಮ ಕರುಳಿನ ಚಲನೆಗೆ ಬಹಳಷ್ಟು ಒಳ್ಳೆಯದು. ನೀವು ನಿಯಮಿತವಾಗಿ ಮಲಬದ್ಧತೆಯಿಂದ ಬಳಲುತ್ತಿದ್ದರೆ, ಶುಂಠಿ ಸೇವನೆ ನಿಮಗೆ ಸಹಾಯ ಮಾಡಬಹುದು.
5. ಮುಟ್ಟಿನ ನೋವು: ತಿಂಗಳ ಈ ಸಮಯದಲ್ಲಿ ನೀವು ನಿರಂತರವಾಗಿ ನೋವು ಅನುಭವಿಸುತ್ತಿದ್ದರೆ ಶುಂಠಿ ರಾಮಬಾಣ. ಮುಟ್ಟಿನ ಸಂದರ್ಭದಲ್ಲಿ ಶುಂಠಿ ಚಹಾ ಸೇವಿಸುವುದರಿಂದ ಕಿಬ್ಬೊಟ್ಟೆಯ ನೋವು ಕಡಿಮೆಯಾಗುತ್ತದೆ.
6. ಕೊಲೆಸ್ಟ್ರಾಲ್ ಅನ್ನು ಕಡಿಮೆ ಮಾಡುತ್ತದೆ: ಒಂದು ತಿಂಗಳ ಕಾಲ ಪ್ರತಿದಿನ ಶುಂಠಿ ತಿನ್ನುವುದು ದೇಹದಲ್ಲಿ ಕೆಟ್ಟ ಕೊಲೆಸ್ಟ್ರಾಲ್ ಅನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಶುಂಠಿಯಲ್ಲಿರುವ ಪದಾರ್ಥಗಳಿಂದ ರಕ್ತದಲ್ಲಿನ ಟ್ರೈಗ್ಲಿಸರೈಡ್‌ಗಳ ಪ್ರಮಾಣ ಕಡಿಮೆಯಾಗುತ್ತದೆ ಇದರಿಂದ ಕೊಲೆಸ್ಟರಾಲ್‌ ಕಮ್ಮಿಯಾಗುತ್ತದೆ.
7. ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ: ಶುಂಠಿಯಲ್ಲಿರುವ ಔಷದೀಯ ಗುಣಲಕ್ಷಣಗಳು ಪ್ರತಿರಕ್ಷಣಾ ವ್ಯವಸ್ಥೆಯನ್ನು ಬಲಪಡಿಸುತ್ತದೆ. ಇದೇ ಕಾರಣಕ್ಕೆ ನಮ್ಮ ಹಿರಿಯರು ಶೀತವಾದ ಸಂದರ್ಭದಲ್ಲಿ ಶುಂಠಿ ಕಷಾಯ ಕುಡಿಯುತ್ತಿದ್ದರು.
Loading ...