ನಾವು ತಿನ್ನುವ ಆಹಾರ, ಆರೋಗ್ಯದ ಮೇಲೆ ಎಷ್ಟೆಲ್ಲಾ ಪರಿಣಾಮ ಬೀರುತ್ತದೆ ನೋಡಿ. ಕ್ಯಾಂಡಿ, ಸೋಡಾ ನಮ್ಮ ಆರೋಗ್ಯಕ್ಕೆ ಪೂರಕವಲ್ಲ. ನೈಸರ್ಗಿಕ ವಿಧಾನಗಳ ಮೂಲಕವೇ ಹಲ್ಲಿನ ಆರೋಗ್ಯವನ್ನು ಕಾಪಾಡಿಕೊಳ್ಳಬಹುದು. ಅದಕ್ಕಾಗಿ ಹಣ್ಣು ತರಕಾರಿ ಸೇವನೆಯನ್ನು ರೂಢಿಸಿಕೊಳ್ಳಬೇಕು.
ಬಾದಾಮಿ : ಕ್ಯಾಲ್ಸಿಯಂ ಹಾಗೂ ಪ್ರೊಟೀನ್ ಅತ್ಯಧಿಕವಾಗಿರೋ ಇದು ಹಲ್ಲಿನ ಆರೋಗ್ಯಕ್ಕೆ ಪೂರಕ.
ಸೇಬು : ಸ್ಕ್ರಬ್ ರೀತಿಯಲ್ಲಿ ಕಾರ್ಯ ನಿರ್ವಹಿಸುವ ಇದು, ಹಲ್ಲನ್ನು ಸ್ವಚ್ಛಗೊಳಿಸಿ ಬಾಯಿಯ ದುರ್ವಾಸನೆಯನ್ನು ಹೋಗಲಾಡಿಸುತ್ತದೆ.
ಸೊಪ್ಪುಗಳು : ಪೊಲಿಕ್ ಆಸಿಡ್, ವಿಟಮಿನ್ ಬಿ ಅಂಶವು ದಂತ ಪಂಕ್ತಿಗೆ ಸಂಬಂಧಿಸಿದ ಸಮಸ್ಯೆಗಳನ್ನು ನಿವಾರಿಸುತ್ತದೆ.
ಸ್ಟ್ರಾಬೆರಿ : ಇದು ಹಲ್ಲಿನ ಬಿಳುಪನ್ನು ಕಾಪಾಡುತ್ತದೆ. ಇದೊಂದು ನೈಸರ್ಗಿಕ ಹಲ್ಲು ಉಜ್ಜುವ ಪೇಸ್ಟ್ ನಂತೆ ಕಾರ್ಯ ನಿರ್ವಹಿಸುತ್ತದೆ. ಬೇಕಿಂಗ್ ಸೋಡಾದೊಂದಿಗೆ ಸೇರಿಸಿಕೊಂಡು ಹಲ್ಲುಜ್ಜಬಹುದು.
ಕಲ್ಲಂಗಡಿ : ವಿಟಮಿನ್ ಸಿ ಅಂಶವಿರುವ ಇದು ದಂತದ ಆರೋಗ್ಯಕ್ಕೆ ಸಹಾಯಕ.
ಬಟರ್ ಫ್ರೂಟ್ : ಇದರಲ್ಲಿರೋ ವಿಟಮಿನ್ ಸಿ, ಪೊಟ್ಯಾಷಿಯಂ ಹಲ್ಲಿನ ಆರೋಗ್ಯಕ್ಕೆ ಉತ್ತಮ. ಆದ್ದರಿಂದ ಸಾಧ್ಯವಾದಷ್ಟು ಇದರ ಜ್ಯೂಸ್ ಸೇವಿಸಿ.
ಕ್ಯಾರಟ್ : ಊಟದ ನಂತರ ಹಸಿ ಕ್ಯಾರೆಟ್ ಸೇವನೆಯಿಂದ ಬಾಯಲ್ಲಿ ಲಾಲಾರಸ ಉತ್ಪಾದನೆ ಹೆಚ್ಚುತ್ತದೆ. ಇದು ಹಲ್ಲು ಹುಳುಕಾಗುವ ಸಮಸ್ಯೆಯಿಂದ ಮುಕ್ತಿ ನೀಡುತ್ತದೆ.
Loading ...