ಮಸಾಜ್ ಮಾಡುವ ನೆಪದಲ್ಲಿ ಪ್ರವಾಸಿ ಮಹಿಳೆ ಮೇಲೆ ಅತ್ಯಾಚಾರ

ಜೈಪುರ: ಮಸಾಜ್ ಮಾಡುವ ನೆಪದಲ್ಲಿ ಜೈಪುರದಲ್ಲಿ ಡಚ್ ಪ್ರವಾಸಿಯೊಬ್ಬಳ ಮೇಲೆ ಅತ್ಯಾಚಾರ ಎಸಗಿದ ವ್ಯಕ್ತಿಯನ್ನು ರಾಜಸ್ಥಾನ ಪೊಲೀಸರು ಬಂಧಿಸಿದ್ದಾರೆ.

ಆರೋಪಿ ಮಹಿಳೆ ಮೇಲೆ ಅತ್ಯಾಚಾರ ಎಸಗಿ ಪರಾರಿಯಾಗಿದ್ದು ಜೈಪುರದಿಂದ ಹೊರಡಲು ಹೊರಟಿದ್ದಾಗ ನಗರದ ವಿದ್ಯಾಧರ್ ನಗರ ಪ್ರದೇಶದಲ್ಲಿ ಸಿಕ್ಕಿಬಿದ್ದಿದ್ದಾನೆ.

ಪೊಲೀಸ್ ಅಧಿಕಾರಿ ಗುಂಜನ್ ಸೋನಿ, ನೆದರ್ಲ್ಯಾಂಡ್ಸ್‌ನ 30 ವರ್ಷದ ಮಹಿಳೆಸುಮಾರು ಐದು ದಿನಗಳ ಹಿಂದೆ ಹೋಳಿ ಹಬ್ಬವನ್ನು ಸವಿಯಲು ತಂಡದೊಂದಿಗೆ ರಾಜಸ್ಥಾನಕ್ಕೆ ಬಂದಿದ್ದಳು. ಈ ವಿದೇಶಿ ಪ್ರವಾಸಿಗರ ತಂಡವು ಸಿಂಧಿ ಕ್ಯಾಂಪ್ ಪ್ರದೇಶದಲ್ಲಿರುವ ಪಿಜಿಯಲ್ಲಿ ತಂಗಿತ್ತು. ಬುಧವಾರ ಸಂಜೆ ಯುವತಿ ಆಯುರ್ವೇದ ಮಸಾಜ್ ಮಾಡುವ ಬಗ್ಗೆ ಯುವಕನಿಗೆ ಕರೆ ಮಾಡಿದ್ದಳು. ಮಸಾಜ್ ಸಮಯದಲ್ಲಿ, ಸಂತ್ರಸ್ತೆಯ ಪ್ರತಿಭಟನೆಯ ನಡುವೆಯೂ ಆರೋಪಿ ಲೈಂಗಿಕ ದೌರ್ಜನ್ಯವೆಸಗಿ ಅಲ್ಲಿಂದ ಓಡಿಹೋಗಿದ್ದಾನೆ ಎಂದು ತಿಳಿಸಿದ್ದಾರೆ.

ಸಂತ್ರಸ್ತೆ ಗುರುವಾರ ಸಿಂಧಿ ಕ್ಯಾಂಪ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಸಂತ್ರಸ್ತೆಯನ್ನು ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಿದ ನಂತರ ಪೊಲೀಸರು ಆರೋಪಿಯನ್ನು ಬಂಧಿಸಿದ್ದಾರೆ. ಪ್ರಸ್ತುತ ವಿಚಾರಣೆ ನಡೆಸುತ್ತಿದ್ದಾರೆ. ಖಾತಿಪುರದಲ್ಲಿ ಮಸಾಜ್ ಸೇವೆಯಲ್ಲಿ ಕೆಲಸ ಮಾಡುತ್ತಿದ್ದ ಆರೋಪಿ ಕೇರಳಕ್ಕೆ ಪರಾರಿಯಾಗಲು ಯತ್ನಿಸುತ್ತಿದ್ದ ಎಂದು ಮೂಲಗಳು ತಿಳಿಸಿವೆ.