ಇಲ್ಲಿದೆ ಹೋಟೆಲ್‌ ವೇಯ್ಟರ್‌ ಆಗಿದ್ದ ಬಡ ಯುವಕ ಐಎಎಸ್‌ ಅಧಿಕಾರಿಯಾದ ಸ್ಪೂರ್ತಿದಾಯಕ ಕಥೆ….!

ಇಂದು ನಾವು ನಿಮ್ಮೊಂದಿಗೆ ಹೋಟೆಲ್​ ಮಾಣಿಯಾಗಿ ಕೆಲಸ ಮಾಡಿದ ಐಎಎಸ್ ಕೆ. ಜಯಗಣೇಶ್ ಅವರ ಪ್ರೇರಕ ಕಥೆಯನ್ನು ಹಂಚಿಕೊಳ್ಳುತ್ತಿದ್ದೇವೆ. ಕಠಿಣ ಪರಿಶ್ರಮದಿಂದ ಇವರು 2007 ರ ಯುಪಿಎಸ್‌ಸಿ ಸಿಎಸ್‌ಇ ಪರೀಕ್ಷೆಯಲ್ಲಿ 156 ನೇ ಶ್ರೇಣಿಯೊಂದಿಗೆ ಅರ್ಹತೆ ಪಡೆದುಕೊಂಡಿದ್ದು, ಇವರ ಜೀವನಗಾಥೆ ಪ್ರೇರಕವಾಗಿದೆ.

ವೆಲ್ಲೂರು ಜಿಲ್ಲೆಯ ವಿನವಮಂಗಲಂ ಎಂಬ ಪುಟ್ಟ ಹಳ್ಳಿಯಲ್ಲಿ ಹುಟ್ಟಿ ಬೆಳೆದ ಕೆ. ಜಯಗಣೇಶ್ ಆರ್ಥಿಕವಾಗಿ ಬಡ ಹಿನ್ನೆಲೆ ಹೊಂದಿದ್ದರು. ಅವರ ತಂದೆ ಕಾರ್ಖಾನೆಯಲ್ಲಿ ಕೆಲಸ ಮಾಡುತ್ತಿದ್ದರು. ಜಯಗಣೇಶ್ ಅವರು ತಮ್ಮ ಹಳ್ಳಿಯ ಜನರ ದಯನೀಯ ಸ್ಥಿತಿಯ ಬಗ್ಗೆ ಯಾವಾಗಲೂ ಯೋಚಿಸುತ್ತಿದ್ದರು. ತಮ್ಮ ಹಳ್ಳಿಯ ಜನರಿಗೆ ಸಹಾಯ ಮಾಡಲು ಬಯಸಿದ್ದರು.

ಬಡತನದ ಕುಟುಂಬದಿಂದ ಬಂದ ಅವರು ತಮ್ಮ ಗ್ರಾಮದ ಶಾಲೆಯಲ್ಲಿ 8 ನೇ ತರಗತಿಯವರೆಗೆ ಓದಿದ್ದಾರೆ ಮತ್ತು ಹತ್ತನೇ ತರಗತಿಯನ್ನು ಪೂರ್ಣಗೊಳಿಸಿದ ನಂತರ ಜಯಗಣೇಶ್ ಪಾಲಿಟೆಕ್ನಿಕ್ ಕಾಲೇಜಿಗೆ ಸೇರಿದರು. ಅಲ್ಲಿ ಅವರು ಪರೀಕ್ಷೆಯಲ್ಲಿ ಶೇಕಡಾ 91 ಅಂಕಗಳೊಂದಿಗೆ ಉತ್ತೀರ್ಣರಾದರು ಮತ್ತು ನಂತರ ತಂತಿ ಪೆರಿಯಾರ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಲ್ಲಿ ಮೆಕ್ಯಾನಿಕಲ್ ಇಂಜಿನಿಯರಿಂಗ್ ಓದಿದರು. ವಿದ್ಯಾಭ್ಯಾಸ ಮುಗಿಸಿ ಕಂಪನಿಯೊಂದರಲ್ಲಿ ಕೆಲಸವೂ ಸಿಕ್ಕಿದ್ದು, ತಿಂಗಳಿಗೆ 2500 ರೂಪಾಯಿ ಸಂಬಳ ಸಿಗುತ್ತಿತ್ತು.

ಮೂರನೇ ಪ್ರಯತ್ನದಲ್ಲೂ ಸರಿಯಾದ ಮಾರ್ಗದರ್ಶನ ಸಿಗದ ಕಾರಣ ಕನಸನ್ನು ನನಸಾಗಿಸಲು ಸಾಧ್ಯವಾಗಲಿಲ್ಲ. ಅವರು ಚೆನ್ನೈನಲ್ಲಿರುವ ಅಖಿಲ ಭಾರತ ನಾಗರಿಕ ಸೇವಾ ತರಬೇತಿ ಕೇಂದ್ರದ ಬಗ್ಗೆ ತಿಳಿದುಕೊಂಡರು, ಇದು ಸರ್ಕಾರಿ ಅನುದಾನಿತ ತರಬೇತಿ ಕೇಂದ್ರವಾಗಿದೆ. ತರಬೇತಿ ಸಂಸ್ಥೆಯು ನಡೆಸಿದ ಪ್ರವೇಶ ಪರೀಕ್ಷೆಯಲ್ಲಿ ಉತ್ತೀರ್ಣರಾದರು.

ಅವರ ನಾಲ್ಕನೇ ಪ್ರಯತ್ನದಲ್ಲಿ, ಅವರು IAS (UPSC CSE) ಪ್ರಿಲಿಮ್ಸ್‌ಗೆ ಅರ್ಹತೆ ಪಡೆದರು, ಆದರೆ ತರಬೇತಿ ಕೇಂದ್ರದ ನಿಯಮಗಳ ಪ್ರಕಾರ, ವಿದ್ಯಾರ್ಥಿಗಳು ಮುಖ್ಯ ಪರೀಕ್ಷೆಯನ್ನು ಬರೆದರೆ, ಉಚಿತ ವಸತಿ ಇರುವುದಿಲ್ಲ. ಹಾಗಾಗಿ ಸತ್ಯಂ ಚಿತ್ರಮಂದಿರದ ಕ್ಯಾಂಟೀನ್ ನಲ್ಲಿ ಕಂಪ್ಯೂಟರ್ ಅಕೌಂಟಿಂಗ್ ಕ್ಲರ್ಕ್ ಆಗಿ ಪಾರ್ಟ್ ಟೈಮ್ ಕೆಲಸಕ್ಕೆ ಸೇರಲು ನಿರ್ಧರಿಸಿದರು. ಬಿಡುವಿನ ವೇಳೆಯಲ್ಲಿ ಮಾಣಿಯಾಗಿಯೂ ಹೋಟೆಲ್​ ಕೆಲಸ ಮಾಡುತ್ತಿದ್ದರು.

ಜೈಗಣೇಶ್ ಅವರು IAS (UPSC CSE) ಮುಖ್ಯ ಪರೀಕ್ಷೆಯಲ್ಲಿ ಅರ್ಹತೆ ಪಡೆದರು. ಆದರೆ ಇಂಗ್ಲಿಷ್ ಕೌಶಲ್ಯ ಇಲ್ಲದ ಕಾರಣ, IAS (UPSC CSE) ಅಂತಿಮ ಸಂದರ್ಶನದಲ್ಲಿ ಯಶಸ್ವಿಯಾಗಲಿಲ್ಲ. ನಂತರ, ಅವರ ಐದನೇ ಪ್ರಯತ್ನದಲ್ಲಿ, ಅವರು ಪ್ರಿಲಿಮ್ಸ್ ಪರೀಕ್ಷೆಯಲ್ಲಿಯೇ ವಿಫಲರಾದರು, ನಂತರ ಅವರು ಸ್ಥಳೀಯ ತರಬೇತಿ ಕೇಂದ್ರದಲ್ಲಿ IAS (UPSC CSE) ಆಕಾಂಕ್ಷಿಗಳಿಗೆ ಸಮಾಜಶಾಸ್ತ್ರ ಶಿಕ್ಷಕರಾಗಿ ಸೇರಿಕೊಂಡರು. ಅವರು 2007 ರಲ್ಲಿ UPSC ಪರೀಕ್ಷೆಯಲ್ಲಿ ಆರು ವಿಫಲ ಪ್ರಯತ್ನಗಳ ನಂತರ 156 ನೇ ರ್ಯಾಂಕ್ ಗಳಿಸಿದರು.