ಮುಂಬೈನ ವರ್ಲಿ ಸಮುದ್ರ ಕೊಂಡಿಯಿಂದ ಗೇಟ್‌ವೇ ಆಫ್ ಇಂಡಿಯಾದವರೆಗೆ 36 ಕಿಲೋಮೀಟರ್ ದೂರದಲ್ಲಿ ಆಕ್ವಾವುಮನ್ ಸುಚೇತಾ ದೇಬ್ ಬರ್ಮನ್ ಈಜುತ್ತಿರುವ ವಿಡಿಯೋ ವೈರಲ್ ಆಗಿದೆ. ಬೆಂಗಳೂರಿನ ನಿವಾಸಿ ಬರ್ಮನ್ ಅರಬ್ಬಿ ಸಮುದ್ರದಲ್ಲಿ ಡಾಲ್ಫಿನ್‌ಗಳ ಪಕ್ಕದಲ್ಲಿ ಈಜಿದ್ದಾರೆ.
ಸುಚೇತಾ ಜನವರಿ 2022 ರಲ್ಲಿ ತನ್ನ ಧೈರ್ಯಶಾಲಿ ಸಾಧನೆಯನ್ನು ಪೂರ್ಣಗೊಳಿಸಿದರು. ಆಗಸ್ಟ್ 4 ರಂದು ತನ್ನ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಥ್ರೋಬ್ಯಾಕ್ ವಿಡಿಯೋವನ್ನು ಹಂಚಿಕೊಂಡರು. ಆಕೆಯ ಈಜುವ ಶೈಲಿಯನ್ನು ನೋಡಿದ ಇಂಟರ್ನೆಟ್ ಬೆರಗಾಯಿತು. ಈ ವಿಡಿಯೋ 30.6 ಲಕ್ಷಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಮತ್ತು 3.7 ಲಕ್ಷ ಲೈಕ್‌ಗಳನ್ನು ಗಳಿಸಿದೆ.
ಅಂದಹಾಗೆ, ಸುಚೇತಾ 36 ಗಂಟೆಗಳ ಕಾಲ ಈಜಲು 8 ಗಂಟೆ 46 ನಿಮಿಷ ತೆಗೆದುಕೊಂಡರು. ಸುಚೇತಾ ಅವರು ಸುಮಾರು 12 ಗಂಟೆಗೆ ಈಜಲು ಪ್ರಾರಂಭಿಸಿ, ರಾತ್ರಿ 8:45 ರ ಸುಮಾರಿಗೆ ಪೂರ್ಣಗೊಳಿಸಿದರು.
ನಾನು ಈಜುತ್ತಿದ್ದಾಗ ನನ್ನೊಂದಿಗೆ ಡಾಲ್ಫಿನ್‌ಗಳು ಸಹ ಈಜುತ್ತಿದ್ದವು. ಇದು ಮುಂಬೈನಲ್ಲಿ ಅನಿರೀಕ್ಷಿತವಾಗಿತ್ತು. ಇದು ನನಗೆ ರೋಮಾಂಚಕ ಅನುಭವವಾಗಿತ್ತು. ನಾನು ಈಜುವಾಗ ಡಾಲ್ಫಿನ್‌ಗಳು ನೀರಿನಲ್ಲಿ ಆಡುತ್ತಿರುವುದು ನನಗೆ ಒಂದು ವರವಾಗಿತ್ತು. ಅವು ಒಳಗೆ ಮತ್ತು ಹೊರಗೆ ಜಿಗಿಯುತ್ತಿದ್ದವು ಎಂದು ಸುಚೇತಾ ಸಂತಸ ಹಂಚಿಕೊಂಡ್ರು.
ಅಲ್ಲದೆ, ಡಾಲ್ಫಿನ್‌ಗಳು ತಮ್ಮ ಸುತ್ತಲೂ ಇದ್ದಾಗ ಈಜುಗಾರರಿಗೆ ಇದು ಸುರಕ್ಷಿತವಾಗಿದೆ. ದಿನವಿಡೀ ಅವುಗಳು ನನ್ನೊಂದಿಗೆ ಇದ್ದವು. ಡಾಲ್ಫಿನ್ ಗಳಿದ್ದಾವೆ ಅಂದ್ರೆ ನಾನು ಅವುಗಳ ಜೊತೆಗೆ ಸುರಕ್ಷಿತವಾಗಿರುತ್ತೇನೆ ಎಂದು ಅವರು ಹೇಳಿದ್ರು.
Loading ...