ತಮಿಳುನಾಡಿನ ಡಿಎಂಕೆ ಸಂಸದೆ ಕನಿಮೋಳಿ ಸಂಸತ್ತಿನಲ್ಲಿ ಹವಾಮಾನ ಬದಲಾವಣೆ ವಿಚಾರದ ಕುರಿತು ಮಾತನಾಡುತ್ತಿರುವ ವೇಳೆಯಲ್ಲಿ ಆತ್ಮ ನಿರ್ಭರ್ ಭಾರತ್ ಎಂಬ ಪದವನ್ನು ಉಚ್ಛರಿಸಲು ತೊಂದರೆ ಅನುಭವಿಸಿದ್ದಾರೆ.
ಆತ್ಮನಿರ್ಭರ್ ಭಾರತ್ ಪದ ಉಚ್ಛರಿಸಲು ಕನಿಮೋಳಿ ತಡಕಾಡಿದ ವೇಳೆಯಲ್ಲಿ ಸಂಸತ್ನ ಇತರೆ ಸದಸ್ಯರು ಜೋರಾಗಿ ಆತ್ಮನಿರ್ಭರ್ ಭಾರತ್ ಎಂದು ಹೇಳಿದ್ದಾರೆ.
ಇದಕ್ಕೆ ನಗುತ್ತಲೇ ಪ್ರತಿಕ್ರಿಯಿಸಿದ ಕನಿಮೋಳಿ, ನೀವು ಇಂಗ್ಲೀಷ್ನಲ್ಲೋ ಅಥವಾ ಪ್ರಾದೇಶಿಕ ಭಾಷೆಗಳಲ್ಲಿ ಈ ಹೆಸರನ್ನು ಇಟ್ಟರೆ ನಮಗೆ ಉಚ್ಛರಿಸಲು ಸುಲಭವಾಗುತ್ತೆ ಎಂದು ಹೇಳಿದ್ದಾರೆ.
ಆತ್ಮನಿರ್ಭರ್ ಭಾರತ್ ಎಂದು ಉಚ್ಛರಿಸಲು ಕಷ್ಟವಾದ ಬಳಿಕ ಸಂಸದೆ ಕನಿಮೋಳಿ ತಮಿಳಿನಲ್ಲಿಯೇ ಸಂಸತ್ತಿನಲ್ಲಿ ಮಾತನಾಡಿದ್ದು, ಇದನ್ನು ನೋಡಿದ ನೆಟ್ಟಿಗರು ಕನಿಮೋಳಿ ಅವರಿಗೆ ಪ್ರಶಂಸೆ ವ್ಯಕ್ತಪಡಿಸುತ್ತಿದ್ದಾರೆ.
Loading ...