ಚಿಕ್ಕಮಕ್ಕಳು ಏನು ಮಾಡಿದರೂ ಚೆಂದ. ಅದರಲ್ಲಿಯೂ ತಮ್ಮದೇ ಆದ ರೀತಿಯಲ್ಲಿ ನೃತ್ಯ ಮಾಡಿದರೆ ಅದಕ್ಕೆ ಫಿದಾ ಆಗುವವರೇ ಹೆಚ್ಚು. ಅನೇಕ ಮಕ್ಕಳು ಈ ರೀತಿ ನೃತ್ಯ ಪ್ರದರ್ಶನ ನೀಡಿದರೂ, ಕೆಲವು ಮಾತ್ರ ಅದ್ಹೇಗೋ ವೈರಲ್ ಆಗಿಬಿಡುತ್ತವೆ. ಅಂಥದ್ದೇ ಒಂದು ವೈರಲ್ ವಿಡಿಯೋ ಈಗ ಹಲವಾರು ಕಮೆಂಟ್ಗಳೊಂದಿಗೆ ಶೇರ್ ಆಗುತ್ತಿವೆ.
ಡಾನ್ಸ್ ಇಂಡಿಯಾ ಡಾನ್ಸ್ ರಿಯಾಲಿಟಿ ಷೋದ ಐದನೇ ಕಂತಿನಲ್ಲಿ ಎರಡನೇ ರನ್ನರ್ ಅಪ್ ಆದ ಆದ್ಯಶ್ರೀಗೆ ದೊಡ್ಡ ಅಭಿಮಾನಿ ಬಳಗವೇ ಇದೆ. ಈ ಪುಟಾಣಿ ಆಂಗಿಕಾಭಿನಿಯದ ಮೂಲಕ ಜನರ ಮನಸ್ಸನ್ನು ಗೆದ್ದಿದ್ದಾಳೆ. ಖುದ್ದು ದೊಡ್ಡ ದೊಡ್ಡ ಸ್ಟಾರ್ಗಳೇ ಈಕೆಗೆ ಅಭಿನಂದನೆಗಳ ಸುರಿಮಳೆಗೈದಿದ್ದಾರೆ.
ಈಕೆಯ ಪುಟ್ಟದೊಂದು ಡಾನ್ಸ್ ವಿಡಿಯೋ ನಟಿ ರಶ್ಮಿಕಾ ಮಂದಣ್ಣ ಅವರು ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಶೇರ್ ಮಾಡಿಕೊಂಡಿದ್ದು, ಅದೀಗ ಭಾರಿ ವೈರಲ್ ಆಗಿದೆ. ನಟ್ವರ್‌ಲಾಲ್ ಚಿತ್ರದ ಪ್ರಸಿದ್ಧ ಹಾಡು ಪರ್ದೇಸಿಯಾ ಯೇ ಸಚ್ ಹೈ ಪಿಯಾ ಹಾಡಿಗೆ ಆರಾಧ್ಯಾ ನೃತ್ಯ ಮಾಡಿದ್ದು, ನೆಟ್ಟಿಗರ ಗಮನ ಸೆಳೆದಿದ್ದಾಳೆ.
Loading ...