ಐಫೋನ್ ರಿಲೀಸ್‌ ಬಳಿಕ ನೆಟ್ಟಿಗರಿಂದ ಕಮೆಂಟ್‌ ಗಳ ಸುರಿಮಳೆ

ಆಪಲ್ ಸಂಸ್ಥೆಯು ಮಂಗಳವಾರ ನೂತನ ಐಫೋನ್ 13, ಐಫೋನ್ ಪ್ರೋ ಹಾಗೂ ಐಫೋನ್ 13 ಪ್ರೋ ಮ್ಯಾಕ್ಸ್ ಅನ್ನು ಅನಾವರಣಗೊಳಿಸಿದೆ.

ಐಫೋನ್ 13 ಅನ್ನು ಮೂರು ರೀತಿಯ ರೂಪಾಂತರಗಳಲ್ಲಿ ಬಿಡುಗಡೆ ಮಾಡಲಾಗಿದೆ. ಒಂದು 128 ಜಿಬಿ ಹೊಂದಿದ್ದರೆ, ಇನ್ನೊಂದು 256 ಜಿಬಿ ಹಾಗೂ 512 ಜಿಬಿ ಹೊಂದಿದೆ.

ಭಾರತದಲ್ಲಿ ಐಫೋನ್ 13 ಪ್ರೋ ಬೆಲೆ 1,19,900 ರೂ.ಗಳಿದ್ದರೆ, ಐಫೋನ್ 13 ಪ್ರೋ ಮ್ಯಾಕ್ಸ್ ಬೆಲೆ 1,29,900 ರೂ. ಎಂದು ನಿಗದಿಮಾಡಲಾಗಿದೆ. ಐಫೋನ್ 13 ಮತ್ತು ಐಫೋನ್ 13 ಮಿನಿಯನ್ನು ಕಳೆದ ವರ್ಷವಿದ್ದಷ್ಟೇ ಬೆಲೆಯನ್ನು ನಿಗದಿಮಾಡಲಾಗಿದೆ. ಇವುಗಳಿಗೆ ಕ್ರಮವಾಗಿ 79,900 ರೂ. ಹಾಗೂ 69,900 ರೂ.ಗಳಿವೆ.

BIG NEWS: ಮಾಜಿ ಸಚಿವ ರಮೇಶ್ ಜಾರಕಿಹೊಳಿ ಸಿಡಿ ಪ್ರಕರಣ; ಸಂತ್ರಸ್ತೆ ಪರ ವಕೀಲೆ ಅನಾರೋಗ್ಯ; ವಿಚಾರಣೆ ಮುಂದೂಡಿಕೆ

ಭಾರತೀಯ ಬಳಕೆದಾರರು ಐಫೋನ್ 13 ಪ್ರೋ ಹಾಗೂ ಐಫೋನ್ 13 ಪ್ರೋ ಮ್ಯಾಕ್ಸ್ ಅನ್ನು ಸೆಪ್ಟೆಂಬರ್ 17ರ ಶುಕ್ರವಾರ ಸಂಜೆ 5.30 ರಿಂದ ಬುಕ್ಕಿಂಗ್ ಮಾಡಿಕೊಳ್ಳಬಹುದು. ಸೆಪ್ಟೆಂಬರ್ 24ರಿಂದ ಇವು ಲಭ್ಯವಾಗಲಿದೆ.

ಕಂಪನಿಯು ತನ್ನ ಹೊಸ ಉತ್ಪನ್ನಗಳನ್ನು ಬಿಡುಗಡೆ ಮಾಡಿದ ಬಳಿಕ ದೇಸಿ ನೆಟ್ಟಿಗರು ಹಲವಾರು ರೀತಿಯ ಮೀಮ್ಸ್ ಗಳನ್ನು ತಮಾಷೆ ರೀತಿಯಲ್ಲಿ ಹಂಚಿಕೊಂಡಿದ್ದಾರೆ. “ಆಪಲ್ ಒಂದೇ ಫೋನ್ ಅನ್ನು ವಿವಿಧ ಕ್ಯಾಮರಾ ಜೋಡಣೆಯೊಂದಿಗೆ ಬಿಡುಗಡೆ ಮಾಡುತ್ತದೆ” ಎಂದು ಒಬ್ಬರು ಕಮೆಂಟ್ ಮಾಡಿದ್ದಾರೆ. “ಕಳೆದ ವರ್ಷದ ಫೋನ್ ನಂತೆಯೇ ಇದೆ, ಯಾರನ್ನು ಮೂರ್ಖರನ್ನಾಗಿಸುವಿರಿ” ಎಂದೆಲ್ಲಾ ಪ್ರತಿಕ್ರಿಯಿಸಿದ್ದಾರೆ. ಮತ್ತೆ ಕೆಲವರು ದುಬಾರಿ ಬೆಲೆಯ ಈ ಐ ಫೋನ್‌ ಖರೀದಿ ಮಾಡಬೇಕಂದ್ರೆ ಯಾವುದಾದರೂ ಅಂಗ ಮಾರಾಟ ಮಾಡಬೇಕು ಎಂದಿದ್ದಾರೆ.