ಮಕ್ಕಳಲ್ಲಿ ಕಾಣಿಸಿಕೊಂಡ ಕೋವಿಡ್ ಸೋಂಕಿಗೆ ಡೆಲ್ಟಾ ರೂಪಾಂತರಿಯೇ ಪ್ರಮುಖ ಕಾರಣ: ಐಸಿಎಂಆರ್‌ ಅಧ್ಯಯನದಲ್ಲಿ ಬಹಿರಂಗ

ಭಾರತದಲ್ಲಿ ಕೋವಿಡ್ ಸೋಂಕಿನ ಎರಡನೇ ಅಲೆಯ ದಾಂಧಲೆ ವೇಳೆ ಮಕ್ಕಳಿಗೆ ಸೋಂಕು ಅಂಟಲು ಡೆಲ್ಟಾ ರೂಪಾಂತರಿಯೇ ಪ್ರಮುಖ ಕಾರಣ ಎಂದು ಭಾರತೀಯ ವೈದ್ಯಕೀಯ ಸಂಶೋಧನಾ ಸಮಿತಿ (ಐಸಿಎಂಆರ್‌) ಅಧ್ಯಯನವೊಂದು ತಿಳಿಸಿದೆ.

ಕೊರೋನಾ ಸೋಂಕಿತರಾದ 583 ಮಕ್ಕಳ ಸ್ಯಾಂಪಲ್‌ಗಳನ್ನು ಮಾರ್ಚ್-ಜೂನ್ 2021ರ ನಡುವೆ ಜೀನೋಂ ಸೀಕ್ವೆನ್ಸಿಂಗ್ ಅಧ್ಯಯನಕ್ಕೆ ಒಳಪಡಿಸಲಾಗಿದ್ದು 0-18 ವರ್ಷ ವಯೋಮಾನದ ಮಕ್ಕಳಲ್ಲಿ ಸೋಂಕಿಗೆ ಕಾರಣವಾದ ವೈರಸ್‌ಗಳಲ್ಲಿ ಸಾಮಾನ್ಯವಾಗಿ ಕಂಡು ಬಂದಿರುವ ಮಾದರಿಗಳನ್ನು ಕಂಡುಕೊಳ್ಳಲಾಗಿದೆ.

ಕೊರೊನಾ ಸಾವುಗಳ ಕುರಿತು ಶಾಕಿಂಗ್ ಸಂಗತಿ ಬಹಿರಂಗ; ಲಸಿಕೆ ಪಡೆಯದವರೇ ಮಹಾಮಾರಿಗೆ ಅತಿಹೆಚ್ಚು ಟಾರ್ಗೆಟ್

“512 ಸೀಕ್ವೆನ್ಸ್‌ಗಳ ಪೈಕಿ, 372 ಕಾಳಜಿ ತೋರಬೇಕಾದ ಮಾದರಿಗಳಾಗಿದ್ದು, 51 ಆಸಕ್ತಿ ಮೂಡಿಸಿದ ಮಾದರಿಗಳಾಗಿವೆ. ಇವುಗಳಲ್ಲಿ ಅತ್ಯಂತ ಸಾಮಾನ್ಯವಾಗಿ ಕಂಡು ಬಂದ ಮಾದರಿಗಳು ಡೆಲ್ಟಾ ಆಗಿದ್ದು, ಕಪ್ಪಾ, ಆಲ್ಫಾ ಮತ್ತು ಬಿ.1.36ಗಳಲ್ಲಿ ಕ್ರಮವಾಗಿ 65.82%, 9.96%, 6.83% ಮತ್ತು 4.68% ಸಂದರ್ಭಗಳಲ್ಲಿ ಕಂಡು ಬಂದಿವೆ,” ಎಂದು ಐಸಿಎಂಆರ್‌ ಅಧ್ಯಯನ ತಿಳಿಸಿದೆ.