ಪತಿ ಉಡುಪಿನ ಬಗ್ಗೆ ಕಾಲೆಳೆದ ದೀಪಿಕಾ ಪಡುಕೋಣೆ…!

ಬಾಲಿವುಡ್​ನ ಪ್ರಸಿದ್ಧ ತಾರಾ ದಂಪತಿ ರಣವೀರ್​ ಸಿಂಗ್​ ಹಾಗೂ ದೀಪಿಕಾ ಪಡುಕೋಣೆ ಇನ್ನೇನು ಶೀಘ್ರದಲ್ಲಿಯೇ ಬೆಳ್ಳಿ ತೆರೆಯಲ್ಲಿ ಒಟ್ಟಾಗಿ ಕಾಣಿಸಿಕೊಳ್ಳಲಿದ್ದಾರೆ. ಟೀಂ ಇಂಡಿಯಾ ಮಾಜಿ ನಾಯಕ ಕಪಿಲ್​ ದೇವ್​ ಜೀವನ ಚರಿತ್ರೆ ಆಧಾರಿತ ಸಿನಿಮಾ ʼ83ʼ ಬಿಡುಗಡೆಗೆ ಸಜ್ಜಾಗಿದ್ದು, ಈ ಸಿನಿಮಾದ ಪ್ರಮೋಷನ್​​ನಲ್ಲಿ ತಾರಾ ದಂಪತಿ ಬ್ಯುಸಿ ಆಗಿದ್ದಾರೆ.

ಪ್ರಸ್ತುತ 83 ಸಿನಿಮಾದ ಪ್ರಮೋಷನ್​ಗಾಗಿ ದೀಪ್​ವೀರ್​ ದಂಪತಿ ದುಬೈನಲ್ಲಿದ್ದಾರೆ. ರಣವೀರ್ ಸಿಂಗ್​ ಸದಾ ತಮ್ಮ ವಿಚಿತ್ರ ಧಿರಿಸುಗಳ ಮೂಲಕವೇ ಗಮನ ಸೆಳೆಯುತ್ತಾರೆ. ಅದೇ ರೀತಿ  ಸಿನಿಮಾದ ನಿರ್ದೇಶಕ ಕಬೀರ್​ ಖಾನ್​ ಜೊತೆಯಲ್ಲಿ ಸಂದರ್ಶನಕ್ಕೆ ಆಗಮಿಸಿದ ವೇಳೆಯಲ್ಲಿಯೂ ನಟ ರಣವೀರ್​ ಬಂಗಾರ ಹಾಗೂ ಹಳದಿ ಬಣ್ಣದ ಧಿರಿಸನ್ನು ಧರಿಸಿದ್ದರು.

ಸಂದರ್ಶನದಲ್ಲಿ ಇಡಲಾಗಿದ್ದ ಮೈಕುಗಳಲ್ಲಿ ಬಂಗಾರ ಬಣ್ಣದ ಮೈಕ್​ನ್ನು ಕಂಡ ನಟಿ ದೀಪಿಕಾ ಪಡುಕೋಣೆ ಪತಿಯನ್ನು ತೋರಿಸಿ ಇದು ನಿಮ್ಮ ಉಡುಪಿಗೆ ಹೊಂದಿಕೆಯಾಗುವಂತಿದೆ ಎಂದು ಹೇಳುವ ಮೂಲಕ ಪತಿಯ ಕಾಲೆಳೆದಿದ್ದಾರೆ. ಈ ವಿಡಿಯೋ ಸೋಶಿಯಲ್ ಮೀಡಿಯಾಗಳಲ್ಲಿ ವೈರಲ್​ ಆಗಿದೆ.

ಬಹುನಿರೀಕ್ಷಿತ 83 ಸಿನಿಮಾ ಇದೇ ತಿಂಗಳ 24ನೇ ತಾರೀಖಿನಂದು ತೆರೆ ಕಾಣುತ್ತಿದೆ. ಈ ಸಿನಿಮಾದ ಹಿಂದಿ, ಕನ್ನಡ,  ತಮಿಳು, ತೆಲಗು ಹಾಗೂ ಮಲಯಾಳಂ ಭಾಷೆಗಳ ಮೂಲಕ ಬೆಳ್ಳಿ ತೆರೆಗೆ ಎಂಟ್ರಿ ಕೊಡಲಿದೆ.

https://youtu.be/T1eGCWaDo2s