ಯಾರೂ ಇಲ್ಲದ ವೇಳೆ ನುಗ್ಗಿದ ಪಕ್ಕದ ಮನೆಯಾತನಿಂದ ಪೈಶಾಚಿಕ ಕೃತ್ಯ..!

26 ವರ್ಷದ ಕಿವುಡ ಹಾಗೂ ಮೂಗ ಮಹಿಳೆ ಮೇಲೆ ನೆರೆ ಮನೆಯಾತನೇ ಅತ್ಯಾಚಾರ ಮಾಡಿ ಹತ್ಯೆ ನಡೆಸಿದ ದಾರುಣ ಘಟನೆ ಮಹಾರಾಷ್ಟ್ರದ ನಾಂದೇಡ್​ ಜಿಲ್ಲೆಯಲ್ಲಿ ನಡೆದಿದೆ.

ಈ ಸಂಬಂಧ 24 ವರ್ಷದ ಸೈನಾಥ್​ ಬಿನ್ಮೋಡ್​ ಎಂಬಾತನನ್ನ ಬಿಲೋಲಿ ಠಾಣೆ ಪೊಲೀಸರು ಬಂಧಿಸಿದ್ದಾರೆ.
ಕೊಲೆಗೀಡಾದ ಸಂತ್ರಸ್ತೆ ನಾಂದೇಡ್​ನ ಬಿಲೋಲಿ ಟೆಶಿಲ್​ ನಿವಾಸಿಯಾಗಿದ್ದಳು. ಯಾರೂ ಇಲ್ಲದ ವೇಳೆ ಆಕೆಯನ್ನ ಹೊತ್ತೊಯ್ದ ಬಿನ್ಮೋಡ್​ ಅತ್ಯಾಚಾರವೆಸಗಿ ಬಳಿಕ ಆಕೆಯ ತಲೆಗೆ ಕಲ್ಲಿನಿಂದ ಜಜ್ಜಿ ಕೊಲೆಗೈದಿದ್ದಾನೆ ಎಂದು ಪೊಲೀಸ್​ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ .

ಸಂತ್ರಸ್ತೆಯ ಮನೆಯಿಂದ ಕೇವಲ 100 ಮೀಟರ್​ ದೂರದಲ್ಲಿ ಈ ಕೃತ್ಯ ನಡೆದಿದೆ ಎಂದು ಪೊಲೀಸ್​ ಅಧಿಕಾರಿ ತಿಳಿಸಿದ್ದಾರೆ.