ಪಾಪ್ ಸಿಂಗರ್‌ ಮೈಕಲ್ ಜಾಕ್ಸನ್.. ಇಹಲೋಕ ತ್ಯಜಿಸಿ ಅನೇಕ ವರ್ಷಗಳೇ ಕಳೆದು ಹೋಗಿದೆ. ಆದರೂ ಅವರ ಹಾಡು-ಡಾನ್ಸ್ ಹಾಗೂ ಮೂನ್ ವಾಕ್‌ ಮೂವ್‌ಗಳ ಮೂಲಕವೇ ಇನ್ನೂ ಅಭಿಮಾನಿಗಳ ಹೃದಯದಲ್ಲಿ ಸ್ಥಿರಸ್ಥಾಯಿಯಾಗಿ ಉಳಿದಿದ್ದಾರೆ.
ಇವತ್ತಿಗೂ ಮೈಕಲ್ ಜಾಕ್ಸನ್ ಹಾಡು ಎಲ್ಲಾದರೂ ಕೇಳಿಸಿದ್ರೆ ಸಾಕು, ಅಭಿಮಾನಿಗಳು ನಿಂತಲ್ಲೇ ಹೆಜ್ಜೆ ಹಾಕಿ ಅವರನ್ನ ನೆನಪಿಸಿಕೊಳ್ಳುತ್ತಾರೆ. ಈಗ ಮತ್ತೆ ಅವರನ್ನ ನೆನಪು ಮರುಕಳಿಸುವಂತೆ ಮಾಡಿದೆ, ಸೋಶಿಯಲ್ ಮೀಡಿಯಾದಲ್ಲಿ ಸೆನ್ಸೆಶನ್‌ ಹುಟ್ಟು ಹಾಕಿರೋ ಶಿಕ್ಷಕಿ ಹಾಗೂ ವಿದ್ಯಾರ್ಥಿಗಳ ನೃತ್ಯದ ಈ ವಿಡಿಯೋ ಫಿಗನ್ ಅನ್ನೊ ಟ್ವಿಟ್ಟರ್ ಅಕೌಂಟ್‌ನಲ್ಲಿ ಈ ವಿಡಿಯೋವನ್ನ ಪೋಸ್ಟ್ ಮಾಡಲಾಗಿದೆ.
ಇಲ್ಲಿ ಶಾಲೆಯ ಕಾರಿಡಾರ್‌ನಲ್ಲಿ ವಿದ್ಯಾರ್ಥಿಗಳ ಗುಂಪಿನ ಮಧ್ಯದಲ್ಲಿ ಶಿಕ್ಷಕಿಯೊಬ್ಬಳು ಮೈಕಲ್ ಜಾಕ್ಸನ್ ಹಾಡಿಗೆ ಬಿಂದಾಸ್ ಡಾನ್ಸ್ ಮಾಡುತ್ತ ಮುಂದೆ ಬರುತ್ತಾಳೆ. ಕೆಲ ವಿದ್ಯಾರ್ಥಿಗಳು ಆಕೆಯಂತೆಯೇ ತಾಳಕ್ಕೆ ತಕ್ಕಂತೆ ಹೆಜ್ಜೆ ಹಾಕುತ್ತ ಆಕೆಯನ್ನ ಹಿಂಬಾಲಿಸುತ್ತಾರೆ. ಅದೇ ಕಾರಿಡಾರ್‌ನಲ್ಲಿ ನಿಂತಿದ್ದ ವಿದ್ಯಾರ್ಥಿಗಳೆಲ್ಲ ಇವರ ಡಾನ್ಸ್ ನೋಡಿ ಎಂಜಾಯ್ ಮಾಡುತ್ತಿದ್ದಾರೆ. ಇನ್ನೂ ಕೆಲವರು ತಮ್ಮ ತಮ್ಮ ಮೊಬೈಲ್‌ನಲ್ಲಿ ಈ ಡಾನ್ಸ್ ವಿಡಿಯೋ ರೆಕಾರ್ಡ್ ಮಾಡಿಕೊಳ್ಳುತ್ತಾರೆ.
ಇಲ್ಲಿ ಕೇಳಿ ಬರುತ್ತಿರುವ ಹಾಡು ಮೈಕಲ್ ಜಾಕ್ಸನ್ ಅವರ 1982ನಲ್ಲಿ ಸೂಪರ್ ಹಿಟ್ ಆಗಿರುವ ಹಾಡು. ಈ ಹಾಡಿನಲ್ಲಿ ಮೈಕಲ್ ಹಾಕಿದ್ದ ಸ್ಟೆಪ್ ನೋಡಿ ಅಭಿಮಾನಿಗಳು ಥ್ರಿಲ್ ಆಗೋಗಿದ್ದರು. ಈಗ ಈ ಡಾನ್ಸ್ ಟೀಚರ್ ಮತ್ತೆ ಡಾನ್ಸ್ ಮಾಡಿ ಎಲ್ಲರಿಗೂ ಮತ್ತೆ ಮೈಕಲ್ ಜಾಕ್ಸನ್ ನೆನಪಾಗುವಂತೆ ಮಾಡಿದ್ದಾರೆ. ನೆಟ್ಟಿಗರಂತೂ ಈ ವಿಡಿಯೋ ನೋಡಿ, ಜಾಕ್ಸನ್ ನೆನಪು ಮಾಡಿಕೊಳೊದಲ್ಲದೇ, ಶಿಕ್ಷಕಿ ಧೈರ್ಯ ವಿದ್ಯಾರ್ಥಿಗಳಿಗೆ ಉತ್ಸಾಹ ನೋಡಿ ಅದ್ಭುತ ಎಂದು ಹಾಡಿಹೊಗಳಿದ್ದಾರೆ.
Loading ...