ಮನವನ್ನು ಮುದಗೊಳಿಸುತ್ತೆ ಪುಟ್ಟ ಪೋರಿಯ ಮುದ್ದಾದ ವಿಡಿಯೋ

ಪೋಷಕರ ಗಮನ ಬೇರೆಡೆಗೆ ಇದ್ದಾಗ ಫ್ರಿಡ್ಜ್​ನಿಂದಲೂ, ಅಡುಗೆ ಕೋಣೆಯಿಂದಲೋ ತಿಂಡಿಗಳನ್ನು ಕದ್ದು ತಿನ್ನುವ ಅಭ್ಯಾಸ ಬಹುತೇಕ ಮಕ್ಕಳಲ್ಲಿ ಇರುತ್ತೆ.

ಪೋಷಕರ ಕಣ್ತಪ್ಪಿಸಿ ಕುರುಕಲು ತಿಂಡಿಗಳನ್ನು ತಿನ್ನೋದೇ ಮಕ್ಕಳಿಗೆ ಪರಮಾನಂದ. ಈ ರೀತಿ ಮಾಡುವಾಗ ಸಿಕ್ಕಿ ಬಿದ್ರು ಅಂದರೆ ಮುಗೀತು. ತಂದೆ ತಾಯಿಯಿಂದ ಇಡೀ ದಿನ ಬೈಗುಳ ಕೇಳೋದಂತೂ ತಪ್ಪಿದ್ದಲ್ಲ. ಇದೇ ರೀತಿಯ ವಿಡಿಯೋವೊಂದು ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗಿದೆ.

ಈ ವಿಡಿಯೋದಲ್ಲಿ ಅಡುಗೆ ಕೋಣೆಯಿಂದ ಪುಟ್ಟ ಬಾಲಕಿ ಕುರುಕಲು ತಿಂಡಿಯನ್ನು ಕದ್ದು ತರುತ್ತಿದ್ದಾಳೆ. ಇದನ್ನು ತಂದೆ ವಿಡಿಯೋ ಮಾಡಿದ್ದಾರೆ. ತಂದೆ ಕೈಲಿ ತಾನು ಸಿಕ್ಕಿಬಿದ್ದೆ ಅನ್ನೋದು ತಿಳಿದ ತಕ್ಷಣ ಬಾಲಕಿ ತೋರಿದ ಮುಖಭಾವ ಕಂಡು ನೆಟ್ಟಿಗರು ಫುಲ್​ ಫಿದಾ ಆಗಿದ್ದಾರೆ.

ಈ ವಿಡಿಯೋವನ್ನು ಮೊದಲ ಟಿಕ್​ಟಾಕ್​ನಲ್ಲಿ ಶೇರ್​ ಮಾಡಲಾಗಿದ್ದು ಇದೀಗ ಸೋಶಿಯಲ್​ ಮೀಡಿಯಾದ ಬಹುತೇಕ ವೇದಿಕೆಗಳಲ್ಲಿ ವೈರಲ್​ ಆಗಿದೆ.