ಪುಟ್ಟ ಮಕ್ಕಳು ಏನು ಮಾಡಿದರೂ ಚಂದನೇ. ಅದರಲ್ಲಿಯೂ ಮಕ್ಕಳು ನೃತ್ಯ ಮಾಡಿದರೆ ಅದರ ಸೊಗಸೇ ಬೇರೆ. ಅದೇ ರೀತಿಯ ವಿಡಿಯೋ ಒಂದು ಇದೀಗ ವೈರಲ್ ಆಗಿದೆ. ಆದರೆ ಈ ವಿಡಿಯೋ ನೋಡಿ ಜನರು ಭಾವುಕರಾಗಿದ್ದಾರೆ. ಇದಕ್ಕೆ ಕಾರಣ ಪುಟ್ಟ ಮಗು ನೃತ್ಯ ಮಾಡಿದೆ ಎಂದಲ್ಲ. ಆದರೆ ಕ್ಯಾನ್ಸರ್ ಪೀಡಿತವಾಗಿರುವ ಈ ಮಗುವಿನ ಭವಿಷ್ಯ ನೆನಪಿಸಿಕೊಂಡು ಜನರು ಗದ್ಗದಿತರಾಗುತ್ತಿದ್ದಾರೆ.
ಪುಟ್ಟ ಪುಟಾಣಿಯೊಬ್ಬನ ವಿಡಿಯೋ ಇದಾಗಿದೆ. ಆಸ್ಪತ್ರೆಯೊಂದರ ಕ್ಯಾನ್ಸರ್ ವಿಭಾಗದಲ್ಲಿ ಈತ ಚಿಕಿತ್ಸೆ ಪಡೆಯುತ್ತಿದ್ದಾನೆ. ಅಲ್ಲಿರುವ ನರ್ಸ್ ಒಬ್ಬಳ ಕೈ ಎಳೆದುಕೊಂಡು ತನ್ನ ಜತೆ ನರ್ತಿಸುವಂತೆ ಆತ ಒತ್ತಾಯಿಸುತ್ತಿರುವ ಕ್ಯೂಟ್ ವಿಡಿಯೋ ಇದಾಗಿದೆ.
ಇನ್‌ಸ್ಟಾಗ್ರಾಮ್‌ನಲ್ಲಿ ಗುಡ್ ನ್ಯೂಸ್ ಇದನ್ನು ಶೇರ್ ಮಾಡಿಕೊಂಡಿದೆ. ಅಂಬೆಗಾಲಿಡುವ ಮಗುವಿನ ಮುದ್ದಾಟ ನೋಡಿ ಎಂದು ಶೀರ್ಷಿಕೆ ನೀಡಲಾಗಿದೆ. ಈ ವಿಡಿಯೋದಲ್ಲಿ ಮೊದಲ ಕೆಲವು ಸೆಕೆಂಡುಗಳು ಪುಟಾಣಿ ಅಲ್ಲಿರುವ ಆರೋಗ್ಯ ಕಾರ್ಯಕರ್ತೆಯನ್ನು ಎದ್ದೇಳಲು ಹೇಳುತ್ತಾನೆ. ನಂತರ ನೃತ್ಯ ಮಾಡಲು ಒತ್ತಾಯಿಸುವುದನ್ನು ಇದರಲ್ಲಿ ನೋಡಬಹುದು. ಮೊದಲಿಗೆ ಕಾಲನ್ನುತೋರಿಸಿ ಸ್ಟೆಪ್ ಹಾಕುವಂತೆ ಹೇಳುವ ಪುಟಾಣಿ ನಂತರ ತನ್ನೊಟ್ಟಿಗೆ ಆಕೆಯನ್ನು ಕರೆದುಕೊಂಡು ಹೋಗುತ್ತಾನೆ.
ಮಹಿಳೆ ತಕ್ಷಣ ಒಪ್ಪಿಕೊಂಡು ಅವನ ಹಿಂದೆ ಕೋಣೆಯ ಇನ್ನೊಂದು ತುದಿಗೆ ನಡೆದಳು. ಮಾತನಾಡಲು ಬರದ ಈ ಪುಟಾಣಿ ಸನ್ನೆಯ ಮೂಲಕವೇ ಹೀಗೆಲ್ಲಾ ಮಾಡಿರುವುದು ನೆಟ್ಟಿಗರನ್ನು ಭಾವುಕರನ್ನಾಗಿಸುತ್ತದೆ.
Loading ...