‘ಮಾಸ್ಕ್’​ ಹಾಕದ ಗ್ರಾಹಕನ ಮೇಲೆ ಸೆಕ್ಯೂರಿಟಿ ಗಾರ್ಡ್ ಫೈರಿಂಗ್

ಪಾಸ್​​ಬುಕ್​ ಪಡೆಯುವ ಸಲುವಾಗಿ ಬ್ಯಾಂಕ್​ಗೆ ತೆರಳಿದ್ದ 40 ವರ್ಷದ ರೈಲ್ವೆ ನೌಕರ ಮಾಸ್ಕ್​ ಧರಿಸಿಲ್ಲ ಎಂಬ ಕಾರಣಕ್ಕೆ ಬ್ಯಾಂಕ್​ ಸೆಕ್ಯೂರಿಟಿ ಗಾರ್ಡ್​ ಕಾಲಿಗೆ ಫೈರಿಂಗ್​ ಮಾಡಿದ್ದಾನೆ. ಬರೇಲಿಯ ಸಿವಿಲ್​ ಲೈನ್ಸ್​ ಪ್ರದೇಶದಲ್ಲಿ ಶುಕ್ರವಾರ ಈ ಘಟನೆ ಸಂಭವಿಸಿದ್ದು ವಿಡಿಯೋ ವೈರಲ್​ ಆಗಿದೆ.

ಭಾರತೀಯ ರೈಲ್ವೆ ಇಲಾಖೆಯ ಟೆಲಿಕಾಂ ವಿಭಾಗದಲ್ಲಿ ಸೇವೆ ಸಲ್ಲಿಸುತ್ತಿರುವ 40 ವರ್ಷದ ಆಸುಪಾಸಿನ ರಾಜೇಶ್​ ರಾಥೋರ್​ರನ್ನ ಖಾಸಗಿ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ. ಬರೇಲಿ ಪೊಲೀಸ್​ ಅಧಿಕಾರಿ ರಮಿತ್​ ಶರ್ಮಾ ಹಾಗೂ ಹಿರಿಯ ಪೊಲೀಸ್​ ಅಧಿಕಾರಿಗಳು ಸ್ಥಳಕ್ಕೆ ಧಾವಿಸಿದ್ದು ತನಿಖೆ ಮುಂದುವರಿಸಿದ್ದಾರೆ.

ಪ್ರೀತಿಸಿ ಮದುವೆಯಾದ ಜೋಡಿ ಬಾಳಿಗೆ ಕೊಳ್ಳಿಯಿಟ್ಟ ಪೋಷಕರು

ಇನ್ನು ಈ ವಿಚಾರವಾಗಿ ಮಾತನಾಡಿದ ರಾಜೇಶ್​ ಪತ್ನಿ ಪ್ರಿಯಾಂಕಾ, ನನ್ನ ಪತಿ ಬರೋಡಾ ಶಾಖೆಯ ಬ್ಯಾಂಕ್​ಗೆ ಭೇಟಿ ನೀಡಿದ್ದರು. ಮಾಸ್ಕ್​ ಹಾಕದ ಕಾರಣಕ್ಕೆ ಅವರಿಗೆ ಬ್ಯಾಂಕ್​ ಒಳಗೆ ಪ್ರವೇಶಿಸಲು ಅನುಮತಿ ನಿರಾಕರಿಸಲಾಗಿತ್ತು. ಇದಾಗಿ ಕೆಲ ನಿಮಿಷದ ಬಳಿಕ ನನ್ನ ಪತಿ ಮಾಸ್ಕ್​ ಧರಿಸಿ ಸ್ಥಳಕ್ಕೆ ಬಂದಿದ್ದರು. ಆದರೆ ಊಟದ ಸಮಯ ಎಂದು ಹೇಳಿ ಮತ್ತೆ ಬ್ಯಾಂಕ್​ ಒಳಗೆ ಪ್ರವೇಶ ನೀಡಲಿಲ್ಲ. ಅದಿನ್ನೂ ಬೆಳಗ್ಗೆ 11:30ರ ಸಮಯ. ನನ್ನ ಪತಿಯನ್ನ ದೂಡಿದ ಸೆಕ್ಯೂರಿಟಿ ಗಾರ್ಡ್​ ಅವರ ಕಾಲಿಗೆ ಫೈರಿಂಗ್​ ಮಾಡಿದ್ದಾರೆ. ನನ್ನ ಪತಿಗೆ ಯಾರೂ ಸಹಾಯ ಮಾಡಲಿಲ್ಲ. ನಾನು ಬ್ಯಾಂಕ್​ಗೆ ಬರುವ ವೇಳೆಗೆ ನನ್ನ ಪತಿ ನೆಲಕ್ಕೆ ಉರುಳಿ ಒದ್ದಾಡುತ್ತಿದ್ದರು. ನಾನು ಆಟೋದಲ್ಲಿ ಪತಿಯನ್ನ ಆಸ್ಪತ್ರೆಗೆ ಕರೆದುಕೊಂಡು ಹೋದೆ ಎಂದು ಹೇಳಿದ್ದಾರೆ.

ಲಸಿಕೆ ಪಡೆದವರಿಗೆ ಗುಡ್‌ ನ್ಯೂಸ್:‌ ಕೊರೊನಾದ ಎಲ್ಲಾ ರೂಪಾಂತರಿಗಳ ವಿರುದ್ಧ ಕೋವಿಶೀಲ್ಡ್ – ಕೊವ್ಯಾಕ್ಸಿನ್​ ಪರಿಣಾಮಕಾರಿ

ಇನ್ನು ಈ ಬಗ್ಗೆ ಹೇಳಿಕೆ ನೀಡಿರುವ ಬ್ಯಾಂಕ್​ ಆಡಳಿತ ಮಂಡಳಿ, ಈ ಘಟನೆಯ ಬಗ್ಗೆ ನಾವು ವಿಷಾದ ವ್ಯಕ್ತಪಡಿಸುತ್ತಿದ್ದೇವೆ. ಸೆಕ್ಯೂರಿಟಿ ಗಾರ್ಡ್ ಹಾಗೂ ರಾಜೇಶ್​ ನಡುವಿನ ವಾಗ್ವಾದದಿಂದಾಗಿ ಈ ರೀತಿ ಆಗಿದೆ. ರಾಜೇಶ್​ ಅಪಾಯದಿಂದ ಪಾರಾಗಿದ್ದಾರೆ ಎಂದು ಹೇಳಿದೆ.