ಗಮನಿಸಿ: ಏ.1 ರಿಂದ ʼಕ್ರೆಡಿಟ್ ಕಾರ್ಡ್ʼ ನಿಯಮಗಳಲ್ಲಿ ಬದಲಾವಣೆ

ಏಪ್ರಿಲ್ 1 ರಿಂದ ಕ್ರೆಡಿಟ್ ಕಾರ್ಡ್ ನಿಯಮಗಳಲ್ಲಿ ಮಹತ್ವದ ಬದಲಾವಣೆಗಳು ಜಾರಿಗೆ ಬರಲಿವೆ. ಎಸ್‌ಬಿಐ, ಆಕ್ಸಿಸ್, ಐಡಿಎಫ್‌ಸಿ ಬ್ಯಾಂಕ್‌ಗಳು ತಮ್ಮ ಕ್ರೆಡಿಟ್ ಕಾರ್ಡ್‌ಗಳ ನಿಯಮಗಳನ್ನು ಬದಲಾಯಿಸಿದ್ದು, ಇದು ಗ್ರಾಹಕರ ಮೇಲೆ ಪರಿಣಾಮ ಬೀರಲಿದೆ.

• ಎಸ್‌ಬಿಐ ಏರ್ ಇಂಡಿಯಾ ಕ್ರೆಡಿಟ್ ಕಾರ್ಡ್: ಏರ್ ಇಂಡಿಯಾ ಟಿಕೆಟ್ ಬುಕಿಂಗ್‌ಗಳ ಮೇಲೆ ನೀಡಲಾಗುತ್ತಿದ್ದ ರಿವಾರ್ಡ್ ಪಾಯಿಂಟ್‌ಗಳನ್ನು ಎಸ್‌ಬಿಐ ಬ್ಯಾಂಕ್ ಗಣನೀಯವಾಗಿ ಕಡಿಮೆ ಮಾಡಿದೆ.
• ಐಡಿಎಫ್‌ಸಿ ಫಸ್ಟ್ ಬ್ಯಾಂಕ್: 2025 ರ ಮಾರ್ಚ್ 31 ರ ನಂತರ ಕಾರ್ಡ್ ನವೀಕರಿಸುವವರಿಗೆ ವಾರ್ಷಿಕ ಶುಲ್ಕವನ್ನು ಮನ್ನಾ ಮಾಡಲಾಗುವುದು. ಆದರೆ, ವಿಸ್ಟಾರಾ ಪ್ರಯಾಣಕ್ಕೆ ಸಂಬಂಧಿಸಿದಂತೆ ನೀಡಲಾಗುತ್ತಿದ್ದ ಕೆಲವು ಪ್ರಮುಖ ಪ್ರಯೋಜನಗಳನ್ನು ರದ್ದುಗೊಳಿಸಲಾಗಿದೆ.
• ಸಿಂಪ್ಲಿಕ್ಲಿಕ್ ಎಸ್‌ಬಿಐ ಕಾರ್ಡ್: ಸ್ವಿಗ್ಗಿ ವಹಿವಾಟುಗಳ ಮೇಲೆ ನೀಡಲಾಗುತ್ತಿದ್ದ ರಿವಾರ್ಡ್ ಪಾಯಿಂಟ್‌ಗಳು 10X ನಿಂದ 5X ಗೆ ಇಳಿಕೆಯಾಗಿದೆ. ಆದರೆ, ಮಿಂತ್ರಾ, ಬುಕ್ ಮೈ ಶೋ ಮತ್ತು ಅಪೋಲೋ 24 ನಂತಹ ಪಾಲುದಾರ ಬ್ರ್ಯಾಂಡ್‌ಗಳಿಗೆ 10X ರಿವಾರ್ಡ್ ಪ್ರಯೋಜನಗಳು ಮುಂದುವರೆಯಲಿವೆ.
• ಆಕ್ಸಿಸ್ ಬ್ಯಾಂಕ್ ವಿಸ್ಟಾರಾ ಕ್ರೆಡಿಟ್ ಕಾರ್ಡ್: ವಿಸ್ಟಾರಾ ಏರ್ ಇಂಡಿಯಾ ಜೊತೆ ವಿಲೀನವಾದ ನಂತರ, ಆಕ್ಸಿಸ್ ಬ್ಯಾಂಕ್ ವಿಸ್ಟಾರಾ ಕ್ರೆಡಿಟ್ ಕಾರ್ಡ್‌ನ ಪ್ರಯೋಜನಗಳನ್ನು ಪರಿಷ್ಕರಿಸಲಿದೆ. 2025 ರ ಏಪ್ರಿಲ್ 18 ರಂದು ಅಥವಾ ನಂತರ ಕಾರ್ಡ್ ನವೀಕರಿಸುವವರಿಗೆ ವಾರ್ಷಿಕ ಶುಲ್ಕವನ್ನು ಮನ್ನಾ ಮಾಡಲಾಗುವುದು. ಆದರೆ, ಕೆಲವು ಪ್ರಮುಖ ಸೌಲಭ್ಯಗಳನ್ನು ತೆಗೆದುಹಾಕಲಾಗುವುದು.

ಈ ಬದಲಾವಣೆಗಳು ಕ್ರೆಡಿಟ್ ಕಾರ್ಡ್ ಬಳಕೆದಾರರ ಮೇಲೆ ಪರಿಣಾಮ ಬೀರಲಿದ್ದು, ಗ್ರಾಹಕರು ತಮ್ಮ ಕ್ರೆಡಿಟ್ ಕಾರ್ಡ್‌ಗಳ ನಿಯಮಗಳನ್ನು ತಿಳಿದುಕೊಳ್ಳುವುದು ಅವಶ್ಯಕವಾಗಿದೆ.