ಮನುಷ್ಯನ ಮಲದಲ್ಲಿ ಬರೋಬ್ಬರಿ 1000 ವರ್ಷ ಹಿಂದಿನ ಕೋಳಿ ಮೊಟ್ಟೆ ಪತ್ತೆ…!

ಮನುಷ್ಯನ ಮಲದಲ್ಲಿ ರಕ್ಷಿಸಲಾಗಿದ್ದ ಬರೋಬ್ಬರಿ 1000 ವರ್ಷದ ಹಿಂದಿನ ಕೋಳಿ ಮೊಟ್ಟೆಯನ್ನ ಪತ್ತೆ ಮಾಡುವಲ್ಲಿ ಇಸ್ರೇಲ್​ ಪುರಾತತ್ವ ಶಾಸ್ತ್ರಜ್ಞರು ಯಶಸ್ವಿಯಾಗಿದ್ದಾರೆ.

ಯಾವ್ನೆಯಲ್ಲಿ ಇಸ್ರೆಲ್​ ಆಂಟಿಕ್ವಿಟೀಸ್​ ಅಥಾರಿಟಿ (ಐಎಎ) ನಡೆಸಿದ ಉತ್ಖನನದ ಸಂದರ್ಭದಲ್ಲಿ ಈ ಅಪರೂಪದ ಪುರಾತನ ಮೊಟ್ಟೆಯು ಸುರಕ್ಷಿತ ಸ್ಥಿತಿಯಲ್ಲಿ ಲಭ್ಯವಾಗಿದೆ ಎಂದು ಟೈಮ್ಸ್ ಆಫ್​ ಇಸ್ರೇಲ್​ ವರದಿ ಮಾಡಿದೆ.

ಉತ್ಖನನ ಕಾರ್ಯದ ವೇಳೆ ಪುರಾತತ್ವ ಶಾಸ್ತ್ರಜ್ಞರು ಮೊದಲ ಗುಂಡಿಯೊಂದನ್ನ ಪತ್ತೆ ಮಾಡಿದರು. ಇದರಲ್ಲಿ ಅವರು ಸುಮಾರು 1000 ವರ್ಷದ ಹಿಂದಿನ ಕೋಳಿ ಮೊಟ್ಟೆಯನ್ನ ಪತ್ತೆ ಮಾಡಿದ್ದರು. ಈ ಕೊಳಿ ಮೊಟ್ಟೆಯು ಮನುಷ್ಯನ ಮಲದ ಒಳಗೆ ಇದ್ದಿದ್ದರಿಂದ ಎಲ್ಲಿಯೂ ಒಡೆದುಹೋಗಿಲ್ಲ ಎಂದು ಪುರಾತತ್ವ ಶಾಸ್ತ್ರಜ್ಞರು ಹೇಳಿದ್ದಾರೆ.

ಆಸ್ಟ್ರಿಚ್​​ಗಳ ಮೊಟ್ಟೆಯ ಕ್ಯಾಲ್ಶಿಯಂ ಪದರವು ದಪ್ಪಗೆ ಇರೋದ್ರಿಂದ ಸಾಮಾನ್ಯವಾಗಿ ಬಹಳ ವರ್ಷ ಹಿಂದಿನ ಆಸ್ಟ್ರಿಚ್​ ಹಕ್ಕಿಯ ಮೊಟ್ಟೆಗಳು ಒಮ್ಮೊಮ್ಮೆ ಸಿಕ್ಕಿ ಬಿಡುತ್ತವೆ. ಆದರೆ ಕೋಳಿ ಮೊಟ್ಟೆಗಳು ಈ ರೀತಿ ಸಿಗೋದು ಅಪರೂಪದಲ್ಲೇ ಅಪರೂಪವಾಗಿದೆ. ಈ ಮೊಟ್ಟೆಯಲ್ಲಿ ಅಲ್ಲಲ್ಲಿ ಸಣ್ಣ ಬಿರುಕಿದ್ದು ಬಿಳಿ ಬಣ್ಣದ ದ್ರಾವಣ ಸೋರಿಕೆಯಾಗಿದ್ದಿರಬಹುದು. ಆದರೆ ಆಶ್ಚರ್ಯಕರ ವಿಚಾರ ಅಂದ್ರೆ 1000 ವರ್ಷದ ಹಿಂದಿನ ಈ ಮೊಟ್ಟೆಯ ಒಳಭಾಗದಲ್ಲಿ ಹಳದಿ ಬಣ್ಣದ ದ್ರಾವಣ ಹಾಗೆಯೇ ಇದೆ ಎಂದು ಪುರಾತತ್ವ ಶಾಸ್ತ್ರಜ್ಞರು ಹೇಳಿದ್ದಾರೆ.

https://www.facebook.com/AntiquitiesEN/photos/pcb.645207543543395/645207083543441/?type=3&theater