ಕೊರೋನಾ ಲಸಿಕೆ ʼಇಂಜೆಕ್ಷನ್ʼ ಗೆ ಹೆದರುವವರಿಗೆ ಗುಡ್ ನ್ಯೂಸ್

ಕೊರೊನಾ ಸೋಂಕು ಕಳೆದ ವರ್ಷದಿಂದಲೂ ಜನರನ್ನು ಹೈರಾಣಾಗಿಸಿದೆ. ಸೋಂಕಿನಿಂದ ಪಾರಾಗಲು ಲಸಿಕೆ ಪರಿಣಾಮಕಾರಿಯಾಗಿದೆ. ಆದರೆ, ಚುಚ್ಚುಮದ್ದು ಹಾಕಿಸಿಕೊಳ್ಳಲು ಹಿಂದೇಟು ಹಾಕುತ್ತಿದ್ದಾರೆ.

ಇಂಜೆಕ್ಷನ್ ಗೆ ಹೆದರುವವರ ಸಂಖ್ಯೆ ಕಡಿಮೆಯೇನಿಲ್ಲ. ಚುಚ್ಚುಮದ್ದು ಪಡೆದ ಕೆಲವರಿಗೆ ಅಲರ್ಜಿ ಸೇರಿ ಅನೇಕ ಸಮಸ್ಯೆ ಉಂಟಾಗಿದೆ. ಈಗ ಇಂಜೆಕ್ಷನ್ ಬದಲು ಮಾತ್ರ ಪಡೆಯಬಹುದು. ಕೊರೋನಾ ಲಸಿಕೆಯನ್ನು ಮಾತ್ರೆ ರೂಪದಲ್ಲಿ ತಯಾರಿಸಲು ಕೆಲವು ಸಂಶೋಧಕರು ಪ್ರಯತ್ನ ನಡೆಸಿದ್ದಾರೆ.

ಅಮೆರಿಕದ ಕ್ಯಾಲಿಫೋರ್ನಿಯಾದಲ್ಲಿ ಲ್ಯಾಬ್ ಹೊಂದಿರುವ ಲಾಸ್ ಎಂಜಲೀಸ್ ನ ಡಾ. ಪ್ಯಾಟ್ರಿಯಾಕ್ ಸೂನ್ ಕೊರೋನಾ ಲಸಿಕೆಯನ್ನು ಗುಳಿಗೆ ರೂಪದಲ್ಲಿ ತರಲು ಪ್ರಯೋಗ ಆರಂಭಿಸಿದ್ದಾರೆ.

ಆದರೆ ಪ್ಯಾಟ್ರಿಯಾಕ್ ಸೂನ್ ಅವರು ತಯಾರಿಸಿದ ಮಾತ್ರೆಯನ್ನು ಸೇವಿಸಿದ ನಂತರವೂ ಇಂಜೆಕ್ಷನ್ ಪಡೆಯಬೇಕಿದೆ. ಆಗ ಮಾತ್ರ ಕೊರೊನಾದಿಂದ ದೂರವಿರಬಹುದು. ಸಂಶೋಧನೆ ಇನ್ನೂ ಮುಂದುವರೆದಿದ್ದು, ಮುಂದಿನ ಹಂತದಲ್ಲಿ ಇಂಜೆಕ್ಷನ್ ಇಲ್ಲದೆ ಗುಳಿಗೆ ಮಾತ್ರ ಸೇವಿಸಿ ಕೊರೋನಾ ದೂರವಿಡುವ ಸಾಧ್ಯತೆ ಇದೆ ಎಂದು ಹೇಳಲಾಗಿದೆ.