ಕೊರೊನಾ 3ನೇ ಅಲೆ ಆತಂಕ: ಹೀಗಿರಲಿ ನಿಮ್ಮ ಮಕ್ಕಳ ಆಹಾರ ಕ್ರಮ

ಇನ್ನೇನು ಕೆಲವೇ ತಿಂಗಳಲ್ಲಿ ಎದುರಾಗಲಿರುವ ಕೊರೊನಾ ಮೂರನೇ ಅಲೆಯಲ್ಲಿ ಮಕ್ಕಳಿಗೆ ಹೆಚ್ಚು ಅಪಾಯ ಕಾದಿದೆ ಅಂತಾ ತಜ್ಞರು ಎಚ್ಚರಿಸುತ್ತಲೇ ಇದ್ದಾರೆ.

ಈಗಾಗಲೇ ಸರ್ಕಾರ ಕೂಡ ಕೊರೊನಾ ಮೂರನೇ ಅಲೆಗೆ ಸಾಕಷ್ಟು ತಯಾರಿಗಳನ್ನ ಮಾಡಿಕೊಳ್ತಿದೆ. ಆದರೆ ಈ ಎಲ್ಲದರ ನಡುವೆ ಮಕ್ಕಳ ಕತೆ ಏನಾಗುತ್ತೋ ಎಂಬ ಆತಂಕ ಪೋಷಕರಲ್ಲಿ ಮನೆ ಮಾಡಿದೆ. ಇದಕ್ಕಾಗಿ ನೀವು ಮೊದಲ ಮಾಡಬೇಕಾದ ಕೆಲಸ ಮಕ್ಕಳಲ್ಲಿ ರೋಗ ನಿರೋಧಕ ಶಕ್ತಿಯನ್ನ ಹೆಚ್ಚು ಮಾಡುವುದು. ಮಕ್ಕಳಲ್ಲಿ ಇಮ್ಯೂನಿಟಿ ಪವರ್​ ಹೆಚ್ಚಿಸುವ ಕೆಲ ಪ್ರಮುಖ ಆಹಾರಗಳ ಪಟ್ಟಿ ಇಲ್ಲಿದೆ ನೋಡಿ :

ಮಕ್ಕಳ ಬೆಳಗ್ಗಿನ ತಿಂಡಿಯಲ್ಲಿ ಹೆಚ್ಚೆಚ್ಚು ಕಾರ್ಬೋಹೈಡ್ರೇಟ್​, ಪ್ರೋಟಿನ್​ ಹಾಗೂ ಸ್ವಲ್ಪ ಪ್ರಮಾಣದಲ್ಲಿ ಒಳ್ಳೆಯ ಕೊಬ್ಬಿನಂಶ ಇರುವಂತೆ ಮಾಡಿದರೆ ಅವರ ದಿನ ಉತ್ತಮವಾಗಿ ಶುರುವಾದಂತೆ. ಹೀಗಾಗಿ ಬೆಳಗ್ಗಿನ ಉಪಹಾರದ ಜೊತೆಯಲ್ಲಿ ಮಕ್ಕಳಿಗೆ ಮೊಟ್ಟೆಯನ್ನ ನೀಡೋದು ಒಳ್ಳೆಯದು.

ಓಟ್ ಮೀಲ್​ ಹಾಗೂ ಓಟ್ಸ್ ಮೆದುಳಿನ ಆರೋಗ್ಯಕ್ಕೆ ತುಂಬಾನೇ ಸಹಕಾರಿ. ಅಲ್ಲದೇ ಇದರಲ್ಲಿ ಹೇರಳವಾದ ಫೈಬರ್ ಅಂಶ, ವಿಟಮಿನ್ ​ಇ, ಬಿ ಹಾಗೂ ಜಿಂಕ್​ ಕೂಡ ಇದೆ. ಓಟ್ಸ್​ನಿಂದ ತರಹೇವಾರಿ ಖಾದ್ಯಗಳನ್ನ ನೀಡುವ ಮೂಲಕ ಮಕ್ಕಳನ್ನ ಜಂಕ್​ ಫುಡ್​ಗಳಿಂದ ದೂರವಿಡಿ.‌

ತರಕಾರಿಗಳಲ್ಲಿ ಇಲ್ಲದ ಪೋಷಕಾಂಶಗಳೇ ಇಲ್ಲ. ಹೀಗಾಗಿ ಮಕ್ಕಳಿಗೆ ಟೊಮ್ಯಾಟೋ, ಗೆಣಸು, ಕುಂಬಳಕಾಯಿ, ಕ್ಯಾರಟ್​ ಸೇರಿದಂತೆ ಒಂದಿಲ್ಲೊಂದು ತರಕಾರಿಗಳು ದೇಹದ ಒಳಕ್ಕೆ ಹೋಗುವಂತೆ ಮಾಡಿ.

ಹಾಲು, ಬೆಣ್ಣೆ, ತುಪ್ಪ ಹಾಗು ಮೊಸರಿನಲ್ಲಿ ಪ್ರೋಟಿನ್​ ಪ್ರಮಾಣ ಅಗಾಧವಾಗಿದೆ. ಅಲ್ಲದೇ ವಿಟಮಿನ್​ ವಿ ಅಂಶ ಕೂಡ ಮೆದುಳಿನ ಆರೋಗ್ಯವನ್ನ ಕಾಪಾಡಬಲ್ಲದು. ಕ್ಯಾಲ್ಶಿಯಂ ಅಂಶದಿಂದ ಮೂಳೆಗಳು ಸದೃಢವಾಗಿರಲಿದೆ. ಹೀಗಾಗಿ ಆದಷ್ಟು ಡೈರಿ ಉತ್ಪನ್ನಗಳನ್ನ ಮಕ್ಕಳಿಗೆ ಸೇವಿಸಲು ನೀಡಿ.