Corona Update: ಮಾರಕ ಕೊರೋನಾಗೆ ಬಳ್ಳಾರಿ 23, ಶಿವಮೊಗ್ಗ 20 ಸೇರಿ 353 ಮಂದಿ ಬಲಿ: 52 ಸಾವಿರ ಮಂದಿ ಗುಣಮುಖ – ಇಲ್ಲಿದೆ ಜಿಲ್ಲಾವಾರು ಮಾಹಿತಿ

ಬೆಂಗಳೂರು: ರಾಜ್ಯದಲ್ಲಿ ಇಂದು ಹೊಸದಾಗಿ 32,218 ಜನರಿಗೆ ಕೊರೊನಾ ಸೋಂಕು ತಗಲಿದ್ದು, 353 ಸೋಂಕಿತರು ಸಾವನ್ನಪ್ಪಿದ್ದಾರೆ. ಇದುವರೆಗೆ 24,207 ಸೋಂಕಿತರು ಮೃತಪಟ್ಟಿದ್ದಾರೆ. ಒಟ್ಟು ಸೋಂಕಿತರ ಸಂಖ್ಯೆ 23.67.742 ಕ್ಕೆ  ಏರಿಕೆಯಾಗಿದೆ.

ಇವತ್ತು ಆಸ್ಪತ್ರೆಯಿಂದ ಗುಣಮುಖರಾದ 52,581 ಜನ ಬಿಡುಗಡೆಯಾಗಿದ್ದಾರೆ. ಇದುವರೆಗೆ 18,29,276 ಜನ ಗುಣಮುಖರಾಗಿ ಡಿಸ್ಚಾರ್ಜ್ ಆಗಿದ್ದಾರೆ. 5,14,238 ಸಕ್ರಿಯ ಪ್ರಕರಣಗಳು ಇವೆ.

ರಾಜಧಾನಿ ಬೆಂಗಳೂರಿನಲ್ಲಿ ಹೊಸದಾಗಿ 9591 ಜನರಿಗೆ ಕೊರೋನಾ ಪಾಸಿಟಿವ್ ವರದಿ ಬಂದಿದ್ದು, 26,956 ಜನ ಗುಣಮುಖರಾಗಿ ಬಿಡುಗಡೆಯಾಗಿದ್ದಾರೆ. 2,89,131 ಸಕ್ರಿಯ ಪ್ರಕರಣಗಳಿದ್ದು, 129 ಮಂದಿ ಸಾವನ್ನಪ್ಪಿದ್ದಾರೆ.

ಇಂದು ಬಳ್ಳಾರಿಯಲ್ಲಿ 23, ಬೆಂಗಳೂರು ಗ್ರಾಮಾಂತರ 30, ಮೈಸೂರು 12, ಶಿವಮೊಗ್ಗ 20, ತುಮಕೂರು 16, ಉತ್ತರಕನ್ನಡ 22 ಸೇರಿದಂತೆ ರಾಜ್ಯದಲ್ಲಿ ಇಂದು 353 ಸೋಂಕಿತರು ಮೃತಪಟ್ಟಿದ್ದಾರೆ.