ಬೆಚ್ಚಿ ಬೀಳಿಸುವಂತಿದೆ ರಾಜ್ಯದಲ್ಲಿನ ಕೊರೋನಾ ಸ್ಪೋಟ: ಜಿಲ್ಲೆಗಳಲ್ಲೂ ಸೋಂಕಿನ ಸುನಾಮಿ – ಇಲ್ಲಿದೆ ಸಂಪೂರ್ಣ ಮಾಹಿತಿ

ಬೆಂಗಳೂರು: ರಾಜ್ಯದಲ್ಲಿ ಇವತ್ತು ಒಂದೇ ದಿನ ದಾಖಲೆಯ 17,489 ಜನರಿಗೆ ಕೊರೊನಾ ಸೋಂಕು ತಗುಲಿದೆ. ಇದರೊಂದಿಗೆ ಒಟ್ಟು ಸೋಂಕಿತರ ಸಂಖ್ಯೆ 11,41,998 ಕ್ಕೆ ಏರಿಕೆಯಾಗಿದೆ.

ರಾಜ್ಯದಲ್ಲಿ ಇಂದು 5565 ಮಂದಿ ಸೋಂಕಿತರು ಗುಣಮುಖರಾಗಿ ಡಿಸ್ಚಾರ್ಜ್ ಆಗಿದ್ದಾರೆ. ಇದುವರೆಗೆ 10,09,549 ಜನ ಸೋಂಕಿತರು ಗುಣಮುಖರಾಗಿ ಬಿಡುಗಡೆಯಾಗಿದ್ದಾರೆ. ಇವತ್ತು ಒಂದೇ ದಿನ 80 ಮಂದಿ ಸೋಂಕಿತರು ಮೃತಪಟ್ಟಿದ್ದು, ಇದುವರೆಗೆ 13,270 ಸೋಂಕಿತರು ಸಾವನ್ನಪ್ಪಿದ್ದಾರೆ. ರಾಜ್ಯದಲ್ಲಿ 1,19,160 ಸಕ್ರಿಯ ಪ್ರಕರಣಗಳಿದ್ದು 589 ಜನ ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಜಿಲ್ಲಾವಾರು ಮಾಹಿತಿ:

ಜಿಲ್ಲೆಗಳಲ್ಲಿಯೂ ಕೊರೋನಾ ಸೋಂಕಿತರ ಸಂಖ್ಯೆ ಭಾರೀ ಏರಿಕೆಯಾಗಿದೆ. ಬಾಗಲಕೋಟೆ 50, ಬಳ್ಳಾರಿ 355, ಬೆಳಗಾವಿ 188, ಬೆಂಗಳೂರು ಗ್ರಾಮಾಂತರ 262, ಬೆಂಗಳೂರು ನಗರ 11404, ಬೀದರ್ 359, ಚಾಮರಾಜನಗರ 136, ಚಿಕ್ಕಬಳ್ಳಾಪುರ 179 ಜನರಿಗೆ ಕೊರೋನಾ ಸೋಂಕು ತಗುಲಿದೆ.

ಚಿಕ್ಕಮಗಳೂರು 68, ಚಿತ್ರದುರ್ಗ 80, ದಕ್ಷಿಣಕನ್ನಡ 309, ದಾವಣಗೆರೆ 122, ಧಾರವಾಡ 272, ಗದಗ 37, ಹಾಸನ 224, ಹಾವೇರಿ 48, ಕಲಬುರ್ಗಿ 560, ಕೊಡಗು 58, ಕೋಲಾರ 144, ಕೊಪ್ಪಳ 121, ಮಂಡ್ಯ 223, ಮೈಸೂರು 811, ರಾಯಚೂರು 91, ರಾಮನಗರ 102, ಶಿವಮೊಗ್ಗ 125, ತುಮಕೂರು 507, ಉಡುಪಿ 118, ಉತ್ತರಕನ್ನಡ 102, ವಿಜಯಪುರ 281, ಯಾದಗಿರಿ 153 ಜನರಿಗೆ ಸೋಂಕು ತಗುಲಿದೆ.

ಬೆಂಗಳೂರಿನಲ್ಲಿ ಇಂದು 43 ಜನ ಸೋಂಕಿತರು ಸಾವನ್ನಪ್ಪಿದ್ದಾರೆ. ಬಳ್ಳಾರಿ 2, ಬೀದರ್ 2, ಚಾಮರಾಜನಗರ 2, ಚಿಕ್ಕಬಳ್ಳಾಪುರ 1, ಚಿಕ್ಕಮಗಳೂರು 1, ಧಾರವಾಡ 2, ಕಲಬುರ್ಗಿ 3, ಕೋಲಾರ 1, ಮಂಡ್ಯ 1, ಮೈಸೂರು 8, ಶಿವಮೊಗ್ಗ 1, ತುಮಕೂರು 3, ಉತ್ತರ ಕನ್ನಡ ಜಿಲ್ಲೆಯಲ್ಲಿ ಒಬ್ಬರು ಸಾವನ್ನಪ್ಪಿದ್ದಾರೆ.