ಆರ್ಡರ್ ಮಾಡಿದ್ದ ಆಹಾರ ಪೂರೈಕೆ ಮಾಡದೇ, ಹಣವನ್ನೂ ಮರುಪಾವತಿ ಮಾಡದ ಆನ್‌ಲೈನ್ ಆಹಾರ ವಿತರಣಾ ಅಪ್ಲಿಕೇಶನ್ Zomato ಮತ್ತು ರೆಸ್ಟೋರೆಂಟ್ ಮಾಲೀಕರಿಗೆ ಜಂಟಿಯಾಗಿ 8,362 ರೂ. ಪರಿಹಾರವನ್ನು ನೀಡಲು ಗ್ರಾಹಕರ ಕೋರ್ಟ್ ಆದೇಶಿಸಿದೆ. ಕೇರಳದ ಕೊಲ್ಲಂ ಜಿಲ್ಲಾ ಗ್ರಾಹಕ ವ್ಯಾಜ್ಯಗಳ ಪರಿಹಾರ ಆಯೋಗ ಪರಿಹಾರ ಹಣವನ್ನು ಪಾವತಿಸಲು ಆದೇಶಿಸಿದೆ.
ಆದೇಶದ ದಿನಾಂಕದಿಂದ 45 ದಿನಗಳಲ್ಲಿ ಜೊಮಾಟೊ ಮತ್ತು ರೆಸ್ಟೋರೆಂಟ್ ಮಾಲೀಕರು ನಿರ್ದೇಶನಗಳನ್ನು ಅನುಸರಿಸಬೇಕು ಎಂದು ಆಯೋಗವು ಆದೇಶಿಸಿದೆ. ವಿಫಲವಾದರೆ ವಿದ್ಯಾರ್ಥಿ/ದೂರುದಾರರು ವೆಚ್ಚವನ್ನು ಹೊರತುಪಡಿಸಿ 12% ದರದಲ್ಲಿ ಬಡ್ಡಿಯೊಂದಿಗೆ ಮೊತ್ತವನ್ನು ಮರುಪಡೆಯಲು ಅರ್ಹರಾಗಿರುತ್ತಾರೆ ಎಂದಿದೆ.
ದೂರುದಾರರಾದ ಅರುಣ್ ಜಿ ಕೃಷ್ಣನ್ ಅವರು ದೆಹಲಿ ವಿಶ್ವವಿದ್ಯಾಲಯದ ಕಾನೂನು ವಿಭಾಗದ ಅಂತಿಮ ವರ್ಷದ ಕಾನೂನು ವಿದ್ಯಾರ್ಥಿಯಾಗಿದ್ದು, ಗ್ರಾಹಕ ಸಂರಕ್ಷಣಾ ಕಾಯ್ದೆಯ ಸೆಕ್ಷನ್ 12 ರ ಅಡಿಯಲ್ಲಿ ಪ್ರಕರಣ ದಾಖಲಿಸಿದ್ದರು.
2019 ರಲ್ಲಿ ವಿದ್ಯಾರ್ಥಿಯು Zomato ಮೂಲಕ ರೆಸ್ಟೋರೆಂಟ್‌ನಿಂದ ಎರಡು ಆರ್ಡರ್‌ಗಳನ್ನು ಮಾಡಿದ್ದಾನೆ. ಆದರೆ ಕಂಪನಿಯು ಅವರಿಗೆ ಆಹಾರ ಪದಾರ್ಥವನ್ನು ತಲುಪಿಸಲಿಲ್ಲ ಮತ್ತು ಪಾವತಿಸಿದ ಮೊತ್ತವನ್ನು ಮರುಪಾವತಿ ಮಾಡಲಿಲ್ಲ.
Loading ...