ಬಾಲಿವುಡ್ ಬಾದ್ ಶಾ ಶಾರುಖ್ ಖಾನ್ ಮತ್ತು ಸುಲ್ತಾನ್ ಸಲ್ಮಾನ್ ಮತ್ತೆ ಒಟ್ಟಿಗೆ ತೆರೆಮೇಲೆ ಕಾಣಿಸಿಕೊಳ್ಳಲಿದ್ದಾರೆ. ಬಾಲಿವುಡ್ ಚಿತ್ರನಿರ್ಮಾಪಕ ಆದಿತ್ಯ ಚೋಪ್ರಾ ಅವರು ತಮ್ಮ ಸ್ಪೈ ಯುನಿವರ್ಸ್ ಪರಿಕಲ್ಪನೆಯೊಂದಿಗೆ ಅತಿದೊಡ್ಡ ಭಾರತೀಯ ಫ್ರಾಂಚೈಸ್ ಅನ್ನು ನಿರ್ಮಿಸುತ್ತಿದ್ದಾರೆ. ಇದು ಪ್ರೇಕ್ಷಕರಿಗೆ ಸಾಹಸ ಪ್ರದರ್ಶನ ನೀಡಲಿದೆ.
ಅತಿ ದೊಡ್ಡ ಸಾಹಸ ಪ್ರದರ್ಶನದ ಚಿತ್ರ ಇದಾಗಲಿದ್ದು ಆದಿತ್ಯ ಚೋಪ್ರಾ ಅವರು ಪಠಾಣ್ (ಶಾರುಖ್ ಖಾನ್), ಟೈಗರ್ (ಸಲ್ಮಾನ್ ಖಾನ್) ಮತ್ತು ವಾರ್ (ಹೃತಿಕ್ ರೋಷನ್) ಅವರನ್ನು ಒಟ್ಟಿಗೆ ತೆರೆ ಮೇಲೆ ತೋರಿಸೋ ದೊಡ್ಡ ಸಾಹಸಕ್ಕೆ ಮುಂದಾಗಿದ್ದಾರೆ. ಪಠಾಣ್ ಚಿತ್ರದಲ್ಲಿ ಸಲ್ಮಾನ್ ಖಾನ್ ಟೈಗರ್ ಆಗಿ ಕಾಣಿಸಿಕೊಳ್ಳಲಿದ್ದಾರೆ ಎಂಬುದು ಕನ್ಫರ್ಮ್ ಆಗಿರುವಾಗಲೇ ಇದೀಗ ಶಾರುಖ್ ಖಾನ್ ,ಟೈಗರ್ 3 ಚಿತ್ರದಲ್ಲಿ ಮನ ಮಿಡಿಯುವ ಸೀಕ್ವೆನ್ಸ್ ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂಬ ಮಾಹಿತಿ ದೃಢಪಟ್ಟಿದೆ.
ಶಾರುಖ್ ಖಾನ್ ಅವರು ಪಠಾಣ್ ಚಿತ್ರ ಬಿಡುಗಡೆಯಾದ ತಕ್ಷಣ ಟೈಗರ್ 3 ಚಿತ್ರದ ಶೂಟಿಂಗ್ ನಲ್ಲಿ ಭಾಗವಹಿಸಲಿದ್ದಾರೆ. ಹೀಗಾಗಿ ಟೈಗರ್ ಫ್ರ್ಯಾಂಚೈಸ್‌ನಲ್ಲಿ ಅವರ ಉಪಸ್ಥಿತಿ ಖಚಿತವಾಗಿದೆ. ಜನವರಿ 25, 2023 ರಂದು ಪಠಾಣ್ ಬಿಡುಗಡೆಯಾದ ತಕ್ಷಣ ಟೈಗರ್ 3 ನ ರೋಚಕ ಭಾಗದ ಚಿತ್ರೀಕರಣದಲ್ಲಿ ಶಾರುಖ್ ಖಾನ್ ಭಾಗವಹಿಸಲಿದ್ದಾರೆ ಎಂದು ಬಾಲಿವುಡ್ ಚಿತ್ರೋದ್ಯಮದ ಉನ್ನತ ಮೂಲಗಳು ಬಹಿರಂಗಪಡಿಸಿವೆ.
ಸದ್ಯ ಶಾರುಖ್ ಖಾನ್ ಎಂಟ್ರಿ ದೃಢಪಟ್ಟಿದ್ದು, ಹೃತಿಕ್ ರೋಷನ್ ಯಾವಾಗ ಸ್ಪೈ ಯೂನಿವರ್ಸ್‌ಗೆ ಪ್ರವೇಶಿಸುತ್ತಾರೆ ಎಂಬುದರ ಮೇಲೆ ಸಾಕಷ್ಟು ನಿರೀಕ್ಷೆ ಹಾಗು ಕುತೂಹಲವಿದೆ.
Loading ...