ಬೆಳಗಿನ ಬ್ರೇಕ್​ ಫಾಸ್ಟ್ ಮತ್ತು ಲಂಚ್​​ ಬಾಕ್ಸ್​​ಗೆ ಚೋಲೆ ಕ್ಯಾಬೇಜ್​ ರೈಸ್​ ಬಾತ್

ಬೆಳಗೆದ್ದು ಬ್ರೇಕ್​ಫಾಸ್ಟ್​ ಮತ್ತು ಲಂಚ್​ ಪ್ಯಾಕ್​ ಮಾಡೋದಕ್ಕೆ ಏನ್ ಅಡುಗೆ ಮಾಡೋದಪ್ಪ ಅಂತಾ ಯೋಚ್ನೇ ಮಾಡ್ತೀದ್ದೀರಾ? ಹಾಗಾದ್ರೆ ನೀವು ತಪ್ಪದೇ ಚೋಲೆ ಕ್ಯಾಬೇಜ್ ರೈಸ್​ ಬಾತ್​ ಟ್ರೈ ಮಾಡಲೇಬೇಕು. ಚೋಲೆ ಮಸಾಲ ಬಳಸಿ ಮಾಡುವ ಈ ರೈಸ್​ ಬಾತ್ ಬೆಳಗ್ಗಿನ ತಿಂಡಿಗಷ್ಟೇ ಅಲ್ಲದೇ ಮಧ್ಯಾಹ್ನದ ಲಂಚ್​ ಬಾಕ್ಸ್​ಗೂ ಹೊಂದುತ್ತದೆ. ಹಾಗಾದ್ರೆ ಚೋಲೆ ಕ್ಯಾಬೇಜ್​ ರೈಸ್​ ಬಾತ್ ಮಾಡುವ ವಿಧಾನ ಹೇಗೆ ಅನ್ನೋದನ್ನ ನೋಡೋಣ ಬನ್ನಿ.

ಮೊದಲಿಗೆ ಒಂದು ಕುಕ್ಕರ್​​ಗೆ 2 ಟೇಬಲ್ ಸ್ಪೂನ್​ನಷ್ಟು ಎಣ್ಣೆ ಹಾಕಿಕೊಳ್ಳಿ, ಇದಕ್ಕೆ ಒಂದು ಸ್ಪೂನ್ ತುಪ್ಪ ಸೇರಿಸಿ, ಪಲಾವ್ ಎಲೆ, 2 ಅನಾನಸ್ ಎಲೆ, 2 ಚಕ್ಕೆ, 2 ಲವಂಗ ಸೇರಿಸಿ ಬಾಡಿಸಿಕೊಳ್ಳಿ. ಇದಕ್ಕೆ ಹೆಚ್ಚಿಟ್ಟುಕೊಂಡಿರುವ 2 ಈರುಳ್ಳಿ ಸೇರಿಸಿ ಚೆನ್ನಾಗಿ ಫ್ರೈ ಮಾಡಿಕೊಳ್ಳಬೇಕು.

ಎಚ್ಚರ: ವಿಶೇಷ ಪರವಾನಿಗೆ ಇಲ್ಲದೆ ಗೋವಾ ಗಡಿ ದಾಟಿದ್ರೆ ಬೀಳುತ್ತೆ ಫೈನ್

ಬಳಿಕ ಅರ್ಧ ಚಮಚ ಅರಿಶಿನ, ಸಿಪ್ಪೆ ಬಿಡಿಸಿ ಕತ್ತರಿಸಿಟ್ಟುಕೊಂಡ ಒಂದು ಆಲೂಗೆಡ್ಡೆಯನ್ನು ಸೇರಿಸಿ ಹುರಿದುಕೊಳ್ಳಬೇಕು. ನಂತರ ಸಣ್ಣಗೆ ಹೆಚ್ಚಿಕೊಂಡ ಒಂದು ಕಪ್​ನಷ್ಟು ಎಲೆಕೋಸನ್ನು ಸೇರಿಸಿ 1 ನಿಮಿಷಗಳ ಕಾಲ ಹುರಿದುಕೊಳ್ಳಬೇಕು. ಬಳಿಕ ಒಂದು ಕಪ್ ಹಸಿ ಬಟಾಣಿ ಸೇರಿಸಿ ಫ್ರೈ ಮಾಡಿಕೊಳ್ಳಬೇಕು.

ನಂತರ ಸಣ್ಣದಾಗಿ ಹೆಚ್ಚಿಕೊಂಡ ಮೆಂತ್ಯೆ ಸೊಪ್ಪು ಒಂದು ಸಣ್ಣ ಕಪ್​ನಷ್ಟು, ಶುಂಠಿ , ಹಸಿ ಮೆಣಸಿನ ಕಾಯಿ , ಬೆಳ್ಳುಳ್ಳಿ ರುಬ್ಬಿಟ್ಟುಕೊಂಡ ಪೇಸ್ಟ್ ಒಂದು ಟೇಬಲ್ ಸ್ಪೂನ್ ಸೇರಿಸಿ ಹಸಿ ವಾಸನೆ ಹೋಗುವ ತನಕ ಹುರಿದುಕೊಳ್ಳಿ.

ಬಳಿಕ ಹೆಚ್ಚಿಟ್ಟುಕೊಂಡ ಒಂದು ಟೊಮ್ಯಾಟೋ, ಸೇರಿಸಿ ಒಂದೂವರೆ ಚಮಚದಷ್ಟು ಅಚ್ಚಖಾರದ ಪುಡಿ, ಚೋಲೆ ಮಸಾಲೆ ಒಂದು ಸ್ಪೂನ್​ನಷ್ಟು ಹಾಕಿಕೊಳ್ಳಬೇಕು. ಈ ರೈಸ್​ಬಾತ್​ನ ವಿಶೇಷತೆಯೇ ಚೋಲೆ ಮಸಾಲೆ.

ಇದಕ್ಕೆ ನೆನೆಸಿಟ್ಟ ಒಂದು ಲೋಟ ಬಾಸುಮತಿ ಅಕ್ಕಿಯನ್ನು ಸೇರಿಸಿ ನಿಧಾನಕ್ಕೆ ಮಿಶ್ರಣ ಮಾಡಿ. ಇದಕ್ಕೆ 2 ಲೋಟ ನೀರನ್ನು ಸೇರಿಸಿ ರುಚಿಗೆ ತಕ್ಕಷ್ಟು ಉಪ್ಪನ್ನು ಬೆರೆಸಿ ಮಿಕ್ಸ್ ಮಾಡಿಕೊಳ್ಳಬೇಕು. ಈಗ ಕುಕ್ಕರ್ ಮುಚ್ಚಳ ಮುಚ್ಚಿ 2 ವಿಶಲ್ ಬಂದರೇ ಕ್ಯಾಬೇಜ್ ರೈಸ್ ಬಾತ್ ಸವಿಯಲು ಸಿದ್ಧ.

ಇದನ್ನು ಮೊಸರು ಬಜ್ಜಿ ಇಲ್ಲವೇ ಚಟ್ನಿ ಜೊತೆಗೆ ಸವಿಯಬಹುದು.