ಬಾಹ್ಯಾಕಾಶದಲ್ಲಿ ಚೀನಾದ ಉಪಗ್ರಹ ಪುಂಜ….! ಭೂಮಿಯ ಇಂಚಿಂಚು ಜಾಗದ ಮೇಲೂ ಇರಲಿದೆ ಡ್ರ್ಯಾಗನ್​ ರಾಷ್ಟ್ರದ ಕಣ್ಣು

ಈ ವರ್ಷದ ಜುಲೈ ತಿಂಗಳಲ್ಲಿ ಉತ್ತೀರ್ಣರಾಗಿ ಕಾಲೇಜಿನಿಂದ ಹೊರ ಬಂದ ಸಹಪಾಠಿಗಳ ಗುಂಪೊಂದು ಅತ್ಯಂತ ವಿಶೇಷವಾಗಿ ತಮ್ಮ ಪದವಿ ದಿನದ ಫೋಟೋವನ್ನು ಕ್ಲಿಕ್ಕಿಸಿಕೊಳ್ಳಲು ಮುಂದಾಗಿದೆ ಎನ್ನುವುದರ ಬಗ್ಗೆ ಗ್ಲೋಬಲ್​ ಟೈಮ್ಸ್​​ ನ್ಯೂಸ್​ಪೇಪರ್​ ವರದಿ ಮಾಡಿದೆ. ಈ ವಿದ್ಯಾರ್ಥಿಗಳು ತಮ್ಮ ಫೋಟೋವನ್ನು ಆಕಾಶದಲ್ಲಿ ಕ್ಯಾಮರಾ ಇಟ್ಟು ಕ್ಲಿಕ್ಕಿಸಿಕೊಳ್ಳಲು ಮುಂದಾಗಿದ್ದಾರೆ. ಅಂದರೆ ವಿದ್ಯಾರ್ಥಿಗಳು ಇರುವ ಸ್ಥಳದಿಂದ ಸುಮಾರು 650 ಕಿಮೀ ಎತ್ತರದಲ್ಲಿರುವ ಕ್ಯಾಮರಾದಿಂದ ಫೋಟೋ ತೆಗೆಯುವ ಪ್ಲಾನ್ ಇದಾಗಿತ್ತು.

ಚೀನಾದ ಜಿಲಿನ್​ ಪ್ರಾಂತ್ಯದ ಚಾಂಗ್​ಚುನ್​​ ವಿಶ್ವವಿದ್ಯಾಲಯದ 100ಕ್ಕೂ ಅಧಿಕ ವಿದ್ಯಾರ್ಥಿಗಳು ಕೆಂಪು ಹಾಗೂ ಹಳದಿ ಬಣ್ಣದ ಬೋರ್ಡ್​ನ್ನು ತಲೆಯಲ್ಲಿ ಹಿಡಿದಿದ್ದರು. ಈ ಬೋರ್ಡ್​ನ ಮೇಲೆ ಕಾಲೇಜಿನ ಹೆಸರನ್ನು ಬರೆಯಲಾಗಿತ್ತು. ಈ ರೀತಿಯ ವಿಶೇಷ ಪ್ರಯತ್ನಕ್ಕೆ ವಿದ್ಯಾರ್ಥಿಗಳು ಕೈ ಹಾಕಿದ್ದರು.

BIG NEWS: `ಪೂರ್ವ ಲಡಾಖ್ ನಲ್ಲಿ ಚೀನಾ ಸೈನಿಕರ ಹೆಚ್ಚಳ’: ಇದು ಆತಂಕದ ವಿಷ್ಯವೆಂದ ಸೇನಾ ಮುಖ್ಯಸ್ಥ

ಸ್ಥಳೀಯ ಕಾಲಮಾನ ಬೆಳಗ್ಗೆ 9:45ರ ಸುಮಾರಿಗೆ ವಿಶ್ವವಿದ್ಯಾಲಯದ ಮೈದಾನದ ಬಳಿ ಹಾದು ಹೋದ ಜಿಲಿನ್​ 1 ಸ್ಪೆಕ್ಟ್ರಮ್​ 1 ಹಾಗೂ ಜಿಲಿನ್​ 1 ವಿಡಿಯೋ 07 ಉಪಗ್ರಹವು ವಿದ್ಯಾರ್ಥಿಗಳ ಫೋಟೋ ಕ್ಲಿಕ್ಕಿಸಿದೆ. ಇದಾದ ಬಳಿಕ ಚೀನಾದ ಬಹುತೇಕ ಎಲ್ಲಾ ವಿಶ್ವವಿದ್ಯಾಲಯಗಳು ಇಂತಹದ್ದೊಂದು ಪ್ರಯತ್ನಕ್ಕೆ ಕೈ ಹಾಕಿದ್ದವು. ಕೃತಕ ಉಪಗ್ರಹಗಳನ್ನು ನಿಯಂತ್ರಿಸುವ ಚೀನಾದ ಚಾಂಗ್​ಗುವಾಂಗ್​​ ಉಪಗ್ರಹ ತಂತ್ರಜ್ಞಾನ ಪದವಿ ವಿದ್ಯಾರ್ಥಿಗಳ ಫೋಟೋವನ್ನು ಕ್ಲಿಕ್ಕಿಸಿಕೊಡ್ತಿರೋದು ಸಮಸ್ಯೆಯಾಗುವಂತಹ ವಿಚಾರವೇನಲ್ಲ. ಇದರ ಜೊತೆಯಲ್ಲಿ ಸಿಜಿಎಸ್​ಟಿಸಿ ಚೀನಾದ ಮೊದಲ ವಾಣಿಜ್ಯ ಉಪಗ್ರಹ ಪುಂಜ ಸ್ಥಾಪನೆಗೆ ಮುಂದಾಗಿದೆ.

ಚಾಂಗ್​ಗುವಾಂಗ್​ ಉಪಗ್ರಹ ತಂತ್ರಜ್ಞಾನವು ಈ ಕೃತಕ ಉಪಗ್ರಹ ಪುಂಜವನ್ನು 2030ರ ಒಳಗಾಗಿ ಸ್ಥಾಪನೆ ಮಾಡುವ ಗುರಿ ಹೊಂದಿದೆ. ಇದರಲ್ಲಿ ಬರುವ ಜಿಲಿನ್​ 1 ಉಪಗ್ರಹ ಪುಂಜವು ಎಷ್ಟರ ಮಟ್ಟಿಗೆ ರಿಮೋಟ್​ ಸೆನ್ಸಾರ್​ ಸಾಮರ್ಥ್ಯ ಹೊಂದಿದೆ ಎಂದರೆ ಪ್ರತಿ 10 ನಿಮಿಷಕ್ಕೆ ಭೂಮಿಯ ಪ್ರತಿಯೊಂದು ಇಂಚುಗಳ ಮೇಲೆಯೂ ನಿಗಾ ಇಡಲಿದೆ. ಈ ಮೂಲಕ ಸ್ಮಾರ್ಟ್ ಸಿಟಿ, ಅರಣ್ಯ ಪ್ರದೇಶ, ಕೃಷಿ ಭೂಮಿ ಹೀಗೆ ಪ್ರತಿಯೊಂದು ಸ್ಥಳಗಳ ಮೇಲೂ ಚೀನಾ ಕಣ್ಣು ಇರಲಿದೆ.

ಕೊರೊನಾ ನಂತ್ರ ಕಾಡ್ತಿದೆ ಈ ಅಪಾಯಕಾರಿ ಸಮಸ್ಯೆ

ಸೆಪ್ಟೆಂಬರ್​ 2020ರಲ್ಲಿ ಜಿಲಿನ್​ 1 ಉಪಗ್ರಹಗಳನ್ನು ಹಳದಿ ಸಮುದ್ರದ ವೇದಿಕೆಯಿಂದ ಒಂದೇ ಬಾರಿಗೆ ಉಡಾವಣೆ ಮಾಡಲಾಗಿತ್ತು. ಈ ಮೂಲಕ ಚೀನಾ ಮೊದಲ ಬಾರಿಗೆ ಸಮುದ್ರದಿಂದ ಉಪಗ್ರಹಗಳನ್ನು ಉಡಾವಣೆ ಮಾಡಿ ತೋರಿಸಿತು. ಜಿಲಿನ್​ 1 ಹಗುರವಾದ ರಚನಾತ್ಮಕ ವಿನ್ಯಾಸ ಹೊಂದಿದ್ದು ಹೆಚ್ಚಿನ ರೆಸೆಲ್ಯೂಷನ್​ನ್ನ ಕ್ಯಾಮರಾ ಹೊಂದಿದೆ. ಪ್ರತಿಯೊಂದು ಉಪಗ್ರಹಗಳ ತೂಕ 40 ಕೆಜಿ ಇದೆ ಎನ್ನಲಾಗಿದೆ.

ಸಿಜಿಎಸ್​ಟಿಸಿ ನೀಡಿರುವ ಮಾಹಿತಿಯ ಪ್ರಕಾರ 2021ರ ಅಂತ್ಯದ ವೇಳೆಗೆ ಬಾಹ್ಯಾಕಾಶದಲ್ಲಿ 60 ಜಿಲಿನ್ ಉಪಗ್ರಹ ಇರಲಿದೆ ಎಂದು ಹೇಳಿದೆ. ಕೇವಲ ಮೂರು ತಿಂಗಳಲ್ಲಿ ಸಿಜಿಎಸ್​ಟಿಸಿ ಹೆಚ್ಚುವರಿ 29 ಜಿಲಿನ್​ ಉಪಗ್ರಹಗಳನ್ನು ಕಳುಹಿಸಿದೆ. 2030ರ ಅಂತ್ಯದ ವೇಳೆಗೆ ಉಳಿದ 78 ಉಪಗ್ರಹಗಳು ಬಾಹ್ಯಾಕಾಶವನ್ನು ಸೇರಲಿವೆ. ಈ ಮೂಲಕ ಪ್ರತಿ 10 ನಿಮಿಷಕ್ಕೆ ಹಗಲು ಇರುಳೆನ್ನದೇ ಭೂಮಿಯ ಇಂಚಿಂಚೂ ಜಾಗದ ಮೇಲೂ ಕಣ್ಣಿಡಲಿವೆ.