ಚೀನಾದಿಂದ ಬಂದ ಒಂದು ಆಘಾತಕಾರಿ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ. ಈ ವಿಡಿಯೋದಲ್ಲಿ ಒಂದು ಕಂಪನಿಯ ಉದ್ಯೋಗಿಗಳು ತಮ್ಮ ಬಾಸ್ ಮುಂದೆ ನೆಲಕ್ಕೆ ಬಿದ್ದು, ಭಕ್ತಿಯಿಂದ ಅವರನ್ನು ಸ್ವಾಗತಿಸುವುದನ್ನು ಕಾಣಬಹುದು. ಗ್ವಾಂಗ್‌ಝೌ ನಗರದಲ್ಲಿ ಚಿತ್ರೀಕರಿಸಲಾದ ಈ ದೃಶ್ಯವು ವೈರಲ್ ಆಗಿದ್ದು, ಈ ಪ್ರದೇಶದಲ್ಲಿನ ಕೆಲಸದ ಸಂಸ್ಕೃತಿಯ ಬಗ್ಗೆ ವ್ಯಾಪಕ ಚರ್ಚೆಗೆ ಕಾರಣವಾಗಿದೆ.
ವಿಡಿಯೋದಲ್ಲಿ, ಪುರುಷ ಮತ್ತು ಮಹಿಳಾ ಉದ್ಯೋಗಿಗಳು ಕಚೇರಿ ಕಾರಿಡಾರ್‌ನಲ್ಲಿ ನೆಲದ ಮೇಲೆ ಮಲಗಿರುವುದನ್ನು ಕಾಣಬಹುದು. ಅವರು “ಕಿಮಿಂಗ್ ಶಾಖೆಯ ಬಾಸ್ ಹುವಾಂಗ್ ಅವರನ್ನು ಸ್ವಾಗತಿಸುತ್ತೇವೆ. ನಾವು ಬದುಕಿದರೂ ಸರಿ, ಸತ್ತರೂ ಸರಿ, ನಮ್ಮ ಕೆಲಸದ ಗುರಿಯನ್ನು ಎಂದಿಗೂ ವಿಫಲಗೊಳಿಸುವುದಿಲ್ಲ” ಎಂದು ಹೇಳುತ್ತಿದ್ದಾರೆ. ಈ ಆಘಾತಕಾರಿ ದೃಶ್ಯವು ವ್ಯಾಪಕ ಟೀಕೆಗಳನ್ನು ಎದುರಿಸಿದೆ. ಜನರು ಉದ್ಯೋಗಿಗಳ ನಡವಳಿಕೆಯ ಬಗ್ಗೆ ಅಚ್ಚರಿ ವ್ಯಕ್ತಪಡಿಸಿದ್ದಾರೆ.
ಈ ವಿಡಿಯೋ ನಿಜವಾಗಿಯೂ ನಡೆದಿದೆಯೋ ಅಥವಾ ನಾಟಕೀಯವಾಗಿ ಚಿತ್ರೀಕರಿಸಲಾಗಿದೆಯೋ ಎಂಬುದರ ಬಗ್ಗೆ ಪ್ರಶ್ನೆಗಳು ಹುಟ್ಟಿಕೊಂಡರೂ, ಕಂಪನಿಯ ಕಾನೂನು ಇಲಾಖೆ ಈ ಘಟನೆಯಿಂದ ದೂರವಾಗಿದೆ. ಸೌತ್ ಚೈನಾ ಮಾರ್ನಿಂಗ್ ಪೋಸ್ಟ್‌ನ ವರದಿಯ ಪ್ರಕಾರ, ಬಾಸ್ ಈ ರೀತಿಯ ಯಾವುದೇ ಘಟನೆಯಲ್ಲಿ ಭಾಗಿಯಾಗಿಲ್ಲ ಮತ್ತು ವಿಡಿಯೋ ಕಂಪನಿಯ ನಿಜವಾದ ಅಭ್ಯಾಸಗಳನ್ನು ಪ್ರತಿಬಿಂಬಿಸುವುದಿಲ್ಲ ಎಂದು ಕಾನೂನು ತಂಡ ಹೇಳಿದೆ.
ಕಂಪನಿಯ ನಿರಾಕರಣೆಯ ಹೊರತಾಗಿಯೂ, ಈ ವಿಡಿಯೋವು ಚೀನಾದಲ್ಲಿ ಹೆಚ್ಚಾಗಿ ಕಂಡುಬರುವ ಕೆಲಸದ ಸಂಸ್ಕೃತಿಯ ಬಗ್ಗೆ ದೊಡ್ಡ ಚರ್ಚೆಯನ್ನು ಹುಟ್ಟುಹಾಕಿದೆ. ಕಳೆದ ಕೆಲವು ವರ್ಷಗಳಲ್ಲಿ, ಚೀನಾ ತನ್ನ ಬೇಡಿಕೆಯ ಕೆಲಸದ ಪರಿಸರಕ್ಕೆ ಹೆಸರುವಾಸಿಯಾಗಿದೆ. ಇಲ್ಲಿ ಉದ್ಯೋಗಿಗಳು ಕಾರ್ಯಕ್ಷಮತೆಯಲ್ಲಿ ಅತ್ಯಂತ ಹೆಚ್ಚಿನ ಒತ್ತಡವನ್ನು ಎದುರಿಸುತ್ತಾರೆ ಮತ್ತು ಕೆಲವೊಮ್ಮೆ ಕಠಿಣ ಮತ್ತು ಅವಮಾನಕರವಾದ ಸಂಗತಿಗಳನ್ನು ಸಹ ಸಹಿಸಿಕೊಳ್ಳಬೇಕಾಗುತ್ತದೆ.
ಕಳೆದ ವರ್ಷದ ಅಕ್ಟೋಬರ್‌ನಲ್ಲಿ ಮತ್ತೊಂದು ಘಟನೆಯಲ್ಲಿ, ಒಂದು ಚೀನೀ ಕಂಪನಿಯು ತನ್ನ ವಿವಾದಾತ್ಮಕ “ಫಿಟ್ನೆಸ್ ನೀತಿ” ಗಾಗಿ ಗಮನ ಸೆಳೆದಿತ್ತು. ಈ ನೀತಿಯ ಪ್ರಕಾರ ಉದ್ಯೋಗಿಗಳು ದಿನಕ್ಕೆ ಕಡ್ಡಾಯವಾಗಿ ಇಷ್ಟು ಹೆಜ್ಜೆಗಳನ್ನು ನಡೆಯಬೇಕು ಎಂಬ ನಿಯಮ ವಿಧಿಸಲಾಗಿತ್ತು. ಗುರಿಯನ್ನು ತಲುಪಲು ವಿಫಲವಾದವರಿಗೆ ದಂಡ ವಿಧಿಸಲಾಗುತ್ತಿತ್ತು.
👀 20 empleados fueron captados tirados al suelo para saludar a su jefe, en una ciudad china.
🎥 Más videos en Rumble 👉 https://t.co/InXJUxJraH pic.twitter.com/o0AiAHknCQ
— RT en Español (@ActualidadRT) December 13, 2024
Loading ...