ವಿಶ್ವದ ಶ್ರೀಮಂತ ದೇಶದ ಪಟ್ಟಿಯಲ್ಲಿ ಅಮೆರಿಕವನ್ನೇ ಹಿಂದಿಕ್ಕಿ ಅಗ್ರಸ್ಥಾನ ಪಡೆದ ಚೀನಾ..!

ಕಳೆದ ಎರಡು ದಶಕಗಳಲ್ಲಿ ಜಾಗತಿಕ ಸಂಪತ್ತು ಮೂರು ಪಟ್ಟು ದುಪ್ಪಟ್ಟು ಮಾಡಿಕೊಂಡಿರುವ ಚೀನಾವು ಅಮೆರಿಕವನ್ನು ಹಿಂದಿಕ್ಕಿ ಅತ್ಯಂತ ಶ್ರೀಮಂತ ರಾಷ್ಟ್ರ ಎನಿಸಿಕೊಂಡಿದೆ.

ಮೆಕ್​ಕಿನ್ಸೆ & ಕೋ ಕನ್ಸಲ್ಟೆಂಟ್ಸ್​​ ಸಂಶೋಧನಾ ವರದಿಯು ಈ ಮಾಹಿತಿಯನ್ನು ನೀಡಿದೆ. ಕಳೆದ ಎರಡು ದಶಕಗಳಲ್ಲಿ ಚೀನಾದ ಜಾಗತಿಕ ಸಂಪತ್ತು ಮೂರು ಪಟ್ಟು ಹೆಚ್ಚಾಗಿದೆ.

ಈ ವರದಿಯು ವಿಶ್ವದ ಆದಾಯದ 60 ಪ್ರತಿಶತಕ್ಕಿಂತ ಹೆಚ್ಚು ಪ್ರತಿನಿಧಿಸುವ ಹತ್ತು ದೇಶಗಳ ಬ್ಯಾಲೆನ್ಸ್​ ಶೀಟ್​ಗಳನ್ನು ಪರಿಶೀಲಿಸಿದೆ.

ನಾವು ಹಿಂದೆಂದಿಗಿಂತಲೂ ಹೆಚ್ಚು ಶ್ರೀಮಂತರಾಗಿದ್ದೇವೆ ಎಂದು ಜ್ಯೂರಿಚ್​​ನ ಮೆಕಿನ್ಸೆ ಗ್ಲೋಬಲ್​ ಇನ್​ಸ್ಟಿಟ್ಯೂಟ್​​ನ ಸಹಭಾಗಿ ಜಾನ್​ ಮಿಶ್ಕೆ ಸಂದರ್ಶನದಲ್ಲಿ ಹೇಳಿದ್ದಾರೆ. ಅಧ್ಯಯನದ ಪ್ರಕಾರ ವಿಶ್ವಾದ್ಯಂತ ನಿವ್ವಳ ಮೌಲ್ಯವು 2020ರಲ್ಲಿ 514 ಲಕ್ಷ ಕೋಟಿ ಡಾಲರ್​ಗೆ ಏರಿಕೆಯಾಗಿದೆ. 2000ನೇ ಇಸ್ವಿಯಲ್ಲಿ ಈ ಪ್ರಮಾಣ 156 ಲಕ್ಷ ಕೋಟಿ ಡಾಲರ್​ ಆಗಿತ್ತು. ಈ ಏರಿಕೆಯಲ್ಲಿ ಚೀನಾದ ಪಾಲು ಮೂರರಲ್ಲಿ ಒಂದು ಭಾಗವಾಗಿದೆ..!

2000ನೇ ಇಸ್ವಿಯಲ್ಲಿ ಚೀನಾ ವಿಶ್ವ ವಾಣಿಜ್ಯ ಸಂಸ್ಥೆಗೆ ಸೇರ್ಪಡೆಗೊಳ್ಳುವ ಮುನ್ನ 7 ಲಕ್ಷ ಕೋಟಿ ಇದ್ದ ಚೀನಾದ ಆದಾಯವು 20 ವರ್ಷಗಳಲ್ಲಿ ಬರೋಬ್ಬರಿ 120 ಲಕ್ಷ ಕೋಟಿ ಡಾಲರ್​ ಆಗಿದೆ.