ಚೀನಾದ ಕಂಪನಿಯೊಂದರ ಸಿಇಒ ಗೆ ಈಗಾಗಲೇ 9 ಮಂದಿ ಮಕ್ಕಳಿದ್ದಾರೆ. ಆದರೆ ಅವರ ಪತ್ನಿಗೆ ಇನ್ನೂ ಮೂವರು ಮಕ್ಕಳು ಬೇಕಂತೆ. ಅಂದರೆ ಬರೋಬ್ಬರಿ ಒಂದು ಡಜನ್‌ ಮಕ್ಕಳನ್ನು ಹೊಂದುವ ಬಯಕೆ ಆಕೆಯದು. ಇದರ ಹಿಂದೆಯೂ ಇಂಟ್ರಸ್ಟಿಂಗ್‌ ಕಾರಣವೊಂದಿದೆ.
ಝಾವೋ ವಾನ್ಲಾಂಗ್ ವಿದ್ಯುತ್ ಸರಬರಾಜು ಕಂಪನಿಯ ಸಿಇಒ ಮತ್ತು ಅವರ ಪತ್ನಿ ಜನರಲ್ ಮ್ಯಾನೇಜರ್ ಆಗಿದ್ದಾರೆ. ಅವರ ವಾರ್ಷಿಕ ಗಳಿಕೆಯ ಮೊತ್ತ $55 ಮಿಲಿಯನ್ (ಸುಮಾರು 464 ಕೋಟಿ ರೂ.).
ಚೀನೀ CEO ಮತ್ತು ಅವರ ಪತ್ನಿ ಒಂಬತ್ತು ಮಕ್ಕಳನ್ನು ಹೊಂದಿದ್ದಾರೆ . 12 ಚೀನೀ ರಾಶಿಚಕ್ರದ ಚಿಹ್ನೆಗಳನ್ನು ಪ್ರತಿನಿಧಿಸಲು ಇನ್ನೂ ಮೂವರು ಮಕ್ಕಳನ್ನು ಹೊಂದಲು ಬಯಸಿದ್ದಾರೆ. “ಹೆಚ್ಚು ಮಕ್ಕಳನ್ನು ಹೊಂದುವುದು ಒಂದು ಆಶೀರ್ವಾದ” ಎಂದು ಅವರು ನಂಬುತ್ತಾರೆ.
ಪೂರ್ವ ಚೀನಾದ 33 ವರ್ಷದ ಟಿಯಾನ್ ಡಾಂಗ್ಕ್ಸಿಯಾ, 2008 ರಲ್ಲಿ ತನ್ನ ಪತಿ ಝಾವೊ ವಾನ್ಲಾಂಗ್ ಅವರನ್ನು ಭೇಟಿಯಾದರು ಮತ್ತು ಎರಡು ವರ್ಷಗಳ ನಂತರ ಅವರ ವಿವಾಹವಾಯಿತು. ಝಾವೋ ವಿದ್ಯುತ್ ಸರಬರಾಜು ಕಂಪನಿಯ CEO ಮತ್ತು ಸಂಸ್ಥಾಪಕರಾಗಿದ್ದಾರೆ, ಟಿಯಾನ್ ಕಂಪನಿಯ ಜನರಲ್ ಮ್ಯಾನೇಜರ್ ಆಗಿದ್ದಾರೆ.
ದಂಪತಿಗಳ ಮೊದಲ ಹೆಣ್ಣು ಮಗು 2010 ರಲ್ಲಿಜನಿಸಿತು. ನಂತರದ ವರ್ಷಗಳಲ್ಲಿ, ಅವರು ಅವಳಿ ಗಂಡು ಒಳಗೊಂಡಂತೆ ಇನ್ನೂ ಎಂಟು ಮಕ್ಕಳೊಂದಿಗೆ ತಮ್ಮ ಕುಟುಂಬವನ್ನು ವಿಸ್ತರಿಸಿದರು. ಅವರ ಕಿರಿಯ ಮಗ ನವೆಂಬರ್ 2022 ರಲ್ಲಿ ಜನಿಸಿದ್ದು, ಐದು ಗಂಡು ಮತ್ತು ನಾಲ್ಕು ಹೆಣ್ಣು ಮಕ್ಕಳು ಚೀನಿ ರಾಶಿ ಚಕ್ರಗಳನ್ನು ಪ್ರತಿನಿಧಿಸುತ್ತಾರೆ.
ತನ್ನ ಹತ್ತನೇ ಮಗುವಿಗೆ ತಯಾರಿ ನಡೆಸುತ್ತಿರುವ ಟಿಯಾನ್, “ತನ್ನ ಗಂಡನ ಉತ್ತಮ ವಂಶವಾಹಿಗಳನ್ನು ವ್ಯರ್ಥ ಮಾಡಬಾರದು” ಎಂಬ ಬಯಕೆಯಿಂದ ಹಾಗೂ 12 ಚೀನೀ ರಾಶಿಚಕ್ರದ ಚಿಹ್ನೆಗಳಲ್ಲಿ ಪ್ರತಿಯೊಂದಕ್ಕೂ ಮಗುವನ್ನು ಹೊಂದಲು ತಾನು ಆಕಾಂಕ್ಷೆ ಹೊಂದಿರುವುದಾಗಿ ತಿಳಿಸಿದ್ದಾರೆ.
Loading ...