ಬೆಂಗಳೂರು : ದಿನನಿತ್ಯ ವಸ್ತುಗಳ ಬೆಲೆ ಏರಿಕೆಯಿಂದ ಕಂಗೆಟ್ಟಿದ್ದ ಜನಸಾಮಾನ್ಯರಿಗೆ ಮತ್ತೊಂದು ಶಾಕ್ ಎದುರಾಗಿದೆ. ಅದರಲ್ಲೂ ಮಾಂಸ ಪ್ರಿಯರಿಗೆ ಇದೀಗ ಚಿಕನ್, ಮೊಟ್ಟೆ ಬೆಲೆ ಏರಿಕೆಯ ಬಿಸಿ ತಟ್ಟಲಿದೆ.
ಹೌದು. ಗರಿಷ್ಟ ತಾಪಮಾನದ ಪರಿಣಾಮ ಚಿಕನ್ ಹಾಗೂ ಮೊಟ್ಟೆ ದರದಲ್ಲಿ ಏರಿಕೆಯಾಗಿದೆ. ಚಿಕನ್ ದರ ಕೆಜಿ 200 ರಿಂದ 210 ಕ್ಕೆ ಏರಿಕೆಯಾಗಿದ್ದರೆ, ಫಾರಂ ಕೋಳಿ ದರ 180 ರಿಂದ 190 ರೂವರರೆಗೂ ಮಾರಾಟವಾಗುತ್ತಿದೆ. ಕೆಲವು ಕಡೆ 200 ರೂ.ಗೆ ಕೂಡ ಮಾರಾಟವಾಗುತ್ತಿದೆ ಎನ್ನಲಾಗಿದೆ.
ಅದೇ ರೀತಿ ಮೊಟ್ಟೆ ಬೆಲೆ ಕೂಡ ಏರಿಕೆಯಾಗಿದ್ದು, ಮೊಟ್ಟೆ ಬೆಲೆ 5 ರೂಪಾಯಿಯಿಂದ ಇದೀಗ 6.5 ರೂಪಾಯಿಗೆ ಏರಿಕೆಯಾಗಿದೆ. ಮೊಟ್ಟೆಗೆ ರಾಜ್ಯದಲ್ಲಿ ಭಾರಿ ಬೇಡಿಕೆ ಬರುತ್ತಿದ್ದು, ಇತರ ರಾಜ್ಯಗಳಿಂದ ಕೂಡ ಭಾರಿ ಬೇಡಿಕೆ ಬರುತ್ತಿದೆ ಎನ್ನಲಾಗಿದೆ. ಗರಿಷ್ಟ ತಾಪಮಾನ, ಹೀಟ್ ವೇವ್ಸ್ ಪರಿಣಾಮ ಚಿಕನ್ ಹಾಗೂ ಮೊಟ್ಟೆ ಬೆಲೆ ಏರಿಕೆಯಾಗಿದೆ ಎನ್ನಲಾಗಿದೆ. ಬೇಸಿಗೆಯಲ್ಲಿ ಚಿಕನ್ ಹಾಗೂ ಮೊಟ್ಟೆಗೆ ಭಾರಿ ಬೇಡಿಕೆ ಬಂದಿತ್ತು, ಮಕ್ಕಳು ರಜಾದಿನಗಳಿಗಾಗಿ ಮನೆಯಲ್ಲಿಯೇ ಇರುವ ಸಮಯ, ಮತ್ತು ಪಾರ್ಟಿಗಳು, ಭೋಜನಗಳು ಮತ್ತು ಇತರ ಸಮಾರಂಭಗಳು ಹೆಚ್ಚು ನಡೆಯುವ ಹಿನ್ನೆಲೆ ಭಾರಿ ಬೇಡಿಕೆ ಬಂದಿತ್ತು ಎನ್ನಲಾಗಿದೆ.