ನವದೆಹಲಿ: ರಾಜಸ್ಥಾನದ ನಂತರ ಛತ್ತೀಸ್ ಗಢದ ಮುಖ್ಯಮಂತ್ರಿ ಭೂಪೇಶ್ ಬಘೇಲ್ ಅವರು 2022-2023ರ ಬಜೆಟ್‌ನಲ್ಲಿ ಸರ್ಕಾರಿ ನೌಕರರಿಗೆ ಹಳೆಯ ಪಿಂಚಣಿ ಯೋಜನೆಯನ್ನು(OPS) ಮರು ಜಾರಿಗೊಳಿಸುವುದಾಗಿ ಘೋಷಿಸಿದ್ದಾರೆ.
ನಿವೃತ್ತಿಯ ನಂತರ ಖಚಿತವಾದ ಆದಾಯವನ್ನು ಒದಗಿಸುವ ಸರ್ಕಾರಿ ನೌಕರರಿಗೆ ಹಳೆಯ ಪಿಂಚಣಿ ಯೋಜನೆಯನ್ನು ಪುನಃ ಪರಿಚಯಿಸಿದ ಎರಡನೇ ರಾಜ್ಯ ಛತ್ತೀಸ್ ಗಢ ಆಗಿದೆ.
ಇದಲ್ಲದೆ, ರಾಹುಲ್ ಗಾಂಧಿಯವರ ನಿರ್ದೇಶನದ ಮೇರೆಗೆ, ಸಿಎಂ ಬಘೇಲ್ ಅವರು ಬಜೆಟ್‌ ನಲ್ಲಿ ಭೂರಹಿತ ಕೃಷಿ ಕಾರ್ಮಿಕರನ್ನು ಆಕರ್ಷಿಸಲು ಮುಂದಿನ ವರ್ಷದಿಂದ ರಾಜೀವ್ ಗಾಂಧಿ ಭೂಮಿಹಿಂ ಕೃಷಿ ಮಜ್ದೂರ್ ನ್ಯಾಯ್ ಯೋಜನೆಯಡಿ ವಾರ್ಷಿಕ ನೆರವನ್ನು 6,000 ರಿಂದ 7,000 ರೂ.ಗೆ ಕ್ಕೆ ಹೆಚ್ಚಿಸುವುದಾಗಿ ಘೋಷಿಸಿದರು.
ಎಲ್ಲಾ ವೃತ್ತಿಪರ ಪರೀಕ್ಷೆಗಳಲ್ಲಿ ಛತ್ತೀಸ್ ಗಢ ನಿವಾಸಿಗಳಿಗೆ ಪರೀಕ್ಷಾ ಶುಲ್ಕ ಮನ್ನಾ ಮಾಡುವುದು, ಪ್ರಧಾನಮಂತ್ರಿ ಆಯುಷ್ಮಾನ್ ಭಾರತ್ ಯೋಜನೆ, ರಾಷ್ಟ್ರೀಯ ಗ್ರಾಮೀಣ ಉದ್ಯೋಗ ಖಾತ್ರಿ ಯೋಜನೆ ಅಡಿಯಲ್ಲಿ 580 ಕೋಟಿ ರೂ.ಗಳನ್ನು ಒದಗಿಸುವುದು ಸೇರಿದಂತೆ ಸಮಾಜದ ಪ್ರತಿಯೊಂದು ವಿಭಾಗವನ್ನು ಮುಟ್ಟಲು ಮುಖ್ಯಮಂತ್ರಿ ಪ್ರಯತ್ನಿಸಿದ್ದಾರೆ.
ರಾಜೀವ್ ಗಾಂಧಿ ಕಿಸಾನ್ ನ್ಯಾಯ ಯೋಜನೆಯಡಿ ರೈತರಿಗೆ ಪ್ರತಿ ಎಕರೆಗೆ 10,000 ರೂ.ಗಳ ವಾರ್ಷಿಕ ಸಹಾಯವನ್ನು ನೀಡಲಾಗುತ್ತದೆ. ಬಜೆಟ್‌ ನಲ್ಲಿ ಮತ್ತೊಂದು ಪ್ರಮುಖ ಘೋಷಣೆಯೆಂದರೆ 5 ಅಶ್ವಶಕ್ತಿಯವರೆಗೆ ಉಚಿತ ವಿದ್ಯುತ್ ನೀಡುವುದಾಗಿದೆ, ಈ ಕ್ರಮದಿಂದ 4.80 ಲಕ್ಷ ರೈತರ ಕೃಷಿ ಪಂಪ್‌ ಗಳಿಗೆ ಉಚಿತ ವಿದ್ಯುತ್ ಸೌಲಭ್ಯ ಸಿಗಲಿದೆ.
Loading ...